10º OLIMPÍADA DO SABER

Xa estamos aquí de novo!

Queredes perscudar sobre o Xeoparque Ortegal? Tes o teu caderno olímpico?

Pois adiante coa investigación.

 

Pregunta 1: Que é un xeoparque mundial?

 

Pregunta 2: Que organismo outorga o distintivo de xeoparque mundial?

 

Recorda que todos os luns sairá unha nova pregunta.

RECOMENDACIÓNS LECTORAS PARA O VERÁN

Estamos a piques de rematar este curso académico e non queríamos deixar pasar a ocasión para recomendarvos unha serie de libros que podedes ler nestas vacacións.

Recordade que a lectura nos adentra en novos mundos (reais ou ficticios), nos entretén e nos fai pasar un bo rato.

Disfrutade das vacacións máis que merecidas!

ESCRITURA CREATIVA

Bo día!

Estas dúas últimas semanas estivemos facendo un taller de escritura creativa na biblioteca o alumnado de educación primaria. 

Empregamos diferentes recursos e, entre eles, usamos o caderniño do Hematocrito. Que divertido é traballar a escritura desta maneira!

Deixámosvos unhas imaxes destes días.

CAMIÑO DE SANTIAGO "DE SANTIAGO A FISTERRA E A MUXÍA"

Xa temos aquí o último mural sobre o noso proxecto "O camiño de Santiago". 

Este camiño pode que sexa menos coñecido que outros, xa que moitos pensamos que a peregrinación remata en Santiago. Certo é que para moitas persoas a súa finalidade é chegar a esta cidade, á praza do Obradoiro fronte a catedral. 

Aínda así existe tamen unha prolongación xacobea que vai desde Santiago a Fisterra ou Muxía. Antigamente, moitos peregrinos continuaban camiñando ata aquí xa que era o lugar coñecido naquel momento como o "fin do mundo".

Aquí podedes ver o traballo que fixeron os nenos e nenas de 1º de educación primaria.

 

Foi un gran traballo de investigación! Acercámonos un pouquiño máis a diferentes lugares de Galicia, observando tradicións, gastronomía, costumes, etc. 

E que o camiño de Santiago dá para moito!

Seguimos camiñando xuntos!

Bó camiño.

O CAMIÑO DE SANTIAGO " O CAMIÑO DO MAR" E "A COMPOSTELA"

Ola rapaces e rapazas!

O mes pasado os nenos e nenas de Educación Infantil elaboraron dous murales sobre o camiño de Santiago. Traballaron e investigaron arreo sobre para poder sacar adiante estes traballos e ben bonito que lles quedou!

Deixámosvos aquí unhas imaxes para que o observedes.

"A COMPOSTELA"

"CAMIÑO DO MAR"

17 DE MAIO. DÍA DAS LETRAS GALEGAS. FLORENCIO DELGADO

Bo día rapazas e rapaces.

Como xa sabes, este martes 17 de maio celébrase o día das Letras Galegas. Este ano está dedicado ao autor Florencio Delgado.

Estas últimas semanas semanas estivéstedes traballando e coñecendo máis a vida e obra deste autor, xunto con todo o que fixo por reivindicar a nosa lingua en tempos que non eran nada doados.

Aquí vos deixamos unha páxina web con diferentes actividade e xogos onde podedes coñecer un poquiño máis sobre Florencio Delgado.

Seminario Galán. Días das Letras Galegas. Florencio Delgado

Que teñades unha feliz ponte.

QUE VIVA A NOSA LINGUA!

DÍA DAS LETRAS GALEGAS 20222

 
ALUMNADO DE 5º E 6º 
CEIP JOSE MARÍA LAGE
 

RECOMENDACIÓNS LECTORAS DESDE A AULA DE P.T. E A.L.

Con motivo do día do libro desde as clases de Pedagoxía Terapéutica e Audición e Linguaxe elaboraron un mural cunha serie de recomendacións lectoras elaboradas polos propios nenos e nenas. 

Nas imaxes que vos deixamos a continuación podedes ver o bonito que quedou, así como algunha que outra mensaxe animando á lectura.

NON DEIXEDES DE LER! É A MELLOR FORMA DE SOÑAR!

 

GAÑADORES DO CONCURSO DE POESÍA

Como xa sabedes, o pasado mes de marzo, concretamente o día 21 foi o día da poesía. Para celebralo, unha das actividades propostas desde a biblioteca foi participar de forma voluntaria nun concurso de poemas. Repartiuse unha plantilla a aqueles nenos que quixeron participar.

Os gañadores deste concurso tiveron a sorte de recibir un diploma, un marcapáxinas e un bolígrafo moi molón!

Aquí vos deixamos as imaxes. Parabéns a todos e todas!

ACTIVIDADE TOUPICIENCIA

A semana pasado fixéronnos unha visita A xanela do Maxín para presentarnos o seu espectáculo "Toupiciencia" aos nenos e nenas de Educación Infantil e 1º e 2º de Educación Primaria.

Ensináronnos un montón de experimentos dunha forma moi divertida.

Que ben o pasado!

 

Powered by Drupal - Design by artinet