O alumnado de 2ºA, elaboramos por grupos uns contos para o Kamishibai, teatro típico xapones que quere dicir "teatro de papel". Este luns 18, visitamos as aulas de infantil para ler os nosos contos. Tod@s estiveron moi atentos e gustoulles moito! "

 É básico o traballo en equipo. Cada un ten a súa responsabilidade e o éxito da representación depende de que todos acheguen a súa parte.

 Os nenos de infantil estiveron moi atentos e concentrados no bo traballo dos maiores. 

 E os máis pequenos tampouco perderon detalle!

 Unha forma diferente de achegar unha boa historia aos máis pequenos.

Hoxe recibimos a visita de Paco Nogueiras, gracias ao Equipo de Dinamización da Lingua Galega. Tod@s o pasamos xenial bailando e cantando co seu "Brinca Vai". Foi un día cheo de música!

O pasado día 5 de xuño, o alumnado do primeiro curso asistiu a unha sesión de Educación Viaria, ofertada polo concello de Foz e a súa Policía Local, aos cales lle estamos moi agradecidos.

As nenas e os nenos participaron nunha xornada entretida e didáctica, na cal aprenderon as normas básicas de circulación e practicaron cunha serie de vehículos no circuíto habilitado para ese fin.

Antes de coller os vehículos e recibir a sesión práctica, o alumnado tivo unha sesión teórica moi amena.

As nenas e os nenos prestan atención ás explicacións dos dous policías locais, Jesús Amor e Jorge Galante.

 Cada alumno recibiu un carné por puntos. Afortunadamente todo o alumnado respectou as normas e ninguén recibiu ningunha sanción.

 O alumnado, tremendamente entusiasmado, desenvolveu unha sesión práctica no circuíto. En xeral respectaron as normas e as sinalizacións, aínda que algúns descoidados preferían conducir pola esquerda ao máis puro estilo británico.

 A seguridade é o primeiro e o uso de casco imprescindible. 

 Os policías coidaron dos nenos en todo momento. Estámoslles tremendamente agradecidos.

 As aprendizaxes adquiridas van máis aló dun circuíto pechado e uns karts. Todo o que aprenderon poderano aplicar á súa vida diaria, ben camiñando, andando en bicicleta ou lembrando aos adultos as normas, que boa falta nos fai.

 Despois de tantas emocións e aprendizaxes demos un pequeno paseo por Foz, moi agradecidos de que o tempo nolo permitise.

 Comemos no parque e pasámolo estupendamente ben. Agradecemos ao equipo de comedor o ben que coidaron de nós e o boa que estaba a comida!

 Os mestres quedaron moi satisfeitos co comportamento do alumnado, co tempo climatolóxico, co éxito da actividade e sobre todo quedaron moi aliviados ao volver con todos os rapaces sen lesións nin feridas!

Para ver o resto de fotos podes premer a ligazón á galería de fotos.

Galería de fotos

O equipo do comedor agradece ós de Sexto o seu gran traballo como colaboradores!!!

Tamén lles damos as gracias ós de quinto que nos axudaron un montón!!!

Milo(sexto) escribiu un libro: OTRO MUNDO e deixounos unha copia para o cole!!!! Moitos gracias, futuro escritor!!!!

O alumnado de Sexto ensina os circuítos eléctricos que fixeron coas familias, ós pequeños de Primeiro e Segundo.

 As nenas e os nenos de 1º e 2º non perderon detalle de todos os circuítos eléctricos expostos.

O alumnado de sexto afanouse en explicar con todo detalle cada un dos circuítos. 

 O estadio de fútbol foi un auténtico éxito entre os afeccionados ao deporte. 

 Os pequenos non deixaron interruptor sen premer!

 Algúns circuítos era unhas auténticas probas de habilidade. 

 Serán capaces de recrear os seus circuítos favoritos na casa? O importante é tentalo e fomentar a imaxinación.

No CEIP José María Lage estase implantando a robótica como parte da aprendizaxe do alumnado nas novas tecnoloxías. Desde o primeiro nivel foméntase o uso de robots de programación sinxela para que o alumnado aplique o pensamento lóxico e a imaxinación na resolución de diferentes problemas. As nenas e os nenos reciben estas actividades con gran motivación e ademais de traballar e afianzar diversos conceptos, pásano xenial.

Na primeira sesión procédese cunha explicación xeral e expóñense unha serie de exemplos coa participación directa do alumnado.

 Como proceso de iniciación preséntaselle ao alumnado unha plantilla sinxela para que guíen ao robot a través dun percorrido definido.

 Nas seguintes sesións trabállanse plantillas con diversos contidos: climatoloxía, partes da planta, singular e plural, etc...

 As sesións de robótica tamén implican traballo en equipo e unha interacción constante entre o alumnado.

 E sobre todo pásano estupendamente. As risas e a aprendizaxe están garantidos.

Estas últimas semanas de curso estamos a realizar unha nova actividade proposta polo Departamento de Orientación do colexio xunto co Equipo de Biblioteca. Solicitamos ao CFR de Ferrol a "maleta inclusiva", e o noso centro é o primeiro da zona en poder disfrutar e aprender dela.

A maleta inclusiva trata dun lote de libros pensados para o alumnado de infantil e primaria e centrados con temática de atención á diversidade e a inclusión.

 Nestas pasadas semanas o alumnado das aulas de Pedagoxía Terapéutica e de Audición e Linguaxe estiveron facendo un mural no corredor próximo ás súas aulas e montando a exposición. No mural aparecen todos os libros que trae a maleta, a súa temática e a idade recomendada.

A partir de agora, os mestres do centro poderán visitar a exposición e escoller os libros que consideren oportunos para traballar nas aulas.

A exposición permanecerá aberta ata final de curso. 

Na semana do 5 ao 9 de marzo realizouse unha mobilidade a Burdeos no programa Erasmus+ (KA101), dentro do proxecto "Multilingüismo; a aprendizaxe de idiomas e a mellora da educación en Europa", organizado polo CFR de Ferrol. Na viaxe estiveron  implicadas dúas mestras do centro: Gloria Quintana, de Música, e Belén Vizoso, de Inglés. Os participantes de centros públicos de Educación Primaria e Secundaria de Ferrolterra tiveron a oportunidade de mellorar a súa competencia lingüística na lingua francesa e máis achegarse ao sistema educativo francés e ás súas estratexias pedagóxicas no ámbito da música e das artes. 

Desde esta semana pódese visitar unha pequena exposición fotográfica e de materiais achegados na zona do hall do colexio.

O pasado venres 25 de maio, as familias do alumnado de 5º e 6º foron convocadas co fin de presentar o proxecto de innovación educativa "Introducción da robótica educativa en primaria".

A directora do centro, Rocío Fernández, deu unha pequena charla sobre este proxecto e a forma que o desenrolamos.

Logo, o alumnado de 5º fixo unha pequena demostración do aprendido cos robots mBots.

 O alumnado de 6º realizou unha sesión de robótica cos robots k-kuribots,ao seus compañeiro de 6º de educación infantil.

Para ver máis fotos pincha aquí.