Para traballar o sentimento do enfado lemos o conto do Segredo de Flora, o que nos permitiu conversar sobre eses momentos nos que nos sentimos enfadados, falamos que todos e todas nos podemos enfadar pero que o importante é como resolvemos ese enfado, primeiro calmándonos cantando a canción que nos ensinou Flora:

"  un,dous, tres o enfado polas mans

    un, dous , tres o enfado polos pés

    un dous tres, o enfado xa se vai

    un, dous tres, o enfado xa o botei"

E despois empregar a palabra para falar, explicar o que nos molesta, o que podemos facer cada un de nós ou os demais para mellorar esa situación.

A dirección xeral de tráfico realizou uha charla informativa para o alumnado de 3ª de educación primaria. Nela recordaron as normas de tráfico, sinais como condutor e como peón...

Na aula de 4º de Educación infantil para reflexionar sobre as nosas emocións, empregamos os contos  como mecanismo para favorecer que os nenos/as compartan os seus sentimentos e como se sinten en distintas situacións. O longo de varias sesións coñecemos o coelliño protagonista de todos estes contos e como el vive o enfado, os celos, o amor, a tristeza. Depois de ler adicamos un tempo a contar as experiencias propias sobre cando temos un enfado e como tratar de solucionalo, cando temos celos por un xoguete que ten un compañeiro/a ou un irmán,etc.

Na clase de 4º de EI viñeron a xogar Marta, a nai de Mai, Ángel, o pai de Martín e Jéssica, a nai de Martina. Con eles tres disfrutaron xogando ao dominó de animais, os monos locos e os poliños no galiñero. Foi un tempo fantástico na que os nenos/as e familias pasárono xenial.

O alumnado de 1º e 2º de primaria visitou as instalacións do Pazo da Cultura da man de Dani e Bea, coñeceron as distintas estancias que o compoñen ( escenario, butacas, equipos de son) e  descubriron distintos instrumentos, a forma de fabricación, crearon un eles/elas mesmas, tocaron, bailaron, cantaron e sobre todo disfrutaron.

No segundo trimestre, os nenos e nenas de educación de infantil e 3º de primaria,

tivemos a sorte de contar coa visita dos pais de Candela e Valeria e Álvaro.

Viñeron contar como é o seu traballo relacionado co mar: ESTIBADOR e PERCEBEIRO.

E tamén o deporte da PESCA SUBMARINA.

Explicaron cousas : do porto, das mercancias, da grúa, probamos os traxes, vimos os equipamentos, os aparellos...

e aprendimos moitas cousas moi chulas e interesantes.

Grazas papis, pasámolo xenial!

ESTIBADOR

PERCEBEIRO

PESCA SUBMARINA

Para favorecer a iniciación, o progreso e afianzamento da lectoescritura os/as nenos/as traballan a través de distintas actividades e con materiais moi diversos para que dunha forma lúdica aprendan e disfruten.

Aquí podedes ver distinas actividades dos tres niveis de educación infantil.

Grazas a Simón , do SPEIS de Narón o alumnado de 3º e 4º de primaria coñeceu un pouco máis a fondo ás velutinas.

A forma máis eficaz de contermos a súa gran multiplicación e os efectos perniciosos é reducir o número de raíñas cando saen da súa invernación. Para iso é fundamental realizar una ampla campaña de trampeamento primaveral.
A primavera é a época clave, desde primeiros de marzo ata maio, é cando as raíñas empezan paulatinamente a espertar da súa hibernación e comenzan a súa actividade.
Unha vez que se reactivan e constrúen o niño primario dispoñeremos duns 40 días para cazalas; despois, encláustrase no niño tartagueiro secundario e xa non volve saír.
Desgraciadamente, non todas saen ao mesmo tiempo da invernada, para capturalas; por iso debemos empezar a trampear desde primeiros de marzo a mediados de maio.

Cada neno/a con dúas botellas reutilizadas elaborou a súa propia trampa.