Retomamos a actividade escolar recordando o encontro do Programa Xogade entre o alumnado de 5º do CPI do Progreso (Catoira) e o alumnado, do mesmo curso, do noso centro.
Deixámosvos o enlace á nova que recolleron os compañeiros do Trasno Paroleiro
O pasado 29 de febreiro, o alumnado achegouse ao CPI Progreso de Catoira para practicar varios deportes colectivos. Este programa da Consellería ten como finalidade principal a organización de actividades físico-deportivas entre distintos centros. O programa quere promocionar a saúde, a convivencia, o esforzo e o divertimento que, como se pode ver nas fotografías, foi un obxectivo acadado tanto polo noso alumnado de 6º de E.P. como polos seus compañeiros de Catoira.
O CPI de Pontecesures participa no programa XOGADE, da Consellería de Deportes da Xunta de Galicia, que ten como finalidade principal a promoción da saúde, a convivencia, o esforzo e o divertimento, con independencia do nivel e práctica de cada un dos rapaces e rapazas. É por iso que este pasado venres 9 de xuño, o alumnado de 5º de Educación Primaria foi ao Campo de Golf de Rois para tomar contacto con este deporte dunha forma lúdica e dinámica.
Nos inicios do mes de Febreiro as alumnas e alumnos de 5º e 6º de Educación Primaria tiveron sendos encontros co CPI Progreso de Catoira dentro do Programa XOGADE. Nestas competicións, tanto en Pontecesures como en Catoira, o alumnado disputou partidos de diferentes deportes, o que repercute na atención ás diferentes capacidades e preferencias de todas e todos.
O alumnado de 5º de Educación Primaria do CPI do Progreso, de Catoira, visitou o pasado xoves 23 de xaneiro o noso centro para celebrar unha nova xornada da competición deportiva XOGADE. Alumnado visitante e alumnado do CPI de Pontecesures, tamén de 5º de E.P. competiron nesta xornada nos seguintes deportes: baloncesto, balonmano e hockey.
Un novo curso o CPI de Pontecesures está inscrito no programa XOGADE. Nesta ocasión, o centro comezou as súas competicións coas carreiras de atletismo, en Portas (Pontevedra), e a participación do alumnado de 1º, 2º e 3º da
ESO.
Noraboa aos que acadaron o podio e a todas e todos os participantes. Moito ánimos para as vindeiras competicións!
O 2 de abril, nunha nova xornada do programa XOGADE, enfrontáronse os equipos correspondentes ao nivel de 6º de Primaria do CPI do Progreso, de Catoira, e o CPI de Pontecesures. Nesta ocasión disputáronse partidos de baloncesto, balonmano e fútbol.
O 29 de xaneiro, nunha nova xornada do programa XOGADE, enfrontáronse os equipos correspondentes ao nivel de 6º de Primaria do CPR Plurilingüe San Fermín, de Caldas de Reis, e o CPI de Pontecesures. Nesta ocasión disputáronse partidos de baloncesto, balonmano, fútbol e datchball.
