Ed. Infantil  Mestres Gandeiros

Ao noso cole chegaron uns novos compañeiros moi especiais, trátanse de ovos de galiñaque o propio alumnado de infantil vixía da súa incubación co obxectivo de que nazan pitiños. Desta forma, os nen@s adquiren a responsabilidade de controlar diariamente a humidade e temperatura dos ovos durante os 21 días que dura o proceso, aprendendo sobre o mesmo e desenvolvendo destrezas científicas.

Dámoslle as gracias ao equipo de infantil por permitirnos esta experiencia relacionada co Plan Proxecta Mestres Gandeiros, en especial á profe Patricia, quen se formou e conseguiu todo o necesario para poder levala a cabo.

EDLG  Mestres Gandeiros

Este ano o Día das Artes Galegas foi dedicado a Francisco Asorey, escultor galego considerado un dos grandes renovadores da arte escultórica española do século XX. Con ánimo de afondar sobre a súa figura, o alumnado de 1º de primaria adentrouse na expresión artística deste autor recreando versións da súa escultura “O Tesouro” (1924), obra que enxalza a vida na aldea e a súa economía agrícola e gandeira, pois representa a unha muller co traxe típico das campesiñas e que sostén a un becerro que acaba de mercar na feira, unha imaxe moi típica do rural da época. Os nos@s pequen@s artistas practicaron a creación escultórica coa técnica do ensamblaxe empregando materiais reciclados a prol da arte sostible.

ANPA

O alumnado de 1º,2º,3º e 4º de educación primaria asistiu no Centro Sociocultural de Friol á representación da obra de teatro A Viaxe de Rosalía, a cargo da titiriteira Larraiz, nun evento que foi posible grazas á xentileza da ANPA do noso centro escolar. A obra realizouse coa interpretación de monicreques de mesa de grande talla artística, así como da manipulación de obxectos acompañados dunha música moi acaída, un vestiario fermoso e moi digno para a representación dos personaxes para coñecer a vida e obra de Rosalía de Castro.

FRANCISCA DO CAMPO leva século e medio contando a todo o mundo a historia da súa querida afillada ROSALÍA de CASTRO. Ela foi quen axudou a criala e quen compartiu as vivencias máis cotiás e entrañables. Cargada de maletas con teas, zapatos e moitas cousas queridas para ela, comparte con nós a traxectoria vital e artística dun símbolo irrenunciable para a cultura galega.

Ed. Primaria  Mestres Gandeiros

O alumnado de 1° e 2° de primaria visitou o Museo Vivinte do Mel, tamén chamado "O Enredo do Abelleiro", en Arzúa. Alí escoitamos como é o marabilloso mundo da apicultura: os diferentes tipos de abellas, as súas funcións, ciclo de vida, as ferramentas e vestimenta do apicultor...Tamén aprendemos a fabricar candeas nun abradoiro con cera, e como non, probamos e envasamos o produto estrela das abellas: o mel!

Dep. Orientación Mestres Gandeiros

Por segunda vez no presente curso escolar, membros da DGT de Lugo estiveron presentes no noso centro para realizar dúas actividades de máximo interés para o noso alumnado

Na primeira, José Ramón López, membro da Guardia Civil de Tráfico, deulles unha charla ao alumnado de 3º e 4º da ESO sobre a que idades e en que condicións poderían manexar vehículos agrícolas. Cabe dicir que esta charla foi realizada a petición e por interese do alumnado, o cal nos congratula que mostren as súas inquedanzas dentro do sistema educativo.

Por outra banda, despois realizouse un Escape Room co alumnado de 4º da ESO, onde se trataron diversos aspectos relacionados oa educación viaria, sendo unha actividade global e participativa en grupos de 4 alumnos e alumnas.

Dep. Ed. Física

O pasado xoves 9 de mmaio o alumnado de 3º e 4º da ESO foi partícipe dun dos momentos máis importantes da programación deportiva do noso centro educativo, xa que asistiron na Facultade de Humanidades de Lugo á presentación do documental sobre a carreira deportiva de Jorge Prado, o mellor deportista lucenese de todos os tempos e actual campión do mundo de motocross MXGP, a categoría raíña, espectacular disciplina deportiva. Ademais, despois do documental, o noso alumnado puido conversar, facerse fotos e tomar parte con minimotos eléctricas dun pequeno circuíto construído no aparcamento da facultade para deleite dos que quixeron probar a emular o gran campión lucense.

O noso centro foi o único que tomou parte neste evento, polo que os nenos e nenas puideron trasladarlle as inquedanzas e preguntas a Jorge Prado, que lles falou da importancia dos valores do traballo, o esforzo, a disciplina e o amor polo traballo que un fai como elementos clave para trinfar na vida. Dende o centro queremos dar as gracias ó Servizo de Deportes da USC por darnos a oportunidade de poder desfrutar deste momento tan emotivo para o noso alumnado.

Dep. Ed. Física

No presente trimestre escolar, o alumnado da ESO foi partícipe dun torneo de billar realizado no noso centro, gracias á xentiliza do Club de Billar Adai, de O Corgo, que nos deixou en préstamo unha mesa de billar para promocionar dito deporte aquí en Friol. O torneo contou cunha nutrida participación de nenos da ESO, que realizaron distintas eliminatorias ata chegar ao cadro final de gañadores e de postos de honra. Ademais da celebración deste torneo, tamén nos períodos de lecer do centro, é habitual que os nenos e nenas se acerquen ata onde está a mesa de billar para iniciarse neste deporte.

Os resultados finais do I Torneo de Billar, que se disputaba baixo a modalidade de parellas é o seguinte:

Campións: Abel Fagil e Iván Neira
Subcampións: Joel Pereira e Samuel Villar
Tercer posto: Mateo Villar e Manuel Folgueira.

Dep. Orientación

O noso centro tomou un ano máis parte no programa da Xunta de Galicia “Navega con Rumbo”, e foi a través do alumnado de 1º e 2º da ESO, así como os de 5º e 6º de educación primaria.
O programa “Navega con Rumbo” está encamiñado por unha parte do alumnado para guialos a unha navegación segura, tratando de evitar que sexan vítimas de condutas como o ciberacoso ou outros riscos da rede, e por outra parte, para o profesorado e para as familias, facéndoos partícipes das recomendacións que eles poidan aprender e que sexan transmisores de boas prácticas para os menores e adolescentes.

Ed. Infantil

O alumnado de educación infantil acudiu ó Castro Friulio do noso pobo con motivo da celebración desta festa de recreación histórica e que tanta repercusión ten no pobo, así como no noso centro, onde colaboramos coa Asociación A Castronela na elaboración de concursos e tarefas didácticas para unha boa concienciación de dita festa entre o noso alumnado.

Na visita, os nenos e nenas de educación infantil puideron observar como os integrantes desta asociación se caracterizaban para que puidesen ver como era a vida diaria nunha localización castrexa, así como a recreación dunha batalla que foi do gusto dos nenos e nenas de educación infantil.

EDLG

O alumnado de 6º de educación primaria, así como o de 3º da ESO desprazáronse o pasado mércores 8 de maio á cidade de Lugo para tomar parte no Correlingua, un evento reinvidicativo na defensa da nosa lingua e da súa importancia na transmisión cultural e tamén como signo identitario do noso pobo.

O evento comenzou ás 11 da mañá coa saída da andaina dende a praza de Santa María, e percorreu a muralla lucense. Despois pasouse á lectura dun manifesto a cargo do alumnado, así como á actuación do grupo musical Cuarta Xusta.