Complementarias

De novo ás voltas co asado das castañas e algún que outro susto cando algunha estoupaba coa risa.

Xa desde primeira hora comezamos co acendido das fogueiras e a posta a punto das parrillas, todo preparado para despois poder degustar ese saboroso froito.

Para que a espera non resultase longa, o equipo de extraescolares organizou xogos, contando coa colaboración do alumnado de 6º que fixeron de guías. Distribuídos por todo o patio, tod@s participamos, cambiando cada quince minutos para así poder disfrutar deles dun xeito organizado.

A semana pasada, do 16 ao 20 de xaneiro,  tivemos a sorte de contar cun PLANETA MÓBIL que se instalou no ximnasio do colexio e vimos unha proxección de astronomía, destacando as constelacións que podemos observar agora no inverno: Osa Maior, Osa menor, Orión, Xeminis, Can Maior, Can Menor, ...
Participou o alumnado das unitarias do concello de Brión, os alumnos de 1º da ESO e todo Infantil e Primaria deste Centro.
Despedímonos del esperando que, se algún ano volve a coincidir que pase cerca de Brión, veña a saudarnos e nos enseñe máis constelacións e novos descubrimentos espaciais.

Este ano celebramos o Magosto dun xeito especial: despois de pedir a xornada continua para ese día, adicámonos a realizar diferentes actividades durante toda a mañán, relacionadas con xogos antes de pasar a papa-las castañas.

Debido á choiva tivemos que realizar as actividades dentro do centro en dous turnos de xeito que todos puidéramos participar: primeiramente os compañeiros de A e C (supervisados polos "monitores" de 6ºA) e logo os grupos B (supervisados por 6ºB).

Rotando polas diferentes "estacións de xogo" na compaña dos titores, os grupos ían chegando ás "Cadeiras Musicais", "O Asasino", "Os Pescadores Emparellados", "Os Meteoritos", "Encesta a Castaña", "Os Aros Ocupados", "Xogos Variados Populares", por poñer algúns; alí os excelentes monitores de sexto explicaban o xogo e facían a todos partícipes do mesmo.

Logo, recén chegadas dun forno, as castañas fixeron a súa aparición, ao igual que os zumes que puidemos degustar no patio cuberto.

Un día distinto que non tería sido o mesmo sen a impagable colaboración de todos, especialmente dos compañeiros de sexto: grazas a todos e todas!

O venres quixemos celebrar no colexio "O Samaín" e ademáis da mostra de cabazas realizadas polas familias, tivemos o I Festival de Cine de Terror de Pedrouzos. Ao longo do día os nenos e nenas puideron asister ao pase dalgunha destas película de medo "O Pequeno Vampiro", "A Momia", "A familia Monster", "Pesadilla antes de Nadal"... foi un día arrepiante!

ANIMALIÑOS DE INFANTIL

Moi pronto na galería  poderemos ver moitas máisimaxes do ANTROIDO