O alumnado de 1º de Educación Primaria gañou o 2º Premio do Concurso de Poemas Musicados "A nosa Rosalía", organizado pola Deputación de Pontevedra. Presentáronse na categoría CAMPANIÑAS con esta versión de "Campanas de Bastabales", baseada na interpretación que fixo o grupo galego Os d´Abaixo da musicalización realizada por Amancio Prada deste poema tan coñecido de Rosalía de Castro.
Os outros centros premiados nesta categoría foron o CEIP Mestre Manuel García (Oia) e o CEIP San Clemente de César (Caldas de Reis).
Para animar a volta ao cole, queremos ofrecervos un petisco do que foi o noso particular entroido neste curso 2021/2022. En breve poderedes gozar coa actuación máis "tanxugueira" do noso alumnado.
A celebración do Día Escolar da Non Violencia e da Paz é unha desas datas que non podemos deixar de festexar no noso centro. A convivencia, o compañeirismo ou a empatía son valores importantes que teñen que acompañar o noso día a día. Neste curso, decidiuse que o mellor era celebralo coas nosas propias verbas, con percusión e deixandonos voar!
Unha boa volta ao cole ben merece un bo recordo. E que mellor que facelo coas diferentes actuacións que o alumnado, tanto das etapas de Educación Infantil e Primaria como da etapa de Educación Secundaria Obrigatoria, fixo no último día de clase antes das vacacións de Nadal.
Deixámosvos os dous vídeos e esperamos que o disfrutedes tanto como nós o fixemos nese día.
E se queres ver algunhas das fotografías tomadas durante esa xornada, podes visitar o Cóxegas (blog da Biblioteca) ou O Trasno Paroleiro (blog do EDLG).
Neste 25 de Novembro, toda a comunidade educativa, querémonos sumar a esta celebración de rexeitamento da violencia, unha lacra que desexamos se erradique o antes posible e da que vemos que nos queda camiño que percorrer.
Amosámosvos algúns dos traballos realizados polo alumnado de Educación Primaria.
Un curso máis temos que dicirlle adeus a parte do noso alumnado; alumnado ao que acompañamos desde que entraron ben pequeniños e con temor na etapa de Educación Infantil ata o último curso da Educación Secundaria. Un acompañamento que desexamos recorden sempre co mesmo cariño co que elas e eles serán recordados.
Se queres dar un paseo pola súa historia escolar, pica neste enlace.
O alumnado de 5 anos quixo despedir o curso como se merece, cantando á porta do que foi a súa segunda casa durante os últimos 3 cursos. Teñen moitas gañas de comezar a súa nova aventura no cole dos maiores... pero antes... imos de vacacións!
