Despois de uns anos de parón, retomamos con ilusión o certame literarioIntercentros para celebrar o Día das Letras Galegas. Esta cooperación entre centros ten como finalidade exaltar a nosa lingua, fomentar a súa normalización e apoiar ó alumnado con grandes capacidades literarias para animalos a que continúen co seu desenvolvemento.
O homenaxeado das Letras Galegas 2023 é Francisco Fernández de Riego (Vilanova de Lourenzá, 1913 – Vigo, 2010) escritor, ensaísta, intelectual, político e fundador da Editorial Galaxia.
PARTICIPANTES
Poderán participar o alumnado de 3º,4º,5º e 6º de primaria dos centros CEIP de Baño–Xanza, CPI Pontecesures, CEP Xesús Ferro Couselo e CPIProgreso.
BASES
O alumnado que teña interese en participar deberá entregar un traballo literario no seu centro. Estes poderán ser conto,poesía, narrativa,banda deseñada ou teatro.
- Conto,narrativa,banda deseñada e teatro serán de temática libre cunha extensión máxima de 2 folios (4carillas).
- Poesía,de temática e métrica libre, cunha extensión máxima de 1 folio (2carillas).
Os textos serán manuscritos e integramente en galego. Deben ser orixinais, sendo excluídos aqueles que teñan fragmentos ou partes de outros textos. Indicar ó principio de cada traballo: Nome completo,curso e centro.
CATEGORIAS E AGASALLOS
Repartiranse catro premios por categoría (3º,4º,5º e 6º de primaria) que corresponderá a un por cada centro participante e categoría.
No acto farase entrega dun diploma co posto acadado,trofeo e un agasallo.
O alumnado de 4º curso de Primaria participou no Concurso de fotografías do noso colexio veciño, o CEP Xesús Ferro Couselo, o cal consistía en mandar unha fotografía que estivese relacionada coa metereoloxía asi como porlle un título a mesma. Esta subiríase a rede social do CEP Xesús Ferro Couselo e a que tivese máis Me Gusta sería a gañadora. 
