Para estudiar os cambios de estado e as reaccións químicas que mellor que experimentalo na práctica. Por iso, 6ºB de Educación Primaria convertemos a nosa aula nun laboratorio e durante toda unha xornada dedicámonos a ver na realidade o que nos explican nos libros.
Todo un día de descubrimento, reflexión e comprobación de hipóteses.
O día 27 de maio asistiu ao centro o monologuista e humorista Pedro Brandariz co seu espectáculo "Senlleiras. As mulleres das Letras". O alumnado de Educación Primaria puido gozar dunhas sesións expositivas, en clave de humor, sobre vida e obra das cinco mulleres ás que lle adicaron, ata o día de hoxe, As Letras. Un número notablemente inferior ao número de homes homenaxeados (máis de 60).
Rosalía de Castro, Francisca Herrera, María Mariño, María Victoria Moreno e Xela Arias viñeron a participar no espectáculo da man de Pedro que, no rol do dectective Castelao, reproduciu as escenas e os feitos que fan que o galego estea en perigo e acadou a nosa complicidade para mellorar a situación da lingua da galega e das mulleres, en xeral. Facéndonos ver que estas cinco mulleres e outras moitas, coas súas obras salvaron o galego e agora... TÓCANOS A NÓS!
O alumnado de 1º de Educación Primaria quere compartir con todos o entusiasmo que senten cada día cando se mergullan nas historias, aventuras e andanzas que lles ofrecen os libros.
Desde o CPI de Pontecesures queremos felicitar ao alumno de 6ºB de Educación Primaria,Tomás Melón Rodríguez, polo seu premio no concurso "E ti, como ves o cambio climático?" organizado pola Federación Galega de Medio Ambiente (FEGAMA).
Co seu bo facer, as ganas de superarse e o seu esforzo e tesón, conseguiu acadar, na súa categoría, o primeiro premio deste concurso.
Coñecendo a súa implicación coa escritura ao longo de todos estes anos, estamos seguros de que nos atopamos ante alguén cun futuro prometedor neste ámbito e desde aquí queremos animalo a que continúe abraiándonos co seu talento e ofrecéndonos historias que nos fagan viaxar.
Deixámosvos o enlace da FEGAMAonde atoparedes aos gañadores deste concurso, así como os seus traballos. Tamén podes ler o conto de Tomás no arquivo adxunto que acompaña a esta nova.
O alumnado de 2º de Primaria visitou o Belén artesanal situado no lugar de Porto. Alí puideron ver que, co esforzo das súas veciñas e veciños, o Nadal volve ás nosas vidas.
Se queres ver todo o que aprenderon nesta saída podes visitar a nova no blog de O Trasno Paroleiro.
O alumnado de 1º e 2º de Educación Primaria, xunto coas súas familias, colaboraron coa mestra Guada para amosarnos a ilusión coa que están a esperar o Nadal. Esperamos que vós teñades as mesmas ganas de gozar destas festas.
O día 3 de decembro celebrouse o Día Internacional das Persoas con Discapacidade e a aula de 1º de Educación Primaria quixo conmemoralo dun xeito moi especial. Se queres ver como o fixeron, podes ver este vídeo.
O pasado martes 17 de novembro, o alumnado de 6º de Educación Primaria puido gozar da visita ao mural O Tren de Varela e da actividade ofertada polo concello "Ler conta moito". Alí, descubriron que ata o recordo máis simple como é aprender a contar ata 10 pode converterse nunha gran aventura chea de humor e sentimento se a persoa que cha conta é capaz de facerche viaxar ata á infancia máis lonxana. Tamén puideron descubrir a onde viaxa o vento, o marabilloso que é de vez en canto botar a vista cara arriba para descubrir ás gárgolas, aos bárbaros non tan bárbaros e a importancia do amor nas nosas vidas.
Durante o mes de outubro, o alumnado de Educación Primaria asistiu as actividades de Ler conta moitoque, como cada ano, nos oferta o concello para poder disfrutar da lectura dun xeito diferente. Contos, lendas, historias, representacións, misterio, experimentos e maxia son o éxito destas actividades que tanto disfruta o noso alumnado. As respresentacións ás que asistiron foron:
- O obradoiro de creacontos, para 3º de Educación Primaria.
- Experimentos científico-artísticos, para 5º de Educación Primaria.
- Rescate na biblioteca, para 4º de Educación Primaria.
- Contacontos Dada o duende, para 2º de Educación Primaria.
- Pitusiña, para 1º de Educación Primaria.
E, en breve, os maiores desta etapa educativa poderán desfrutar da súa actividade.
Desde o CPI de Pontecesures queremos felicitar ao alumno de 6ºB de Educación Primaria,
Durante o mes de outubro, o alumnado de Educación Primaria asistiu as actividades de Ler conta moito que, como cada ano, nos oferta o concello para poder disfrutar da lectura dun xeito diferente. Contos, lendas, historias, representacións, misterio, experimentos e maxia son o éxito destas actividades que tanto disfruta o noso alumnado. As respresentacións ás que asistiron foron: 
