Skip to Content

DÍA INTERNACIONAL CONTRA A VIOLENCIA DE XÉNERO 25-11-16

O DÍA INTERNACIONAL CONTRA A VIOLENCIA DE XÉNERO, celebrámolo no noso centro o venres día 25 de novembro, levando a cabo na hora de ler e no pasillo do centro unha actividade en todalas clases do centro. A nosa actividade para conmemorar ese día chamouse "AS CLAVES CONTRA A VIOLENCIA Á MULLER". Así cada clase elaborou unha clave musical que cousas que queremos que se cumplan. Para máis información, visitar o noso blog da Biblioteca. Para ver todas as fotos de ese día pica AQUÍ.

       

PUBLICACIÓN NO Nº 2 DE "PAPAGAIO" DOS NOSOS ALUMNOS RUBÉN E ANDREA

Estamos de NORABOA, xa que se ven de publicar no nº 2 da revista "O PAPAGAIO" unhas lendas da nosa zona redactadas por estes dous alumnos de 6º de educación primaria, ANDREA LABANDEIRA OTERO E RUBÉN BLANCO PEREIRA . Aquí podedes ver a 1ª publicación destes grandes artistas.

 

ACTUACIÓN DE LUIS SOTO AMIL FRAUTISTA DA RFG 22-11-16

Para celebrar este día 22 de novembro Día de Santa Cecilia, patroa dos músicos, poetas e cegos, e dada a temática do noso proxecto integrado de centro de este ano sobre a música, tivemos a sorte de poder contar no centro coa actuación de LUIS SOTO AMIL, frautista, membro fundador do Taller Atántico Contemporáneo e parte da plantilla da REAL FILHARMONÍA DE GALICIA, que nos deleitou coa súa presenza e algunha que outra actuación. Para ver todas as fotos pica AQUÍ.

   

MAGOSTO 2016 E ACTUACIÓN DE ÁLVARO MURAS "A ILUSIÓN DUN MÚSICO" 11-11-16

O venres día 11 de novembro e coincidindo coa celebración do Magosto 2016, tivemos no centro ás 14.45 horas a actuación de Álvaro Muras (Músico) e Martín Camiña (maxía) co seu espectáculo "A ILUSIÓN DUN MÚSICO", na Biblioteca do centro. Picando no cartel veredes un video de estos magnificos artistas. Despois desta actuación fomos todos para o comedor do centro e xantamos as castañas asadas polas cociñeiras que picaron o día anterior os/as alumnos/as de 4º, 5º e 6º de primaria. Para ver fotos de ese día picade nas imaxes.

     

SAÍDA DIDÁCTICA A CORUÑA. TEATRO COLÓN E PALACIO DA ÓPERA 09-11-16

O mércores día 9 de novembro fixemos unha saída didáctica con todos os alumnos de educación primaria á Coruña para asistir ás 11 horas, ao TEATRO COLÓN para ver "AS CATRO ESTACIÓNS" de Vivaldi a través de Danza Contemporánea da man dos coreógrafos Iker Gómez e Kenneth Tindall, a través do Centro Coreográfico Galego. Primavera, verán, outono e inverno, reflectidas sobre o escenario nas distintas variacións interpretadas por un elenco de 8 bailaríns e bailarinas. De 12:15 ás 13 horas demos un paseo pola cidade herculina ata o Palacio da Ópera e de 13 a 14 horas fixemos unha visita guiada ao Palacio da Ópera sede da Orquestra Sinfónica de Galicia. Vimos diferentes salas e estivemos no escenario do Auditorio Principal, dotado de extraordinarias condicións acústicas e técnicas, polo que pasaron grandes nomes do mundo do espectáculo.

     

"PITUSA E SEMIFUSA E A FAMILIA DOS INSTRUMENTOS" AUDITORIO SANTIAGO 03-11-16

O xoves día 3 de novembro, foron de excursión a Santiago os alumnos de Ed. Infatil e 1º e 2º de educación primaria, para ver no Auditorio de Galicia o Concerto "PITUSA E SEMIFUSA, E AS FAMILIAS DE INSTRUMENTOS" ás 12 horas. Tamén poideron ver a Exposición "SEMENTES" dos premios Auditorio de Galicia para novos artistas. Rematou a xornada xogando nun parque infantil e xantando, acompañados polo precioso día que facía. Para ver tódalas fotos de ese día (paseando por Santiago, vendo o Concerto de Fusa e Semifusa e na exposición "Sementes") pica nas fotos.


SAMAÍN. CONCURSO DE CABAZAS E RELATOS DE MEDO 28-10-16

Celebramos o SAMAÍN o venres día 28 de outubro durante toda a xornada. Ao chegar ao colexio, reunímonos na Biblioteca, para anunciar os gañadores do Concurso de Cabazas, que foron escollidos polo alumnado e o profesorado. As cabazas gañadoras foron as de: UXÍA GRILLE SUÁREZ (Ed. Infantil), ANDREA ALVELA RODRÍGUEZ (2º Ed. Primaria) e PAULA MANEIRO BERGANTIÑOS (4º Ed. Primaria).



Seguro que queredes ver todas as cabazas presentadas, que estaban todas moi ben! Ademais, participastes case todas e todos vós, polo que queremos tamén mandar as nosas felicitacións para todas as familias, xa que son parte tamén deste concurso decorativo. NORABOA A TODAS!!!! Picando nestas dúas imaxes da exposición veredes todas as cabazas presentadas a concurso.

Depois entregáronse os premios aos Relatos de Medo. Para ver os relatos de Medo gañadores podedes picar no seguinte enlace:

http://bibliovictorsaenz.blogspot.com.es/2016/10/samain-2016-concurso-de-cabazas-e.html

E os gañadores foron:

AULA DE EDUCACIÓN INFANTIL polo seu conto "Cabeza Tola".

ALBA LAGO GARCÍA (2º Ed. Primaria) pola historia "O Vampiro".

DANIELA MATO BERMÚDEZ (4º Ed. Primaria) co seu conto "A casa encantada".

AINHOA CAL CURRAIS (5º Ed. Primaria) coa historia titulada "A desaparición de Susi".

MIGUEL BARRUL IGLESIAS (3º Ed. Primaria) co conto "O vampiro Beethoven".


As fotos da entrega de premios podedes velas premendo no seguinte enlace:

https://photos.google.com/share/AF1QipOp2_FeAPMuV9B3DAbUqtmQ_9foFPOSHw6HIjx9DNd_lMbP0YUHoZuKQ0gCHDIuPw?key=VG1QeTBLeEYtM2xkREpCajg0bU1GaGxiaW9ET2Nn

Despois, elaboramos no comedor do colexio os PETISCOS TERRORÍFICOS DE SAMAÍN, que os nenos comerían ao salir ao recreo. Picando nas imaxes podedes ver todas as fotos de ese obradoiro.

Ao regresar do recreo, na HORA DE LER, tamén fixemos actividades sobre o samaín e a música. O profesorado organizou un conto para quitarnos todos os medos que temos, cada un de nós. Baseado na historia de "FIZ, O COLECCIONISTA DE MEDOS", a banda sonora estivo a cargo de Rubén, Andrea e Óscar. E rematamos todos cantando e bailando: primeiro os grupos de 1º e 2º de primaria, que nos interpretaron unha fermosa canción co seu mestre öscar á guitarra titulada "BUAJAJAJAJÁ". Despois todos xuntos cantamos a canción "XA CHEGOU O SAMAÍN", acompañados polas turutas de os nenos de 5º e 6º de primaria e o ukelele de Jorge e Aroa que tocou o mestre Óscar. Picade nas imaxes para ver o que pasou!!!!!


Xa, pola tarde, pasámolo de medo austando a todas as persoas que andaban polo colexio, para a cal nos pintamos coma vampiros, monstros, zombies, etc. E xogamos no patio aproveitando a fermosa xornada de sol!!!

PROXECTO INTEGRADO DE CENTRO 16-17: A MUSITECA

Este curso 2016-2017 dentro do noso PROXECTO INTEGRADO DE CENTRO, escollimos como tema A MÚSICA. Tamén os nenos/as e mestres/as do centro escollimos o lema: A MUSITECA. E xa temos tamén o cartel. Querédelo ver?. Todo canto queirades saber sobre o noso proxecto poderedelo ver picando no Blogue da Biblioteca.

OBRADOIROS DE PERCUSIÓN CON MATERIAL DE REFUGALLO 24-10-16

O luns día 24 de outubro, en horario de 10 a 12 horas na Biblioteca do centro, fixemos 2 Obradoiros de Percusión con Material de Refugallo a cargo de José Troncoso Barros, celebrando así o "Día da Biblioteca". Un obradoiro para os pequenos de infantil e 1º e 2º de primaria, e outro para os maiores de 3º, 4º, 5º e 6º de primaria. Estes obradoiros estaban baseados en ritmos interpretados con instrumentos musicais feitos con obxectos de refugallo do tipo de botellas de plástico, latas de conservas, globos, ou mesmo botes de pintura. Picando na imaxe veredes as fotos que fixemos esa mañá.

  

      

Tamén podedes ver un vídeo gravado noutra escola, pero onde se pode ver o tipo de actividade que fixemos esa mañá. Pica no enlace.

https://youtu.be/MOA4iG4HRoY

VISITA DE ÁNGEL CARRACEDO 13-10-16

O venres, día 13 de outubro, á hora de xantar, tivemos a gran sorte de que parou no noso centro o noso padriño da Biblioteca Escolar, Ángel Carracedo, para facernos unha pequena visita. Viña da Ponte do Porto de dar unha conferencia e parou a visitarnos e xantar con nós. Tanto nenos como adultos quedamos abraiados deste feito, que foi fugaz pero intenso, xa que case ca comida no boca marchou a outra reunión que tiña en Santiago. Grazas pola túa presenza!!!!!

EMILIO PRESÉNTANOS INSTRUMENTOS DE MÚSICA TRADICIONAL 13-10-16

O venres día 13 de outubro visitounos Emilio, acompañado de Irene, que é a presidenta da Asociación de Amas de casa de San Cosme. Emilio é músico e presentounos varios instrumentos musicais, para animarnos a asistir ás clases que a Asociación oferta para este curso: acordeón, frauta, pandeireta, tambor, gaita,...Picando nas imaxes, veredes algunhas das fotos de ese día.

  

XORNADAS DE CAPTACIÓN CLUBE BALONMÁN XALLAS

Os dias 20 e 21 de setembro de 2016, visitou o noso centro Juan Carlos Lois Pastoriza, Técnico Deportivo Territorial de Balonmán e adestrador do BM Xallas Infantil Feminino, para levar a cabo no noso centro unhas Xornadas de Captación de novos talentos para o Club Balonmán Xallas, para os alumnos de 2º a 6º de educación primaria. Tedes a información e o contacto na folla explicativa que aparece máis abaixo.



PROXECTO INTEGRADO 16-17: A MÚSICA

Esta e a carta que nos enviou dende a Biblioteca Escolar a Rosiña para dar comezo, un ano máis, ao noso Proxecto Integrado de Centro:

Ola, rapaciñas e rapaciños !!!!!!

Como estades? Eu sigo no Brasil. Onte remataron os Xogos Paralímpicos, nos que España conseguiu un total de 31 medallas, a grande parte delas en natación, como as que gañou a nosa coñecida TERESA PERALES. A festa destes grandes deportistas paralímpicos coincidiu coa cerimonia de clausura: a pira non se acenderá ata dentro de 4 anos a miles de quilómetros de Río: os próximos Xogos Olímpicos celebraranse en Tokio.

E eu, durante estas semanas no Brasil, ademais de desfrutar dos acontecementos deportivos, tamén quixen coñecer a fondo esta cultura, así que aproveitei todo o que puiden: viaxes, espectáculos, xuntanzas con amizades, películas, encontros con persoas relacionadas co mundo da literatura, cociñeiros e cociñeiras, etc. Tantas cousas que non vou ter tempo para contárvolo todo!!! 

Pero o que si vos quero dicir é que houbo unha cousa que me sorprendeu moitísimo: a CAPOEIRA. Descoñecía por completo o que era isto, e a primeira vez que puiden ver un espectáculo de capoeira quedei marabillada. Introducida no Brasil por descendentes africanos sobre o século XVI, é unha arte marcial que combina danza, música e acrobacias. Caracterízase polos movementos de pernas e brazos e polos saltos. Tradicionalmente practicábase ao ritmo do "berimbau", que é un instrumento de corda percutida, pero na actualidade tamén se empregan outros instrumentos de percusión como acompañamento.

Bueno, non quero contarvos máis sobre a capoeira, pero si dicirvos que tanto me emocionei vendo aos brasileiros practicándoa que pensei: a capoeira ten algo de deporte e moito de música. Sobre o deporte xa investigamos, pero... sobre a MÚSICA non!!! Así que aquí vai a miña proposta: que tal se convertimos o 2016-2017 nun curso musical? Que banda/s sonora/s lle poñemos? 

Para empezar, anímovos a que me axudedes co lema. Chegarei na próxima semana, así que sería estupendo que xa o tiverades decidido!!! Veña, poñede xa esa creatividade en marcha; seguro que saen cousas tan atraíntes que non quedará unha soa persoa que non se enganche á biblioteca a través da música. Agardo as vosas propostas con tanta emoción que xa non sei se durmirei durante os próximos días...
Unha aperta enorme para todos, ARTISTAS!!!!
 

 

BENVIDOS AO CURSO 2016-2017

  

FESTIVAL FIN DE CURSO 2015-2016

No enlace que poñemos a continuación, poderedes ver tódolos vídeos das actuacións levadas a cabo polos alumnos no FESTIVAL DE FIN DE CURSO 2015-2016 sobre AS OLERPÍADAS.

http://bibliovictorsaenz.blogspot.com.es/2016/07/festival-de-fin-de-curso-actuacions.html

E picando na foto, veredes todas as de ese día.

FONDO, AXUDAS E MATERIAL CURSO 16-17

Picando na foto, poderase acceder á páxina da Xunta onde ven toda a información necesaria sobre o Fondo de Libros de texto e axudas para libros de texto e material escolar de cara ao vindeiro curso escolar 2016-2017. Tamén poderedes descargar nesta páxina os anexos para solicitar as becas de axuda e posteriormente entregalas no centro.

TEATRO EN INGLÉS NA PICOTA. FACE 2 FACE 26-05-16

Asistimos na Aula de Cultura da Picota o día 26 de maio de 2016 ás funcións da Compañía de Teatro FACE 2 FACE para escolares en Inglés. Foron dúas actuacións, unha dirixida para os nenos de infantil e 1º ciclo e outra para os alumnos do 2º e 3º ciclo.


Picando nas fotos poderedes ver tódalas fotos das dúas actuacións.

E neste enlace tedes toda a informaión necesaria:

http://bibliovictorsaenz.blogspot.com.es/2016/05/teatro-en-ingles.html

 

LETRAS GALEGAS E OS MAIOS 20-05-16

O dís 20 de maio celebramos o DÍA DAS LETRAS GALEGAS 2016 E OS MAIOS, conxuntamente. Tódalas canciós e actividades desenvolvidas ese día podé delas ver no seguinte enlace.

http://bibliovictorsaenz.blogspot.com.es/2016/05/celebramos-o-dia-das-letras-galegas-e.html

Si queres ver tódalas fotos de ese día, picade na fotografía.

ACTUACIÓN NA PICOTA DO MAGO POPÍN PALOMERO 06-05-16

O venres día 6 de maio, os alumnos de Infantil e 1º ciclo de educación primaria asistirán ás 11:00 horas da mañá á Aula da Cultura da Picota para ver a actuación do mago POPÍN PALOMERO.

CAMPAMENTOS DE VERÁN 2016

A Consellería de Política Social ofrece a posibilidade de que a xuventude galega empregue o seu tempo libre estival participando en actividades de educación non formal moi diversas: de carácter cultural, ambiental, deportivo, de tempo libre, de voluntariado... que sirvan non só para divertirse, senón tamén para o seu enriquecemento persoal e vital.

A Dirección Xeral de Xuventude, Participación e Voluntariado pretende facer realidade este obxectivo a través da Campaña de verán 2016. Para máis informaión pica no enlace ou pásate polo colexio ou o Concello que che corresponda.

MAGO CHARLANGAS NA AULA DA CULTURA DA PICOTA 29-04-16

O venres día 29 de abril, os alumnos do colexio asistiron á Aula de Cultura da Picota para ver a actuación do "MAGO CHARLANGAS", que fixo as delicias dos alí presentes cos seus trucos de maxia.

   

CELEBRAMOS O DÍA DO LIBRO 22-04-16

Cúmprense 400 anos da morte de MIGUEL DE CERVANTES, WILLIAM SHAKESPEARE E INCA GARCILASO DE LA VEGA. Entregóuselles a cada un texto de PEDRO FEIJOO e un MARCAPÁXINAS para conmemorar o IV centenario da morte de estos tres escritores anteriormente mencionados. E na "Hora de Ler" fixemos a actividade "APADRIÑAMENTOS E AMADRIÑAMENTOS LECTORES" como levamos facendo nestes anteriores anos. Pica nas fotos para ver as fotos de ese día.


VISITA AO NOSO CENTRO DO CONTACONTOS MANUEL DE PADERNA 19-04-16

Entre outras actividades que lle adicaremos ao DÍA DO LIBRO, está a visita ao noso centro de MANUEL DE PADERNA, Contacontos pero sobre todo peote, que fixo as delicias dos nenos. Este home aseguraba ser mestre do gran poeta Manuel María, a quen se lle adicará o Día das Letras Galegas 2016. Picade nas fotos para ver máis fotos.


CONCERTO E EXPOSICIÓN NO AUDITORIO DE GALICIA 15-04-16

Asistimos a un Concerto ofertado pola Banda de Música Municipal de Santiago no Auditorio de Galicia, que levaba por título "BANDANZA", que incluía pezas de bailes de salón, representadas polos bailarines Lucía Vázquez e Cristián García. Tamén vimos a Exposición "IX Premio Auditorio de Galicia 2015", composto por 40 obras que vimos da man de Loli, a nosa guía. En pequenos grupos, e para rematar, os nenos elaboraron pequenos proxectos que logo explicaron aos demáis. Picade nas fotos para ver todo o que fixemos ese día.


OBRADOIRO DANZAS HÚNGARAS 05-04-16

Contamos coa presenza de tres músicos espectaculares: Vera, Serxio e Xesús, que nos amosaron con música e danzas diferentes pezas típicas húngaras. Tamén nos falaron un pouco das costumes húngaras, as súas tradicións e un pouquiño de vocabulario. Grazas. Si picades nas fotos veredes como bailachedes ese día.


VISITA AO DOLMEN DE DOMBATE 01-04-16

Todo o colexio fomos de visita ao DOLMEN DE DOMBATE, considerado o monumento megalítico máis importante de Galicia. Tamén visionaron documentais e debuxos animados sobre o tema. Despois nos dividimos en dous grupos para facer uns obradoiros. un grupo estaba formado polos alumnos de educación infantil e 1º e 2º de educación primaria que levaron a cabo o obradoiro titulado "As cores de Dombate: pinturas máxicas". O outro grupo estaba formado polos alumnos de 3º, 4º, 5º e 6º de educación primaria que fixeron un obradoiro titulado "Proceso de transformación do barro: a cerámica". Aquí tedes todas as fotos.



PELÍCULA-DOCUMENTAL "ENTRE LOBOS" 18-03-16

Durante esa mañá fomos invitados polo Concello de Santa Comba para asistir á proxección da película-documental "Entre lobos", baseada na viad de Marcos Rodríguez Pantoja, criado durante 12 anos por unha manada de lobos. Contabamos ademáis coa presenza do Propio Marcos, que ao remate da película, falou cos nenos asistentes e contestou ás súas preguntas. Para máis información, pica nas fotos o no seu nome.

 

EXCURSIÓN AO MACUF (A CORUÑA) 15-03-16

Visitamos cos nenos e nenas de educación primaria o Museo de Arte Contemporánez Unión Fenosa (MACUF). Fixemos dous grupos: un de educación infantil ata 3º de educación primaria que visitou "Os rostros do naufraxio", e outro coa nenos de 4º a 6º de educación primaria que visitaron a exposición "Narrativas Monumentales". Para rematar a visita, ambos grupos fixeron uns obradoiros nos que os alumnos o pasaron de maravilla. Picando nas fotos veredes as cousas que fixemos ese día.

DÍA INTERNACIONAL DA MULLER TRABALLADORA 08-03-16

Para a celebración deste día elaboramos unhas bandeiras olímpicas e en cada grupo se centraron en 5 mulleres deportistas de diferentes paises. Pica nas fotos para ver que ocurreu ese día.



DÍA DE ROSALÍA 24-02-16

Para conmemorar este día, desenvolvimos unha proposta da Asociación de Escritores e Escritoras en Lingua Galega. Así os nenos e nenas elaboraron unha postal deseñada por esta asociación. Para ver fotos de ese día pica nas fotos.


Distribuir contido


by Dr. Radut