Dep. Ed. Física

O equipo de atletismo do colexio tomou parte na segunda proba do circuíto de campo a través da zona sur a través do programa Xogade, e nesta ocasión, a cita era na casa, xa que nos tocaba a organización desta proba e, onde de novo, os nosos nenos e nenas tiveron unha destacada actuación logrando un bo número de pódiums.

Así, na categoría benxamín, tanto Iría Díaz como Alex Amil lograban a segunda posición nas súas respectivas carreiras, mentres que na categoría alevín, Hugo Penas lograba subir ó terceiro chanzo do pódium, e na proba feminina, Sabela Sánchez conquistaba a vitoria.

Gran actuación dos nosos representantes na categoría infantil, xa que David Viña gañaba con autoridade a proba e Susana López facía o propio na parcela feminina. Por último, novo triplete para os representantes de Friol na categoría cadete, pois Hugo Ferro entraba na primeira posición, logrando Mateo Villar e Martín Díaz a segunda e terceira posición respectivamente. Por último, Uxía Platero conquería o terceiro lugar na carreira feminina.

Dep. Ciencias Naturais

O alumnado de 6º de educación primaria e de 1º da ESO asistiu a unha nova charla do programa Ciencia á Feira, a terceira e derradeira,  que estivo organizada pola USC en colaboración co noso centro educativo. Esta acción densenrolouse tanto na biblioteca como na aula de 6º de educación primaria, onde os alumnos e alumnas puideron experimentar as distintas técnicas de micorrización controlada das árborres e microenxerto in vitro.

O alumnado poido ver como é un microenxerto, unha técnica que gracias a biotecnoloxía permite facer os enxertos mediante o cultivo in vitro, é decir, con pugas e padróns de moi pequeno tamaño que medran en tubos de ensaio.

Pola súa parte, as micorrizas son raíces modificadas formadas pola unión de raíces finas das plantas verdes e fungos altamente especiliazados que viven nelas.

Ed. Primaria

O alumnado de 1º, 2º, 3º e 4º de educación primaria asistiu na biblioteca a unha interesante actividade proposta polo Museo Provincial de Lugo, denominada Maletas Viaxeiras, co obxectivo de achegar o patrimonio conservado nos nosos museos ao alumnado, ofrecendo un conxunto de propostas caracterizadas polo seu compoñente educativo, lúdico e tamén de multicanle.

Durante estas dúas xornadas, os nenos e nenas trataron cuestións relativas ao patrimonio, á cultura, á comunidade e ao territorio. E fixérono en clave inclusiva: traballaron o Mapa de Fontán para analizar o seu territorio, analizaron as tallas de Asorey para conmemorar o Día das Artes Galegas, dedicado ó escultor, e coñeceron obras senlleiras dos museos como a Escola Doloriñas, de Xulia Minguillón.

Ademais, todas estas accións foron acompañadas de actividades inclusivas, como a mostra de pictogramas para persoas neurodiverxentes e visitas guiadas con material en braille, pezas táctiles, soportes con distintas texturas, etc. A actividade desenrolouse durante dous días e dúas horas, sendo a realizada o martes para o alumnado de 3º e 4º de educación primaria e o mércores para 1º e 2º.

Mestres Gandeiros

Con motivo da XXX Feira do queixo de Friol e pan de Ousá, o alumnado de 1º de educación primaria deseñou pósters que anuncian a gran riqueza gastronómica da nosa vila. Desta forma, dende a materia de plástica bilingüe os nenos e nenas aprenderon sobre a creación dun slogan e a ilustración publicitaria; e que mellor maneira de facelo que presumindo dos alimentos que nos proporcionan as actividades agropecuarias da zona: leite, queixo e pan...que ricos!

Vídeo que resume as actividades feitas no 2º trimestre en Plástica Bilingüe en Primaria.

Dep. Ed. Física  Mestres Gandeirosiros

O pasado domingo 24 demarzo unha boa representación de nenos e nenas do noso equipo de atletismo estivo nunha das citas máis importantes do presente curso escolar, xa que ata Santa Comba (A Coruña) nos desprazamos para tomar parte nunha das probas máis singulares de todas cantas se disputan na nosa comunidade e que encaixa perfectamente no proxecto Mestres Gandeiros, que este ano estamos levando a cabo no noso centro educativo. Por tanto, esta proba constituía unha fusión dos dous Plans Proxecta que estamos levando a cabo, xa que ademáis do mencionado “Mestres Gandeiros”, tamén se engloba no Promoción da Vida Activa e Deportiva, co cal se dá unha perspectiva máis interdisciplinar a ambas actividades docentes.

Unha das características da proba era que os participantes pasaban polo medio dunha explotación gandeira e así eran máis conscientes do entorno rural que nos caracteriza. No tocante ós resultados, conseguíronse dous pódiums, xa que Arai Gallardo e Alba Menán conseguían a terceira posición nas súas respectivas categorías prebenxamín e cadete respectivamente. Lucas Lage entraba na cuarta posición da súa categoría alevín e Sabela Menán e Ada Ceide conseguían a quinta e a sexta posición na mesma categoría na parcela feminina.

Ed. Infantil e Primaria

O Grupo de Emerxencias Supramunicipais (GES) de Friol, que da cobertura a un total de cinco municipios da localidade, estivo presente no noso centro educativo para amosarlles ao alumnado de educación infantil e de primeiro e segundo de eduación primaria as características básicas do seu traballo, tanto a nivel humano como a nivel técnico e de material.

Deste xeito, os nenos e nenas do noso colexio puideron observar como se pode apagar un lume, actividade que se realizou na pista de secundaria, así como ver a operatividade das diferentes ferramentes que deben usar cando hai un accidente de tráfico ou calquer outro inconvinte que sexa susceptible de auxiliar as persoas ante calquera situación ou problema.

Por último, os nenos e nenas tomaron contacto cos camións dos bombeiros e puideron sentirse por uns intres protagonistas desta profesión que tanto servizo da á comunindade. Agradecemos a esta entidade as facilidades para levar a cabo esta actividade, que xa realizamos no curso pasado e que tanta aceptación ten entre o alumnado.

Dep. Ed. Física

O pasado venres 22 de marzo tivo lugar a primeira proba do Circuíto de Campo a Través dos Concellos da Zona Sur, circuíto que se organiza dentro do programa Xogade, no cal toma parte o noso centro educativo. A primeira proba foi na localidade de A Barrela (Concello de Carballedo) e ata alí se desprazou unha nutrida representación de nenos e nenas do equipo de atletismo do colexio, que tiveron unha destacada actuación, logrando un total de 8 podiums.

Así, na categoría benxamín, Iria Díaz lograba subir ó terceiro escalafón chanzo do pódium no duro e fermoso circuíto habilitado pola boa organización deste evento. Tamén lograba a terceira posición Hugo Penas na categoría alevín masculino, mentres que Sabela Sánchez e Ada Ceide conseguían a segunda e terceira posición respectivamente na proba feminina.

Pola súa parte, Susana López gañaba con autoridade a carreira infantil feminina. Na proba cadete masculino houbo un triplete dos nosos representantes, xa que Hugo Ferro conseguía a primeira posición, Martín Díaz a segunda e Mateo Villar a terceira.

Non obstante, esta proba tiña un carácter eminentemente participativo e de introdución á práctica do campo a través, e o resto dos membros do equipo tiveron unha máis que destacada actuación co seu compañeirismo e adherencia á práctica deportiva, que é o verdadeiro obxectivo do noso proxecto deportivo de centro. 

Dep. Ed. Física

O alumnado da ESO participou en gran número no II Torneo de Badminton do noso centro escolar, realizado nos períodos de lecer do alumnado co fin de darlles a oportunidade de realizar actividade física dun deporte que xa está moi asentado no noso centro

No día de hoxe disputáronse as finais resultantes da liga que se realizou durante todo este trimestre

Os gañadores das distintas categorías foron os seguintes:

Ed. Primaria

O alumnado de educación primaria asistiu durante toda a mañá do 21 de marzo a unha actividade de educación viaria dirixida por membros da Dirección Xeral de Tráfico, que lles ensinou ao noso alumnado os conceptos básicos sobre os aspectos da circulación viaria e as sinais básicas que deben coñecer tanto como peóns como futuros condutores de calquer tipo de vehículo

Os nenos e nenas do noso centro puideron levar a cabo un pequeno circuíto elaborado na pista cuberta do noso centro, onde a través de dúas bicicletas e un triciclo puideron ver de primeira man o funcionamento das regras de tráfico. Tamén complementaron dita formación co visionado dun coche da patrulla de tráfico e do seu funcionamento.