PARA CELEBRAR O REMATE DE CURSO CONVIDAMOS A TODA A COMUNIDADE EDUCATIVA Á GALA FIN DE CURSO "ALUCINE" ONDE PODEREMOS GOZAR DAS PRODUCIÓNS AUDIOVISUAIS CREADAS POLO ALUMNADO AO LONGO DO ANO.
ESTE FESTIVAL DE CURTAS REALIZARASE O MÉRCORES 21 DE XUÑO, DE 10:30 A 12:00, NA CASA CULTURAL DE MOUGÁS.
Co obxectivo de concienciar ao alumnado no uso responsable de Internet e as redes sociais, dando recomendacións para unha navegación responsable e segura, no día de hoxe os nenos e nenas de 5º e 6º de EP tiveron unha charla no marco do proxecto "Navega con Rumbo".
O martes 28 de marzo desenvolveuse unha xornada de talleres para todo o centro, organizada polo Concello de Oia, en colaboración coa ANPA e Artesanía de Galicia. O alumnado puido aprender de oficios relacionados co coiro, cerámica, papiroflexia, macramé ou xoiaría.
O luns 13 de marzo, logo de traballar nas aulas a temática da concienciación ambiental, o centro participou nunha actividade dirixida pola Fundación Abanca que consistía no pintado dun mural e bolsas de teas con pinturas ecolóxicas.
Álbum: CURSO 2022-2023 -> PLANTANDO ÁRBORES CON PINCEIS
Este venres 24 de febreiro tivemos a oportunidade de gozar como espectadores da proba ciclista galega "O Gran Camiño" que pasou polo noso concello a carón do cole.