Skip to Content

Radio Arrabal

Radio Arrabal

CHEGOU O VERÁN

Último programa deste curso e o alumnado de 6º lle pasa o relevo ao de 5º para que sexan eles os que sigan coa radio o curso que ven. Os podcast de hoxe veñen con moita música, recomendacións para facer turismo no verán e estar en compañía de bos amigos. Disfrutadeo, pasadeo ben nas vacacións e non deixedes de escoitar a RADIO ARRABAL.

ADEEEEEUUUUUSSS!!!!

 

PODCAST 10-6-2022

Hoxe dende os novos estudos da RADIO ARRABAL emitimos un programa cargadiño de novas e información. Teremos recomendacións lectoras, letras galegas (Florencio Delgado Gurriarán), más que coches e unha maravillosa receita de cociña. Todo acompañado dun pouco de publicidade que fixeron os nenos de 5º. Esperamos que vos guste. Adiante coa radio!!!

 

PODCAST 3-6-2022

Coñecedes contos que sucedan en Oia? Coñecedes contos escritos e narrados polos nenos e nenas do colexio? Pois darlle a "play" no arquivo sonoro e escoitaredes un estupendo podcast das nenas e nenos de 4º de primaria. Grazas amigxs!!!

 

PODCAST 27-5-2022

A cousa está que arde, non paramos de facer actividades no cole: bici, circo, excursións, múica, teatro...E os nosos locutores da RADIO ARRABAL non se andan con monadas, siguen traballando a reo para que tódolos venres se emita un novo programa de podcast. Disfrutadeo!!!

PODCAST 20-5-2022

Xa é venres de radio, hoxe cunha nova entrega de podcast feitos polo alumnado de 5º e 6º. Disfruta destes estupendos audios da RADIO ARRABAL. Gústache a lectura? Es un "friki" dos videoxogos? Ou pode que che guste a cociña e os seu segredos? Acertaches, os podcast van de LER E CRECER, VIDEOXOGOS e MASTERCHEF!!!

PODCAST 13-5-2022

Este venres de radio o alumnado de 2º de primaria sorprendeunos cun podcast marabilloso. Na clase de galego estiveron preparando os textos e no estudio da RADIO ARRABAL gravaron as voces e a música. Non deixes de escoitalos son o COLMO!!! Adiante coa radio...

✓ 20 CHISTES DE COLMOS muy buenos (¿Cuál es el colmo de...?)

LENDAS DA GALIZA ENCANTADA

 

 

O alumnado de 6º de primaria, na área de Lingua Galega e Literatura, fixo unha recopilación de mitos e lendas de Galicia adaptándoas a nosa localidade, esperamos que vos gusten:

A Casa da Moura é un monumento megalítico situado no concello de Santa María de Oia
Cóntase que cando pasaba por alí unha nena de mañá cedo para a feira do doce saíu un mouro e preguntoulle:
—E logo, para onde vai?
—Voulle para a feira mercar uns porquiños.
—¿E ten moito diñeiro para os mercar?
—Ai, señor, eu diñeiro téñolle pouquiño.
—Ben, pois vas á feira e mercas dous porcos, dos mellores que haxa. E espérasme alí, ti e mailos que chos vendan. E despois vou eu e págollelos.
Pasou todo segundo dixo o mouro; e o mouro quedou cun porco e a nena con outro. Entón, o mouro díxolle a nena:
—Mira, tráeme aquí todas as mañás cedo un anaco de pan .Ti non chames por ninguén. Déixamo neste sitio que xa terás nel un peso todos os días. E así sempre. E ten tino de non dicir nada a ninguén, que estas cousas non se poden dicir.
E por moito tempo a nena levou o pan e colleu os cartos.
Mais a súa nai sempre lle andaba dicindo:
—¿De onde che veñen os cartos? Porque antes non tiñamos case ningún e agora temos moitos. Ti tes que ter unha amiga que chos dá.
E a nena contestáballe:
—Non, mama, non. Ti come e bebe, e a min déixame, que eu non teño amiga ningunha.
E ela volvía a porfiar:
—Pois ti tesmo que dicir, que de algún lado che veñen.
E tanto porfiou, e tanto fixo, que a nena rematou por llo dicir.
Ao outro día de mañá foi co leite mais ao chegar ao sitio sinalado, en vez de cartos, atopou un corno cun letreiro que dicía:
“Falaches, corneaches”

Lúa Paredes

 

 

NOVOS PROGRAMAS DA RADIO ARRABAL

NOVOS programas da RADIO ARRABAL, en formato de PODCAST, coas SECCIÓNS de máis éxito, con novos EQUIPOS DE TRABALLO e sempre co MÁXIMO INTERÉS E ACTUALIDADE. Non deixes de escoitar a radio. ADIÁNTE!

Nos arquivos adxuntos escoitarás algúns pódcast feitos polo alumnado de 3º, 4º, 5º e 6º.

RADIO ARRABAL # 6

Xa rematou o trimestre e aquí tedes o sexto programa da Radio Arrabal. Neste programa tivemos un convidado moi especial...sabedes quen é? Fixemos varias entradas adicadas ás mulleres que cambiaron o mundo. 

Tamén contamos con novas seccións e informacións de rabiosa actualidade.

Disfrutade do programa e das vacacións!!!

 

OBRADOIRO SOLVOZ

O pasado xoves o alumnado de 4º e 5º de primaria participou no obradoiro de radio impartido por DAMIÁN ALONSO.

Este gran doblador de documentais e películas infantís ensinounos a elaborar os nosos guións, a modular a voz coidando a vocalización e dicción e sobre todo a seguir buscando historias para contar na RADIO ARRABAL.