Dep. Ciencias Naturais

O alumnado de 1º da ESO e o de 6º de educación primaria asistiu a unha nova charla didáctica do programa Ciencia á Feira, que organiza a institución Xuvenciencia en colaboración coa Deputación de Lugo en oito concellos e centros educativos de toda a provincia, entre os que se atopa o noso colexio.

Esta segunda sesión levaba como título Xestión sustentable da auga en Galicia é foi impartida pola profesora da USC Helga Peral. Esta charla estivo orientada polo ciclo da auga, a pegada hídrica e a xestión deste recurso, nos que se deu a coñecer os modelos de xestión da auga doméstica racionais e con que materiais se poden realizar.

Biblioteca

Este mes desfrutaremos no cole de Friol da maleta viaxeira Biblioteca creativa,  que pon á disposición dos centros a Asesoría de Bibliotecas Escolares do CFR de Lugo. É unha actividade máis de fomento da lectura que organiza o Equipo da Biblioteca de primaria.

Escola de Nais e Pais

O xoves 29 de febreiro tivo lugar a primeira sesión do curso de intelixencia emocional baseado no mindfulness para ás familias do noso centro educativo,  que se enmarca dentro do programa de actividades da Escola de Nais e País.

Este curso ten como obxectivo despregar, practicar e integrar as competencias emocionais que compoñen a Inteligencia Emocional, co fin de mellorar o propio autocoñecemento, autocoidado e benestar individual.

O curso proporciona ferramentas concretas para a autoconciencia, autoregulación e habilidades sociais, con aplicación directa nos diversos contextos persoais e profesionais.

Esta primeira sesión foi a primeira dun total de catro que se desenrolarán tamén no mes de marzo e abril do presente curso escolar, e están dirixidas por Marta Vales, experta en mindfulness e educación emocional e que xa se fixo cargo de máis obradoiros para o alumnado e para as familias no noso centro educativo.

Dep. Orientación

O pasado sábado 29 de febreiro deu comezo un novo obradoiro a cargo de María Barreiro, colaboradora habitual do noso centro educativo. Nesta ocasión foi coa temática da prevención de drogas para o alumnado de 3º da ESO, que durante tres sesións, que se realizarán na hora de titoria deste curso, terán unha ampla información sobre os elementos nocivos e os problemas de saúde e sociais que carrexa o consumo de drogas.
 
Esta acción enmárcase dentro do proxecto colaborador que o noso centro educativo ten co Servizo de prevención de drogodependencias e adiccións dos Concellos de Outeiro de Rei, Rábade, Castro de Rei, Begonte e Friol.

Agradecemos a súa continua e desinteresada colaboración co noso colexio e que terá continuidade con outros obradoiros a celebrar neste trimestre co alumnado de educación primaria e secundaria.

Mestres Gandeiros

Por segunda vez no presente curso escolar, a Asociación de Veciños da Órrea estivo presente no noso centro educativo para presentar o seu coñecido documental Os segadores da Órrea na Castela, no que narra as duras condicións de vida dos habitantes desta aldea do Concello de Riotorto que no verán ían a sega a Castela.

Desta volta foi o alumnado de 5º e 6º de educación primaria o que tivo a oportunidade de presenciar e debatir acerca dun documental que xa leva percorrido moitos concellos da nosa comunidade e que está a causar unha gran crítica entre a comunidade educativa e social e nos que, ademais de tratar unha temática referida o proxecto de “Mestres Gandeiros”, tamén toca de xeito moi transversal a comunicación interxeracional a través das distintas visións do traballo na infancia das distintas épocas que tiveron que vivir os protagonistas en idade escolar daquela época e os da actualidade.

 Vídeo elaborado por Educación Infantil co gallo do Día de Rosalía

Dep. Ed. Física

O alumnado de 5º e 6º de educación primaria, así como o de 3º e 4º da ESO foi partícipe dunha sesión de iniciación ao billar que tivo lugar no noso centro o pasado 27 de febreiro e que é unha continuación da sesión realizada no mes de novembro, cando o alumnado de primaria fora ao Corgo ás instalacións do Club de Billar de Adai para acercarnos máis a este novidoso deporte.

As sesións estiveron dirixidas por dous membros do Club de Billar Adai, que lles explicaron os nenos e nenas os fundamentos técnicos do mesmo. Esta sesión serviu tamén para agradecer aos membros do club a deferencia que tiveron con este centro ao deixarnos durante o presente curso unha mesa de billar, onde o noso alumnado poida xogar nos períodos de lecer e cando o considere o profesorado. Por outra parte, xa se está poñendo en marcha un torneo de billar interno entre o alumnado da ESO como parte do fomento deste deporte no noso centro educativo.

Estas accións enmárcanse dentro do Proxecto Deportivo de Centro do colexio que persegue o fomento da maior parte das especialidades deportivas e de actividade física.

Dep. Ed. Física

O pasado sábado 24 de febreiro tivo lugar en Monforte de Lemos a III Xornada da Natación do programa Xogade e na cal estiveron presentes de novo todos os nenos e nenas do equipo de natación do colexio, que como en anteriores xornadas tiveron un gran papel e poideron desfrutar das magníficas instalacións do recinto monfortino.

Por outra banda, tamén os nenos e nenas do equipo de atletismo do centro tamén tiveron protagonismo, xa que algún neno e nena se acercaron a Lugo para disputar a II Xornada da Copa Diputación de Lugo.

O máis destacado foi Adrián Marqués, que lograba a terceira posición no concurso de lanzamento de peso.

Outra que tivo unha gran actuación foi Susana Seijas, que lograba a quinta posición nos 60 metros lisos, nunha proba que contaba con máis de 50 participantes entre todas as series. Tamén tomaba parte na proba dos 500 metros lisos, onde finalizaba na cuarta posición da súa serie.

Polo que respecta ós nenos e nenas da categoría sub 12, Hugo Penas lograba o noveno posto da xeral de todas as series dos 60 metros lisos, mentres que Leo Villadonga era cuarto na súa serie e Ada Ceide era quinta na súa. Estes dous últimos tamén tomaban parte nos 500 metros lisos, onde ambos finalizaban na sétima posición nas súas respectivas series.

Dep. Ed. Física

O pasado venres 23 de febreiro tivo lugar o debut dun novo equipo xestionado íntegramente polo profesorado de educación física do noso centro. Neste caso foi o equipo de tenis de mesa, un deporte que leva xa dende comezo de curso desenrolándose no noso centro educativo, grazas á compra por parte do Concello de Friol de dúas mesas de tenis de mesa para que os nenos e nenas do colexio poidan practicar este deporte nos períodos de lecer e nas clases de educación física.

O debut tivo lugar en Chantada e celebrouse en paralelo co torneo de badminton, que tamén tivo lugar na mesma localidade e que supoñía a segunda xornada preparatoria na que tomaron parte máis de 30 alumnos e alumnas da ESO do centro e que tiveron unha destacada actuación, volvendo a ser unha vez máis o grupo máis numeroso que tomou parte neste encontro.

Os membros do equipo de tenis de mesa son:

. Categoría infantil: Alex Ares, Adam Veiga, Hugo Castro, Alan García, Anxo Moreno, Yerai Fontela, Manuel Pérez, Lucas Roca

. Categoría cadete: Iván Neira, Marcos Seijas, Oihane Gómez. 

Felipe Barata

O pasado sábado 24 de febreiro tivo lugar no Centro Sociocultural de Friol a presentación do libro O Castro Friulio, editado pola Asociación Cultural A Castronela e escrito por Francisco Montes, membro da nosa comunidade escolar. Neste acto, no que ademais se conmemorou o Día de Rosalía, o noso centro tivo un papel protagonista, xa foi unha das institucións ás que se lle doou un libro para a biblioteca do centro e no que ademais, o colexio ten un papel situacional dentro do argumento do conto.

Neste acto, varios alumnos e alumnas tiveron un papel moi destacado no acto. Mara Montes fixo unha presentación sobre a figura de Rosalía de Castro, mentres que Icía López e Anxo Moreno leron varios fragmentos da obra da poetisa galega. Así mesmo, tanto o propio Anxo como Borja Arias figuran como protagonistas do conto O Castro Friulio.