Aberto o prazo de solicitude de axudas para o alumnado con necesidades específicas de apoio educativo (NEAE) para o próximo curso 2024-2025.

Como solicitala? A través de internet premendo aquí

Que prazo teño? Desde o 30 de abril ata o 13 de setembro.

Se tes algunha dúbida, podes consultar co departamento de orientación do centro.

O centro permanecerá pechado nas vacacións de Semana Santa. Recordade que voltamos ás aulas o vindeiro martes 2 de abril.

Felices festas de Pascua e bo descanso!

Dentro das actividades propostas para a Escola de Nais e Pais organizouse, para o vindeiro luns 18 de marzo ás 20:00 h, unha charla formativa para familias que abordará a problemática do uso tecnolóxico. Nesta abordaranse temáticas de especial interese como son os diferentes riscos na rede; as medidas de prevención que, como responsables de menores, se poden tomar; as idades recomendadas así como os tempos; e o establecemento de normas de uso.

Esta charla terá lugar no Concello de Pontecesures.

Pode consultar máis información nos ficheiros adxuntos, onde atopará tanto o cartel da actividade como unha nota informativa.

Despois de atender ás comandas do Meco, de ensaios, de nervios e de facer unha magnífica posta en escena é hora dun merecido descanso.

Nestes días toca recuperar forzas para afrontar o final de trimestre da mellor maneira posible.

Coidádevos moito e vémonos no cole o vindeiro xoves 15 de febreiro.

Bo entroido!

O luns 11  de setembro iniciamos o curso 2023 - 2024 comenzando as clases no horario de sempre, que ten establecido o centro.

ALUMNADO DE EDUCACIÓN INFANTIL

O alumnado de infantil entrará e sairá polo portal de sempre, zona de administración, e nas mesmas condicións que o curso pasado. O portal abrirase ás 8:55 h e as 13:55 h, respectivamente, para facilitar as entradas e saídas ao recinto escolar.

No caso do alumnado transportado, este será vixiado polo profesorado para este fin.

ALUMNADO DE EDUCACIÓN PRIMARIA

O alumnado entrará e sairá polo portal de sempre, zona do Pino Manso, acompañado das familias. O portal abrirase ás 8:55 h e ás 14:00 h, respectivamente, para facilitar as entradas e saídas ao recinto escolar. O alumnado estará acompañado en todo momento polas súas familias mentres non toque o timbre, excepto no caso do alumnado de 5º e 6º que conte con autorización para entrar e saír sós.

No caso do alumnado transportado, este será vixiado polo profesorado para este fin.

ALUMNADO DE EDUCACIÓN SECUNDARIA* 

O alumnado poderá acceder ao recinto escolar a partir das 8:55 h e o martes pola tarde a partir das 16:35 h.

No caso do alumnado transportado, este será vixiado polo profesorado para este fin.

Para visualizar o plano de portais e portas de acceso, ver o documento adxunto. 

*NOTA:

Ao igual que o curso anterior o alumnado fará horario completo.

Ás 9:05h terán a presentación co profesorado titor e dende as 9:55h ata ás 14:45h terán as demais clases que se lles explicará no horario de titoría. 

Para o primeiro día terán que levar o material necesario para facer as anotacións que lles indique o profesorado.

Dámoslle a todas e todos unha afectuosa benvida.