Blogue

Blogue principal do CEIP José María Lage

DÍA DA DIVERSIDADE FUNCIONAL

O 3 de decembro celebramos o Día da Diversidade Funcional. O alumnado, segundo o seu nivel, traballou con diferentes materiais. En xeral, o alumnado máis novo traballou o conto "Un mar de color", sacado do blog Aula Apoyo Integración. O alumnado dos cursos máis altos traballaron o corto "Nobody is normal".

Algunhas aulas puideron ver por dentro como é un centro específico, contado polos propios usuarios do centro. Foi un video breve pero moi interesante.

E como actividade central, decoramos a cortiza da entrada principal para realizar este photocall entre todo o alumnado do cole,  co lema "Baixo o mesmo paraugas", como símbolo da inclusión.

 

 

Enlace para acceder á galería de fotos onde están aloxadas as fotos do Día da Diverdidade Funcional

 

 

 

 

 

 

 

 

RESUMO DE ACTIVIDADES OUTUBRO-NOVEMBRO 2020

Este curso non tivemos tempo de actualizar o blog do centro. Aínda que é un ano diferente, e todo tivo que reinvertarse para garantir a seguridade de toda a comunidade educativa, realizamos moitas actividades. Algunhas das celebracións tradicionais, este ano celebrámolas na aula; outras, como o Samaín ou o magosto, celebrámolas a nivel de centro (sempre respectando os grupos de convivencia estables).

 

SAMAÍN

A finais de outubro, celebramos o Samaín. Fixemos cabazas, creamos contos e poesías sobre o tema, disfrazámonos,... Clicando na foto accederedes á galería de fotos do Samaín.

 

 

MAGOSTO  E DÍA DO PEÓN

   Outra das actividades tradicionais é a celebración conxunta do magosto e o día do peón. Esta celebración fixémola a semana do luns 9 ao venres13 de novembro.

Coma sempre, practicamos a técnica co peón, fixemos moitos xogos tradicionais tendo coma convidada especial "a castaña".En cada aula de infantil compuxeron unha poesía sobre o magosto/a castaña; nas aulas de primaria cada alumno/a fixo un conto ou poema sobre o tema. O xoves, no patio fixeron unha lectura das composicións seleccionadas.

 

Clica na foto para acceder á galería de fotos do magosto

 

DÍA UNIVERSAL DA INFANCIA

O 20 de novembro traballamos os dereitos do neno, pero tamén os seus deberes como parte da sociedade na que viven. Cada aula realizou actividades axeitadas ao nivel do seu alumnado.

 

Clica na imaxe para acceder ás fotos

 

DÍA INTERNACIONAL CONTRA A VIOLENCIA DE XÉNERO

O 25 de novembro é o día elexido para facer visible este problema que afecta a nosa sociedade. É importante concierciar e educar desde edades temperás para erradicar este tipo de conductas.

Días antes da celebración o noso cole espertou co número 28. O 28 aparecía por todas partes: en portas, paredes, escaleiras, fiestras,... O alumnado foi motivado a investigar, e algúns chegaron a saber qué significaba o "28". O día 25, xunto co 28 aparecía un cartel que dicía "25 N, nin unha menos".

Todas as aulas, traballaron sobre o tema.

 

CARTAS PARA O ARQUITECTO MARCIDE IV

 

Chegou a hora da participación de educación Infantil.  Os pequenos do cole tamén participaron.Tamén participou algún neno/a do primaria, que quedara a súa carta por enviar.

Así de fermosas quedaron as cartas.

 

 

 

Desde o centro queremos agradecer ao hospital a boa acollida que tivo esta actividade. Responderon sempre con moita amabilidade e dando a importancia que se merecían ao traballo dos noso rapaces.

 

Tamén queremos agradecer a todo o alumnado que libremente decidiu participar e pór un grao pequeno de area para dar ánimos ás persoas que están a pasalo mal nesta pandemia.

 

Moitas grazas!

 

 

MAIOS 2020

 

Este ano non puidemos celebrar Os Maios na praza de Isabel II xunto coa Residencia de Maios, a escola infantil A Galiña Azul, a asociación ASPROMOR, o IES, a agrupación musical Escola de Gaitas de Ortigueira, e todos os veciños de Ortigueira.

 

Esta vez tocou celebralo desde a casa, pero celebración houbo. 

 

 

Creatividade que non falte. Hai alfombras, coroas...para todos os gustos.

 

Clicando no seguinte enlace poderás acceder a todas as fotos que nos chegaron desde as casas. Galería de fotos

Moitas grazas a todos por participar.

CARTAS PARA O ARQUITECTO MARCIDE III

 

Esta semana tocou o turno á rapazada de 1º e 2º de Primaria. Volvemos a coller lapis e papel para animar un poquiño a pacientes do hospital ingresados polo COVID-19 e tamén a todo o personal que traballa nel.

 

 

Grazas a todos os nenos e nenas que, voluntariamente, adicaron un pouquiño de tempo en facer todas estas cartas marabillosas.

 

CARTAS PARA O HOSPITAL ARQUITECTO MARCIDE-II

 

Este venres, día 24 de abril, saiu o segundo lote de cartas para o Hospital Arquitecto Marcide. 

Se na primeira tandada foi o alumnado de 5º e 6º o encargado de escribir tanto a pacientes illados polo COVID-19 coma para o persoal sanitario, desta vez o turno foi para o alumnado de 3º e 4º de Primaria.

 

 

O responsable de dita actividade no hospital púxose en contacto co centro para darnos as grazas, tanto ao profesorado pola iniciativa, coma aos rapaces e rapazas que adicaron un pouco de tempo a realizar ditas cartas. 

Pronto tocará facer as cartas a outros nenos e nenas do cole. Todo o alumnado terá a oportunidade de participar.

Parabéns a todos os participantes!

 

CARTAS PARA O HOSPITAL DE FERROL

 

Hoxe queremos presentaros unha actividade que estamos facendo co hospital Arquitecto Marcide.

 

É unha iniciativa que parte dunha cirurxá do Hospital de La Princesa para animar e acompañar aos doentes afectados polo coronavirus. Trátase de que os rapaces enviaran cartas de ánimo e esperanza para os enfermos.

 

E nós puxémonos en contacto cos nosos centros hospitalarios de referencia e aceptaron participar.

 

 

 

Despois de tanto esforzo e tanta ilusión que puxeron os nenos e nenas, só esperamos que tiveran o efecto esperado: dar un pouco de ánimo aos enfermos.

 

E tamén tiveron un detalle para todo o persoal que traballa no hospital, xa que algunhas das cartas foron feitas para eles. 

 

Esperemos que toda esta situación tan terrible pase pronto.

Distribuir contido