Antes de iniciar o merecido descanso, o alumnado de 5ºB quixo despedir a festa do Samaín dun xeito moi especial. Tirando de inxenio e humor, crearon entre toda a clase unha pequena peza musical.
Ideas, palabras e rimas inundaron as pizarras para, como se de un crebacabezas se tratase, facer que cada peza encaixara á perfección. Agora xa sabemos que podemos facelo...e ti tamén podes! Atréveste a crear a túa?
O pasado 23 de outubro o alumnado de 1º e 2º gozou da actividade "1, 2, 3,... A que non o ves" onde a narradora é unha exploradora, e vai contando como é a súa aventura ata chegar ao pais dos monstros. Que ben o pasaron! Non hai máis que verlles as caras!
O xoves 10 de outubro o alumnado de 5º e 6º de Educación Primaria asistiron á Biblioteca Municipal de Pontecesures para disfrutar da súa actividade do programa "Ler conta moito". Nesta ocasión ficción e realidade mesturaronse entre a dureza da historia da "Biblioteca secreta" onde nos mergullaron na terrible situación que se viviu en Siria, concretamente no lugar de Daraya, e como os seus valentes habitantes conseguiron salvar unha morea de libros; e por outra banda o divertimento e surrealismo da historia "El beso de la princesa" onde as aventuras de Sapita, Saponcio e Sapiencia fixeronnos rir con ese final tan inesperado. Non é necesario dicir que foi unha velada extraordinaria!
O alumnado de 6ºB de Educación Primaria traballou arreo para por en escena unha obra de teatro para os nenos e nenas de Educación Infantil, e que reproduce o conto "Marcelina en la cocina". Moito traballo, moitos nervios pero unha grande ilusión! Velaquí o resultado.
O pasado luns 17 de xuño, os cursos de 5º e 6º de Educación Primaria fixeron a súa saída de final de curso ás Illas Cíes, puidendo disfrutar deste Parque Natural das Illas Atlánticas. Pasárono xenial!
Chrysallis regresou ao centro para poder ter unha sesión co alumnado de 3º e 4º Primaria. Os alumnos e alumnas non querían quedar sen esta sesión, e abofé que foi ben aproveitada!
O venres 3 de maio visitounos a Asociación Chrysallis para impartir un obradoiro de contacontos e unha charla informativa para fomentar á sensibilización sobre as diferentes identidades sexuais. Puidemos así saber que hai unha maior diversidade de xénero da que cremos, facendo especial fincapé na realidade dos menores transexuais.
O pasado 12 de xuño, o alumnado de 6º de Educación Primaria iniciouse no SURF coa Escola Prado Surf, de O Grove (A Lanzada). Alí non so tiveron acceso ao material preciso para realizar a actividade, senon que recibiron unha clase introductoria coas nocións básicas deste fantástico deporte. Tamén, e como non podía ser menos duns amantes do mar, concienciáronse da importancia de coidar o medio e facer todo o posible para que non se estrague! Unha actividade completísima!
