Conmemoracións

Ante a imposibilidade de reunirnos todos os cursos para celebrar o Festival de Nadal como nos cursos pasados, a proposta do Equipo de Actividades Complementarias e Extraescolares foi a gravación dun conto musicado: O Crebanoces, contando con todo o alumnado de Educación Infantil e Primaria.

A música que soa pertence ao ballet de Chaivkosky, que a súa vez se basea nun conto de Hoffman ambientado na Noite de Nadal, de aí esta elección.

Agradecer a colaboración da teacher Ana e Lindsay na realización de todas as manualidades para a posta en escea.

Ademais, esta actividade interdisciplinar está directamente vinculada co proxecto anual elixido para o PLAMBE que leva por título "A música no cine".

Agardamos que vos guste e noraboa a todas e todos os artistas participantes!

Como cada 25 de Novembro, dende o centro quíxose conmemorar o esta data tan sinalada.

Un día no que se visibiliza arredor de todo o mundo a violencia que todavía segue a exercerse sobre as mulleres, polo simple feito de ser mulleres.

Un día no que cabe recordar todos os dereitos que como persoas temos, sen que o noso xénero importe.

Un día de revindicacións, manifestacións e reflexións.

Un día que deberíamos celebrar cada día, mais un día que quixeramos non ter que conmemorar nunca máis.

Este ano máis que nunca, e a pesar de que a situación é complicada, non quixemos deixar de celebrar o Magosto, unha festa que nos achega ás nosas tradicións máis arraigadas. Con especial coidado, asáronse as castañas que de forma tan xenerosa aportaron as familias.

Estaban riquísimas! 

E despois dunha boa ración de castañas, tocaba gozar cos xogos máis tradicionais. O brilé, os panos, os corros....volveron por un momento ao noso centro.

Un gusto ver a felicidade nos ollos do noso alumnado! 

O alumnado de Educación Infantil e Primaria do CPI de Pontecesures celebrou este Samaín "tan particular" cun CERTAME VIRTUAL DE CABAZAS. O resultado é unha verdadeira e terrorífica marabilla!

Estimados/as alumnos/as.

Dende o CPI de Pontecesures, todo o profesorado e todo o persoal non docente, recoñecemos o enorme esforzo, que dende os vosos fogares estades a facer.

Queremos recordar, que día a día, semana a semana, aínda que ninguén vos vexa, tamén estades demostrando co voso exemplo, ser unhas auténticas heroínas e heroes, dignas e dignos de admiración.

Heroínas e heroes, porque coa vosa actitude e a de toda a sociedade, tamén se salvan vidas, evitando en todo momento a propagación de contaxios, co mellor instrumento de loita, que temos ata agora, que é "Eu tamén fico na casa".

Para rematar, dende os nosos fogares, valoramos tamén a vosa implicación a unha nova forma de traballo non exenta de dificultades, que xunto co voso ánimo e forza nestes tempos de confinamento, queremos agradecer con este forte aplauso.

Feliz descanso de Semana Santa.

O persoal do CPI de Pontecesures