Blogue

DÍA DA NON VIOLENCIA E DA PAZ

NENAS, NENOS!!!

O día 30 DE XANEIRO celébrase o DÍA DA NON VIOLENCIA E DA PAZ, por este motivo temos nova exposición de lecturas recomendadas na biblioteca.

ESPERAMOS QUE VOS GUSTE!

COLABORACIÓN DO CICLO DE MADEIRA DO IES DE ORTIGUEIRA CO COLEXIO

Este curso iniciamos a andaina da Comisión de Dinamización dos Patios. A comisión está composta por profesorado do centro, representantes de pais e nais do Consello Escolar e membros da ANPA Curuxeira.

A idea é ir pouco a pouco dotando aos patios de espazos de maior calidade así coma de materiais e recursos para diversificar as posibilidades de entretemento no tempo de lecer.

O xoves 25, grazas a colaboración do Ciclo de madeira do IES de Ortigueira, ampliamos a dotación no patio "dos maiores". Esa mañá achegáronse dous profes do ciclo, xunto a unha representación do alumnado e entregáronos un xogo de fichas de damas e outro para xogar ao tres en raia. Tamén asistiron á entrega varios membros da ANPA, representantes do alumnado do colexio e a directora do centro.

Queremos agradecer ao ciclo de madeira a súa boa disposición a axudarnos. Sempre dispostos a botar unha man.

Tamén agradecer a colaboración da ANPA Curuxeira nesta actividade, que organizou e donou o taboleiro para a realización das pezas.

E o venres 26, na celebración dos Maios, estreamos o photocall feito tamén polo ciclo de madeira. Mirade que chulo quedou adornado con flores feitas no cole.

Seguro que lle daremos moito uso. Grazas a todos os mestres e alumnado que traballou neste proxecto.

TRIORAMAS DE CONTOS

Entre moitas actividades para celebrar o Día do Libro, realizamos trioramas.

Primeiro o alumnado escolleu libremente o libro que quería ler. Logo realizaron os trioramas en función do conto. Nesta actividade mestúrase a lectura, a análise, toma de decisións e a creatividade.

Tamén traballaron a expresión oral, xa que tiveron que contarlles aos compañeiros os contos, con axuda dos trioramas. E por último, gravamos os seguintes vídeos.

A verdade é que traballaron moito, e quedaron moi contentos co resultado final.

Aquí tedes o resultado.

"Barxilón no mar de Latón" - Katya

"El ratoncito Pérez" - Álex

"O monstro de cores" - Elvira Isabel e Kenya

CARREIRA SOLIDARIA CONTRA A LEUCEMIA INFANTIL

O pasado venres, 21 de abril, organizamos unha carreira solidaria na que participou toda a comunidade educativa: alumnado, profesorado e familias.

Trátase da 8ª Carreira Solidaria A Volta ao Cole contra a leucemia infantil. Unha carreira na que todos gañamos.

No seguinte vídeo poderedes ver a todo o centro participando na carreira.

Desde o centro queremos dar as grazas a todos os que, dalgunha maneira, participaron nesta actividade. En especial queremos agradecer a colaboración da ANPA Curuxeira na organización do evento.

E se queredes ver todas as fotos sacadas, podedes acceder á galería de fotos do cole clicando no segunte enlace

ACCESO Á GALERÍA DE FOTOS DA CARREIRA

Ide preparándoos para o curso que ven, seguro que repetimos carreira. Porque como di o lema da carreira:

"XUNTOS SOMOS MÁIS FORTES"

10º OLIMPÍADA DO SABER

Como cada luns, nova pregunta

Terceira pregunta: Cantos xeoparques mundiais da UNESCO hai en España?

MAGOSTO 2022

Hoxe, venres 11 de novembro, Día de San Martiño, celebramos no cole o Magosto. Este año tivemos a colaboración especial da ANPA CURUXEIRA, a asociación de pais e nais do noso centro.

Nais e pais voluntarios desta asociación achegáronse ao centro desde primeira hora da mañá para asar as castañas que viñeron da man de Ecofroitas do Ortegal, unha pequena empresa do Mosteiro (Barbos) que se adica á produción ecolóxica de diferentes froitas, entre elas estas ricas castañas, que logo foron degustadas por toda a comunidade educativa.