COVA QUEDA NA CASA: ESPECIAL DÍA DO LIBRO
Estimados membros da Nosa comunidade educativa,
Xa de volta de esta Semana Santa "atípica", atopámonos cun 3º trimestre do curso, no que seguimos tendo esta situación estraña. Temos por diante algunhas celebracións que habitualmente faciamos no centro, e que esta vez van a ser un pouco diferentes.
Esta vez, o equipo de Biblioteca quere sumarse a esta proposta de Covaquedanacasa e proponnos unha actividade para a conmemoración do Dia do Libro, que se celebrará o vindeiro 23 de abril.
Así que o reto desta semana será o seguinte:
* Podedes facer unha foto co voso libro ou libros favoritos.
* Tamén podedes disfrazarvos do persoaxe do voso libro favorito con todo aquelo que teñades pola casa.
* Podedes enviar as vosas fotos entre hoxe e o vindeiro 22 de abril.
Esperamos as vosas achegas, e xa sabedes, estamos con vos "Preto na distancia"!
Instrucións:
Esta é unha actividade proposta polo equipo de Biblioteca que tamén quere manterse "Preto na distancia".
Cova Queda na casa. Moitas grazas polas vosas fotos!!!
Xa tedes aquí o video desta segunda edición de Cova queda na casa, un pouquiño maís longo xa que foron tantas as fotos que nos mandastes, que casi temos que facer dúas partes!!!!!
Moitisimas grazas polas vosas achegas. Despois de esto, é dificil superalo... A ver cal é o seguinte reto...
De momento disfrutade das vacacións con esta montaxe e lembrade que estamos "Preto de vos na distancia".
Estimados membros da Nosa comunidade educativa,
Resultaronnos moi divertidas e agarimosas as vosas fotografías da pasada semana.
Esta vez, e como xa se aproximan as vacacións de Semana Santa, queremos propoñervos un novo reto, enviarnos unha foto de como pasades o tempo libre, xa que non todo vai ser traballar...
Esperamos as vosas achegas, e xa sabedes, estamos con vos "Preto na distancia"!!!
Instrucións:
Estimada comunidade escolar,
Encheunos de ledicia recibir as vosas fotografías: estudando, xogando, con mensaxes, de alumnado, profesorado e familias.
Con todas elas preparouse este vídeo con todo o noso cariño!
Podedes ver as fotografías na páxina web do centro:
Grazas por participar! e seguide participando!
Estimada comunidade educativa,
A nosa separación vaise alongar un tempo, un pouco máis do previsto inicialmente e moito máis do que nos gostaría pois... xa vos botamos de menos!
Gustaríanos tanto saber de vós! Chamaríamosvos a todos por teléfono pero é imposible, fixádevos que paradoxo, non teríamos tempo abondo!!!
Pero... e se nos mandades unha fotografía do moito que estades desfrutando en familia e traballando decotío??
Instrucións:
Queridos pais, nais e meus queridos nenos e nenas:
Nestes dias temos de manternos ocupados, entretidos, activos e tranquilos!
Achégovos unhas suxerencias de actividades físicas, sinxelas, para facer na casa sabendo da falta de espacio que temos nela.
E moi importante facer máis que deberes e xogos nas maquiniñas.
Agardo que vos parezan divertidos. Polo momento dúas propostas, nos próximos dias máis.
Tamén deberíades adicar un tempo tódolos dias a bailar as cancións que máis vos gusten;
Un saúdo a tod@s;
Seguiremos en contacto!
Amparo.
(LINKS + ADXUNTO)
LINKS:
Bos días!
Saúdos a todos, espero que estedes pasando estes días da mellor forma posible,
Para continuar co temario que correspondería, podedes ir mirando o último tema de historia que veremos durante este curso, é dicir, o tema 11: O territorio de España e de Galicia na Antigüidade, e podedes ir facendo tamén as actividades correspondentes.
Un saúdo e moito ánimo!
O 30 de Xaneiro, celebramos no noso centro o Día da Paz e da Non Violencia. De todas as conmemoracións que marca o calendario escolar como de obrigada celebración, esta é probablemente a máis importante de todas, xa que unha sociedade en paz é unha sociedade libre e xusta. Desgraciadamente queda aínda moito camiño por percorrer, por iso faise necesaria esta conmemoración.
O acto comenzou ás 9:40 no salón de actos, onde o alumnado de Educación Infantil asistiu cos "seus sorrisos pola paz" a un pequeno concerto a cargo do noso coro e conxunto instrumental dirixidos por D.David Piñeiro.
A continuación, Inés Rey e Miriam Iglesias, representantes do alumnado no Consello Escolar, leron para todo o alumnado de Educación Secundaria un precioso manifesto pola paz, redactado por elas mesmas. De seguido, Sergio Piñeiro, membro da directiva da ANPA, deu lectura ao fallo do xurado do XVI Certame Literario Dolores Agrelo. A primeira parte desta celebración rematou coa actuación do coro e conxunto instrumental.
Ás 11:30, a Directora do centro, Dona Isabel Martínez Cabaleiro, xunto coa directiva da ANPA e o coro, trasladáronse ata o CEIP de Fontes-Baiña para dar lectura ao gañadores e gañadoras de 5º e 6º de Educación Primaria do concurso literario e finalizar cun concerto a cargo do coro do centro, esta vez acompañados polo profesorado David Gayoso ao cello e Ana Mª Fernández Valiño ao violín.
Os premios entregados pola ANPA aos gañadores e gañadoras foron vales de material escolar para gastar nas librarías do pobo por valor de 40€, 50€ e 60€, 3º, 2º e 1º premio respectivamente, para cada unha das categorías convocadas.
Queremos agradecer a colaboración e entrega de toda a comunidade educativa na celebración deste acto, en especial ao alumnado do coro e conxunto instrumental polo seu bo traballo e adicación.
O Apalpador e Papa Noel visitaron ao alumnado no CPI de Cova Terreña acompañados da elfa da ANPA.
Os nosos convidados viñeron cargados de agasallos para todo o alumnado: piruletas para todos e un agasallo para a aula, e tamén para os recreos da ESO!
Os máis pequenos recibiron emocionados a visita dos nosos ilustres convidados.
O alumnado da ESO desfrutaron dunha ginkana na que había que contar con distintas destrezas.
Un gran día para rematar o trimestre!!
Nota: Podedes ver máis imaxes da xornada nos ficheiros adxuntos.
O apalpador e Papa Noel visitaron ao alumnado no CPI de Cova Terreña acompañados da elfa da ANPA.
Os nosos convidados viñeron cargados de agasallos para todo o alumnado: piruletas para todos e un agasallo para a aula, e tamén para os recreos da ESO!
Os máis pequenos recibiron emocionados a visita dos nosos ilustres convidados.
O alumnado da ESO desfrutaron dunha ginkana na que había que contar con distintas destrezas.
Un gran día para rematar o trimestre!!
Nnota: Podedes ver máis imaxes da xornada nos ficheiros adxuntos.
O coro do noso centro ven de actuar en Madrid, ademais de asistir ao musical "Billy Eliot" e facer unha visita pola capital.
O seu esforzo e compromiso vese recompensado con esta actividade de convivencia cun alto contido cultural.
O Apalpador visitou hoxe a todo o alumnado no CEIP de Fontes-Baíña acompañado dos elfos das ANPAS que levaron piruletas para todxs e agasallos para as aulas!
Grazas á súa entrega e boa disposición a visita foi unha actividade a mar de divertida. Moitas grazas!!
O 12 de decembro, na capela de Santa Liberata, o coro e conxunto instrumental sorprendeunos cun concerto con temas clásicos e tamén actuais, integrando unha orquestra de cámara formada por profesorado e alumnado do centro.
Baixo a dirección de D.David Piñeiro ofrecéronnos o resultado de todas esas horas de ensaio e esforzo.
Ademais, o xoves 19 de decembro terá lugar en Madrid un novo concerto a cargo de este alumnado na parroquia de San Manuel e San Benito, na rúa Alcalá.
O magosto fíxose esperar pero chegou o día.
A climatoloxía non nos axudou para poder realizar a actividade no monte polo que finalmente celebrouse nos patios dos centros coas castañas achegadas polo alumnado. Grazas por esas castañas picadas dende casa.
Fotografía cedida pola ANPA.
Coa colaboración da ANPA do noso centro o alumnado de Ed.Infantil gozou de xogos adaptados á súa idade e dunhas ricas castañas. Tamén coa colaboración da ANPA do centro e do CEIP de Fontes-Baíña o alumnado de Ed.Primaria de ambos centros gozaron dunhas ricas castañas nos asadeiros facilitados polo Concello de Baiona. E finalmente o alumnado de ESO gozou das castañas asadas nun forno local e da xincana de xogos organizada polo alumnado de 4ºESO baixo a dirección do seu profesor de Ed.Física, Don David Gayoso.
O noso Taboleiro de Coeducación recolle estes días os tristes datos das estatísticas de vítimas da violencia de xénero, un traballo de reflexión colectiva.
O alumnado escenificou a súa convivencia cun X xigante de XUNTOS, os alumnos de Ed.Primaria do CPI de Cova Terreña e do CEIP de Fontes-Baíña que comparten tempos de lecer e as instalacións.
As instalacións acondicionáronse en tempo recórd, coa implicación de ambos equipos directivos e a colaboración do Concello de Baiona, da Xefatura Territorial de Educación e voluntarios, de tal xeito que o alumnado non perdeu ningunha xornada lectiva, sempre velando polo seu benestar.
A ANPA organizou unha chocolatada o mércores 30 de outubro para todo o alumnado do centro e tamén para o alumnado do CEIP de Fontes-Baíña, agradecendo así a boa acollida brindada ao noso alumnado.
A directiva da ANPA e coa axuda dos colaboradores e colaboradoras, incluída a ANPA do CEIP Fontes-Baíña, formaron un gran equipo que foi quen de servir chocolate quente a máis de 750persoas no edificio de Ed.Infantil, no edificio principal do CPI de Cova Terreña e no CEIP de Fontes-Baíña.
Moitas grazas en nome de tod@s.
O martes 30 de abril a meteoroloxía permitiunos realizar a actividade de lectura compartida co gallo da celebración do Día do Libro.
Todo o alumnado do centro participou na actividade.
Primeiramene, no patio sur, entergáronse os premios de creación literaria sendo as gañadoras:
Posteriormente entregouse o premio do Concurso de Ortografía sorteando entre os participantes un e-book que lle correspondeu a Carla Varela Silva.
Finalmente, o alumnado distribuíuse por todo o patio para gozar da lectura compartida.
O alumnado de 3º e 4º ESO participaron nun obradoiro para traballar a problemática da violencia de xénero dende o rap.
Na seguinte ligazón podedes ver un vídeo do resultado publicado por La Voz de Galicia
Theme by Danetsoft and Danang Probo Sayekti inspired by Maksimer
