Realizamos caras partindo de figuras xeométricas e traballamos conceptos como o par/impar e as simetrías.

                                                   Dada a gran colaboración do alumnado aportando flores para os maios, aproveitamos para facer varias actividades con elas. 

                               Algunhas xa as coñecíamos pero outras non, entón adicamos un ratiño a buscar que nome tiñan para ampliar o noso vocabulario da flora da contorna.

                                                                                              Tamén as ulimos, tocamos, apreciamos as súas bonitas cores.. 

                             Despois fxeron unhas fermosas composicións artísticas con elementos naturais,  cada un deixou voar a súa imaxinación e sairon cousas marabillosas. 

                                                                       Tamén houbo tempo para  experimentar, manipular e crear diferentes perfumes de flores naturais. 

                          As diferentes fragrancias ían etiquetadas cada unha co seu nome e como podedes ver tamén as ían probando a ver cal era a que máis lle gustaba a cada un.

A experimentación, observación e manipulación son a base para a apredizaxe, nos distintos minimundos e bandexas sensoriais que fomos creando o longo do curso @s nen@s tiveron a a oportunidade de aprender xogando

As bandexas de estimulación sensorial

@s nen@s de educación infantil adentrámonos no mundo dos mapas e dos planos, o que nos permitiu formar un esquema mental da nosa zona, onde están situados os edificios máis representativos do noso concello, da nosa parroquia e incluso as nosas casas.

Esta actividade bridou moitas experiencias co escornabot, recreación de planos, localización de edificios e percorrido insitu rexistrando cada un no seu propio mapa aquilo que estábamos a observar.

O escornabot

Co mapa da nosa parroquia: O Val

Percorrido polos arredores da escola cada un co seu mapa , sinalando os edificios máis representativos

Aproveitando que estamos investigando sobre os insectos propuxemos @s nen@s observar detidamente os que tiñamos no minimundo para xogar e a partir de ahí facer unha composición de cada un deles con elementos naturais: pedras, follas, paos,etc.  Tamén durante a actividade formaron a palabra do insecto que crearon. Primeiro fixémolo todos en gran grupo na asamblea e despois cada nen@ explorou e creou libremente no recanto. Gustoulles moitísimo e pasámolo xenial.

	O mundo           dos insectos             é xenial

Nun recanto da aula inferior, creamos unha instalación de arte adicada a Matisse. Fomentamos así un espazo de aprendizaxe da súa vida e obra cos aspectos máis significativos das mesmas.

Grazas a ela coñecemos o seu nome, algúns dos seus cadros, recortamos como Matisse e creamos con pinceis como o autor.

Dentro do noso proxecto decidimos elaborar un video que dise a coñecer a nosa parroquia ao resto do CRA, para isto empregamos as
tecnoloxías e seguimos os pasos que a continuación se detallan:

• eleximos os lugares
• sacamos fotos. A verdade é que só algunhas porque viñeron moitos días de moi mal tempo, pero imos tanto que xa tiñamos un montón.
• Eleximos en gran grupo o que queríamos dicir de cada lugar. Era importante que todas e todos falaran e participaran nesta parte porque tiña que ser un video que transmitise o sentir do grupo.
• Por último no programa dixital Canva eleximos fondos, letras, escribimos, gravamos o audio...

Foi un traballo bonito e completo, cun resultado moi emotivo que podedes ver na entrada seguinte.