O colexio está a participar no Proxecto "Introducción á roboótica educativa en Primaria" co fin de introducir ao noso alumnado na robótica e na programación.

 Participamos un número moi significativo de mestres neste proxecto. Nun principio, o proxecto era para as aulas de 5º e 6º de primaria. Ao final, en todas as aulas de Infantil, e en varias de primaria realizaronse sesións de robótica.

O primeiro paso foi a formación do profesorado, a través dun PFPP (Plan de Formación Permanente do Profesorado) no noso centro, co asesoramento e seguimento do CFR de Ferrol.

O primeiro contacto que tivo o alumnado de 5º e 6º de Primaria foi a través duns "Obradoiros de robótica" que nos ofertou a profesora Patricia xunto cun grupo de alumnas do IES de Ortigueira.

Pincha aquí para ver máis fotos dos obradoiros.

Pincha aquí para ver máis fotos das sesións nas aulas.

Agasallos chegados dende Cardiff!!!

Facendo os disfraces de cociñeir@s!!!

Na biblioteca sempre o pasamos ben!!!

Clase de Papiroflexia a cargo de Diego López!!!

Acompañando a Tomás, primeiro premio no concurso de marcapáxinas, organizado Pola Biblioteca Municipal!!!!

Decorando os estores da aula! Quedaron chulísimos!!!!

De visita no IES!! Q nervios!!!!!

Na exposición dos marcapáxinas na Biblioteca Municipal!!

O pasado luns 28 de maio os alumnos de quinto de primaria visitaron os museos científicos coruñeses: Acuario Finisterrae, Casa do Home e Casa das Ciencias. 

A visita ao Acuario Finisterrae entusiasmou a todo o alumnado. As rapazas e rapaces mergulláronse de cheo na gran riqueza de coñecemento que abarca todo o relacionado coa vida acuática. 

O alumnado non perdeu detalle de toda a información que presenciaron no acuario. A concentración foi máxima.

O percorrido polas distintas estancias temáticas fixo moi amena e variada toda a visita.

A vida no mar, próxima pero á vez descoñecida nos seus detalles. Esta exposición aclarou moitas dúbidas e espertou o interese das rapazas e rapaces. 

Ávatar puxo de moda o cine 3D, pero moitos anos antes esta texnoloxía atopábase dispoñible na "Casa do Home". 

A "Casa das Ciencias" é sen dúbida o mellor lugar para fomentar o espírito científico do alumnado. Un día estupendo e soleado para disfrutar da ciencia nunha das cidades máis fermosas de Galicia.

Para celebrar o Día das Letras Galegas realizamos nas aulas varios traballos sobre a vida e a obra de María Victoria Moreno. Fixemos unha exposición na entrada do cole que quedou así de estupenda. 

 A mestura de todos os traballos creou un mural moi variado. 

"A festa no faiado": Quen dixo que os murais non tiñan volume?

O Cataventos: o alumnado ilustra maxistralmente a fábula de María Victoria Moreno.

As nenas e nenos do primeiro nivel caracterizan este mural baseado en "Mar adiante".

Estupenda recreación de "A Brétema", un dos contos máis entrañables de María Victoria Moreno.

As nenas e nenos de infantil reinterpretan "A festa no faiado" con multitude de formas e cores achegados directamente dende a imaxinación.

O barco Arroás, elaborado polo alumnado de 5º de infantil, surcando os mares da literatura galega. 

"Can branco can negro", a poesía fusiónase cunha historia chea de humor e tenrura. O alumnado de infantil tradúceo nun mural cheo de encantadores canciños. 

A literatura galega tamén necesita un dicionario, e este de galego-caló, ilustrado polos nenos e nenas de sexto, é realmente espectacular.

 Agradecemos a todas as aulas que participaron no mural toda a súa dedicación e esforzo para crear esta merecida homenaxe a María Victoria Moreno.

O pasado día 4 de maio, o alumnado do primeiro nivel fixo unha visita á oficina de correos. A visita estivo motivada polo traballo realizado na aula sobre a elaboración dunha carta e os seus diferentes apartados: data, saúdo, preguntas de cortesía, corpo da carta e despedida. Aproveitando a actividade fixemos unha visita á sucursal de Ortigueira. 

Témoslle que agradecer ao personal de correos a paciencia e amabilidade que mostraron en todo momento a pesar da inquietude propia dos nenos destas idades.

Cada neno levou a súa carta e participaron no proceso de envío. 

O director da oficina mostrounos as instalacións e explicoulles todos os procesos que se levan a cabo nela. 

Ademáis recibiron un agasallo sorpresa que lles axudará coa difícil tarefa do aforro. Todo o alumnado disfrutou moito da saída e quedaron encantados co trato recibido na oficina. Dende o CEIP José María Lage dámoslles as grazas ao persoal de Correos, e animamos a todas as nenas e os nenos a que participen nun hábito tan bo como é manter correspondencia con amigos e familiares. 

O pasado 23 de abril celebrámolo "Día do Libro" no colexio cunha serie de actividades. Entre elas organizamos un troco de libros.

 O alumnado que trouxo un libro da casa tivo a oportunidade de cambialo por outro dos seus compañeiros. Dese xeito foméntase o interese pola lectura e polo descubrimento de novos títulos.

 Os nenos o pasaron xenial e dedicaron un intre á lectura. Esperamos que esta actividade sirva para achegalos un pouco máis á lectura. 

Con motivo da celebración do día do libro, o alumnado do CEIP José María Lage asistiu a unha charla e presentación sobre a escritora Elena Quiroga. Alí, ademáis de coñecer diversos aspectos sobre a vida e obra da autora, tamén descubriron o libro "Viento del Norte", inspirado na época que a escritora pasou no noso pobo.

O alumnado participou activamente nas actividades propostas trala presentación e coñeceu parte da obra desta afamada escritora.

A titora de 6ºA e o titor de 1ºB mostraron ao profesorado unha presentación do curso "Family Engagement in action", impartido en Cardiff. 

Nel mostraron a participación das familias nas diferentes actividades da comunidade educativa e tamén os diferentes medios e métodos de traballo que se desenvolven en Gales. 

Tamén acudiu á presentación o alumando de ámbalas dúas titorías, sentíndose así partícipes da actividade que realizaron os seus mestres.

No primeiro e segundo nivel estamos a realizar unha plantación na clase. 

O alumnado encárgase de coidar unha serie de plantas, aprendendo así as súas necesidades e diferentes etapas de desenvolvemento. 

Cando remate a actividade o alumnado levará as plantas para casa. Así poderán continuar co seu cultivo na contorna familiar.

Este curso decidimos participar nunha actividade chamada "Mensaje en una botella". Trátase dun evento  a nivel nacional, cun obxectivo que nos pareceu moi importante: "involucrar á cidadanía na saúde dos océanos e na influencia destos sobre a sociedade".

O noso cole participaou cos seguintes retos:

    Reciclaxe nas aulas: temos colectores de papel, plásticos e orgánico.

    Creación das "Ecopatrullas" de limpeza nos patios.

    Obra de teatro.

    Un cuarto reto, que aínda está por realizar.

Se queredes ver fotos do proxecto, pinchade no seguinte enlace: Galería Fotos: Botella 17