O proxecto artístico musical do centro, o noso coro, foi escollido polo Centro de Formación e Recursos de Vigo para pechar a actividade formativa "Compartido experiencias educativas de Secundaria", todo un recoñecemento ao traballo de todo o alumnado participante no mesmo e do seu director, Don David Piñeiro. Noraboa!!
Por fin o tempo deunos un descanso e chegou o día de celebrar o Magosto. Despois da 1ªhora, todo o alumnado do centro dirixiuse cara Chan da lagoa para a celebración.
O alumnado de 4ºESO preparou xogos para o alumnado de ESO e profesorado, quenes competimos sanamente nunha xincana moi divertida. Ademais alumnado voluntario de ESO organizou xogos para o alumnado de Ed.Infantil.
O alumnado de Ed.Primaria tamén tivo o seu momento de xogo e, para rematar, queimamos a "pantasma papa medos" que contiña os medos depositados polo alumnado na celebración do Samaín.
Gozamos das castañas asadas nun forno local que a ANPA cascara para nós nun xesto máis de colaboración co centro.
E antes de baixar aínda houbo tempo para a música e a entrega de premios. Un gran día grazas á colaboración de todxs.
Os alumnos e alumnas de 4º B visitaron as instalación deportivas e o museo da Fundación Celta de Vigo. Algúns xogadores gozaron dun grande recibimento por parte dos alumnos/as e profesorado do centro. O alumnado aproveitou a ocasión para facerlles preguntas aos xogadores (Hugo Mallo e Iago Aspas), fotografarse con eles e pedir autógrafos.
Tamén houbo tempo para culturizarse e visitar un dos pulmóns verdes da cidade de Vigo, o parque de Castrelos ou Finca da Marquesa.
Neste parque, doado do Marqués de Alcedo a Cidade de Vigo, atópase o Pazo de Quiñones de León, un auditorio e un conxunto de xardíns e zonas boscosas, de gran interese paisaxístico e botánico.
O alumnado visitou os xardíns (francés e inglés) e as instalacións do interior do pazo: as distintas estancias da antiga residencia dos marqueses, o legado de Policarpo Sanz, a colección permanente de pintura galega e a sala de arqueoloxía.
O coro do centro xa está en Madrid mostrando todo o seu traballo ao longo do curso cun concerto en Las Rozas e visitando a capital no Día de Europa.
A Garda Civil de Pontevedra iniciou no noso centro a campaña "Para meterte con un compañero, conmigo no cuentes".
O alumnado de 5º e 6º de Ed.Primaria asisitron ás charlas formativas a menores de prevención do Acoso Escolar que imparte a Garda Civil dentro do Plan Director baixo dito lema, sendo os primeiros en recibir a chapa que ilustra o slogan da campaña.
Ante calquera sospeita de acoso ou dúbida, non o dubides, pide axuda. Estamos para axudarvos.
Nova en Telemariñas
Nova en Val Miñor TV
O 23 de abril celebramos o Día do Libro con moitas actividades. Entre elas tivemos Lecturas compartidas onde tomamos o patio, o noso libro, mantiña e coxín e compartimos lectura entre maiores e pequenos.
O noso centro celebrou o festival de Entroido 2018 en torno ao lema do centro deste ano: Patrimonio cultural de Baiona.
Agardamos que toda a comunidade educativa desfrutase coa actividade.
O ensaio do coro e conxunto instrumental do centro chegou ás redes sociais conseguindo máis de 50.000 reproduccións e valoracións moi positivas en moi pouco tempo.
Publicación no Faro de Vigo
Publicación en Twitter
Comentario de @Cepeda
O 30 de xaneiro celebramos o Día internacional da Non violencia e da Paz conxuntamente no pavillón escolar.
O equipo de mediadores colaborou no traslado do alumnado de Ed.Infantil e 1º e 2º Ed.Primaria asemade na lectura dos Dereitos do Neno e dos Dereitos Humanos.
O noso mestre de ceremonias, Víctor Moreira, presentou o acto que tivo 3 partes:
O equipo de mediadores e mediadoras do centro tiveron unha nova xornada de formación e convivencia no centro.
O xoves 21 de decembro pechamos o trimestre coa intervención do Enxeñeiro de Montes e catedrático da Escola Politécnica Superior de Enxeñaría da Universidade de Santiago de Compostela Don Roque Rodríguez Soalleiro no noso centro para informar ao alumnado da ESO sobre a problemática do lume en Galicia.
A través do Programa A Ponte están a levar esta iniciativa a moitos centros da comunidade, ofrecéndose desinteresadamente. Por todo iso, agradecemos a súa colaboración nestas charlas de difusión que tan ben aproveitou o noso alumnado.
O pasado xoves 21 de decembro tivo lugar o concerto de Nadal do coro e conxunto instrumental do CPI de Cova Terreña cunha emotiva actuación que tivo un públlico entregado que encheu a Ex-Colegiata de Baiona.
Grazas a tod@s pola vosa acollida e aplausos.
O último día de clase do trimestre tivemos a visita do Apalpador e Papa Noel no noso centro. Con moita man e tino atenderon e visitaron ao alumnado de Ed.Infantil e Ed.Primaria. No nome de todos e todas moitas grazas pola visita!!!
O alumnado de Ed.Infantil, 1º,2º,3º e 4º Ed.Primaria visitaron o Concello de Baiona polo Nadal onde puideron aprender máis sobre o Patrimonio cultural de Baiona, lema do ano do centro, ademáis de visitar as instalacións do concello e a decoración de nadal do mesmo.
Especialmente agradecidos á implicación da Concelleira de Educación, Dona Beatriz González, que interactuo co noso alumnado con moita man.
O noso equipo de mediadores reuniuse novamente para seguir coa súa formación a través dunhas actividades organizadas polo equipo de Convivencia do centro.
O alumnado do centro deixou os seus desexos para as persoas con discapacidade no paraugas que alumnado do CEE Juan María nos trouxo na súa visita. O paraugas estivo presente na concentración do domingo día 3 de decembro en Vigo nas mans da nosa orientadora, Dona Tamara Bermúdez.
O CPI Cova Terreña de Baiona foi o elixido para a presentación da exposición “Á violencia de xénero… Dille NON!”, promovida pola Secretaría Xeral de Igualdade da Xunta de Galicia e que ten como obxectivo impulsar a sensibilización e prevención da violencia de xénero entre a mocidade.
Nova na páxina web da Xunta de Galicia
Nova na páxina web do Concello de Baiona
Despois da 1ªhora, todo o alumnado do centro dirixiuse a Chan da lagoa para a celebración do Magosto.
O alumnado de 4ºESO e 3ºESO-C prepararon xogos para o alumnado de Ed.Infantil e os compañeiros de Ed.Secundaria que competiron nunha xincana moi divertida.
O alumnado de Ed.Primaria preparou o noso lema para este Magosto: Non ao lume, construíndo o mesmo con restos vexetais, en torno ao cal entoamos a canción "Todos contra el fuego" de J.M.Serrat.
Pasamos unha xornada de xogos e convivencia gozando das castañas, cascadas coa colaboración da ANPA, asadas nun forno local.
O luns 18/09/2017 celebramos no centro un acto de inauguración do curso escolar 2017/2018, sendo este o 45º curso escolar do centro educativo. No acto estiveron presentes:
● Don Ángel Rodal Almuiña, alcalde de Baiona
● Don Jesús Vázquez Almuiña, conselleiro de Sanidade
● Don Ignacio López Chaves, delegado da Xunta de Galicia en Vigo
● Dona Ángles Feijoo-Montenegro, xefa territorial da Consellería de Sanidade en Pontevedra
● Dona Beatríz González Pérez, concelleira de Educación
● Don Juan Luís Ferreiro Carballido, inspector de Educación
● Membros do Equipo directivo: Dona María Dolores Ros Belmonte, Dona María Fernández González e Dona María del Carmen Álvarez Lorenzo
● Membros do Consello Escolar
● Ex-directores e directoras do centro
● Ex-alumnos e ex-alumnas do centro
● Xunta de delegados
● Representantes da ANPA
● Alumnado de 4o e 2oESO e profesorado acompañante.
Despois dunha rolda de intervencións, visitaronse as instalacións, aulas e alumnado das distintas etapas educativas.
Como lembranza desta ocasión plantouse unha árbore no recinto, testemuña viva deste acto.
Ligazóns:
Por fin chegou o fin de curso 2016/2017 e para despedilo organizmos diferentes actividades:
Organizáronse exhibicións abertas a toda a comunidade educativa dalgunhas das actividades extraescolares organizadas pola ANPA: Guitarra, tiro con arco, intelixencia emocional, ximnasia acrobática e exposición de pinturas no salón de actos.
O alumnado de 6ºEd.Primaria recibiu uns diplomas dos seus compañeiros e compañeiras de 6ºEd.Infantil, xa que ambos rematan etapa.
Grazas á colaboración da ANPA, todo o alumnado gozou de inchables ao longo da mañá, e os mais maiores (4º, 5º e 6ºEd.Primaria) poideron por a proba a súa puntería no tiro con arco.
Asemade, grazas á colaboración das familias e ANPA, organizáronse merendas para toda a comunidade educativa.
1ºESO visitou a Fundación SALES, 2ºESO tivo actividades lúdicas no centro e 3º e 4ºESO fixeron unha saída pola vila e gozaron dun día de praia.
Theme by Danetsoft and Danang Probo Sayekti inspired by Maksimer
