Skip to Content
Lugar de Pedrouzos s/n Brión , A Coruña, Tfno 881866078 ceip.pedrouzos@edu.xunta.gal

LISTAXES PROVISIONAIS DE ADMISIÓN COMEDOR ESCOLAR

 

O Consello Escolar do 12 de xullo de 2019, acorda por unanimidade adxudicar provisionalmente 370 prazas que cumpren todos os requisitos recollidos na instrucción 2/2019 da Secretaría Xeral Técnica da Consellería de Educación, Universidade e Formación Profesional do 6 de xuño, sobre funcionamento dos comedores escolares de xestión directa no curso 2019/20.

 Para completar as prazas ata as 380, (límite máximo de prazas de comedor), no mesmo consello, acórdase fixar os seguintes criterios de admisión:

  1. Estar na listaxe de espera para o servizo de comedor no curso 2018/19.

  2. Letras de desempate (1º apelido E-C; 2º apelido U-P), letras de prioridade de matrícula na orde de admisión para o curso 2019/20.

O Consello Escolar do 12 de xullo de 2019, acordou:

  1. Publicar as listaxes provisionais o luns 15 de xullo.

  2. Abrir un prazo de reclamacións e para completar documentación, de oito días, ata o 23 de xullo.

  3. Publicar as primeiras listaxes definitivas o mércores 24 de xullo.

 

 

VALES DE MATERIAL E LIBROS PARA O CURSO 2019/20

A partir do luns 8 de xullo, pódese pasar a recoller os vales de material escolar e de adquisición de libros de texto e material escolar.

Estes vales entregaránse ás familias na secretaría do centro en horario de mañán (9:30 a 14:00h) ata o 24 de xullo, ou a partir do 2 de setembro.

Estas axudas serán entregadas aos pais, no caso de delegar noutra persoa, deberá traer unha autorización asinada.

LISTAXES PROVISIONAIS FONDO DE LIBROS 2019-20

 

Publicamos as listaxes provisionais de admitidos e excluidos na participación no fondo solidario de libros para o curso 19/20

Ábrese o prazo para presentar calquera reclamación ata o venres 12 de xullo.

A partir desta data publicaremos as adxudicacións definitivas nas que se indicaran as materias dos libros concedidos.

LIBROS DE TEXTO 2019 - 2020

                                                    

LISTAXE LIBROS CURSO 2019/2020

CON DEPORTE, MOITO MELLOR!!

O pasado mércores tivemos unha exhibicición de hockey do Club Patín Berenguela, no que participan nenos e nenas do noso cole.

Tivemos a ocasión de ver unha pequena mostra das categorías, de micros, prebenxamíns, e do equipo de femenino, que este ano foi  campeona da súa categoría. E como non felicitar aos prebenxamíns, que tamén foron campións. Noraboa!!

Tod@s Lemos

A ANPA Andaravía comparte con toda a comunidade o video resume desta actividade de animación á lectura proposta dende a biblioteca do centro. Esta iniciativa reuniu a todo o alumnado, afillados/as cos seus padriños e madriñas de lectura, para compartir un momento emocionante coa literatura.

 

FOTOS DE GRUPO CURSO 2018/2019

Aquí tedes as fotos de grupo do curso que remata, poderedes descargar os arquivos ata o día 1 de xullo de 2019. Temos que agradecer o traballo de Mónica Pato, fotógrafa e nai do Centro Escolar que tivo toda a paciencia do mundo para "retratar" todos e cada un dos cursos que temos no noso Colexio.

Preme na imaxe para ver as FOTAZAS!

 

AVISO COMEDOR

Estes tres últimos días do servizo, os menús poden verse alterados debido á falta de persoal de cociña causada por baixas médicas.

Solicitude comedor e transporte curso escolar 2019/20

Xuntamos documentación para a solicitude de servizos complementarios.

O luns 17 de xuño farase chegar ás familias a través do alumnado.

TODO o alumnado, solicite ou non servizos complementarios terá que entregar necesariamente a seguinte documentación:

1-Anexo 0: Relación de documentación entregada

2-Anexo 1: Solicitude/renuncia de transporte escolar

3-Anexo 2: Solicitude/renuncia de comedor escolar

4-Anexo 3: Declaración responsable de domicilio

Se solicita comedor escolar e non é usuario lexítimo de transporte (domicilio a menos de 2 km do colexio) ou non lle corresponde este centro por ser doutra zona educativa (outro concello, correspóndelle outra unitaria), terá que presentar:

5-Autodeclaración 

2-Documentación que acredite incompatibilidade horaria familiar co servizo de comedor / documentación que acredite minusvalía do alumno/a / documentación que acredite ser familia numerosa / outra documentación que considere relevante

Matrícula alumnado curso 2019/20

O prazo para formalizar a matrícula do alumnado que  foi admitido no noso centro para o curso 2018/19 ábrese o día 20 de xuño. Ata o 30 deste mesmo mes pódese recoller e entregar a documentación na secretaría do centro.

O horario de secretaría: 9:30 h. a 14:30 h. Luns a Venres

No caso de solicitar comedor e transporte, deberán presentar a seguinte documentación no momento de formalizar a matrícula.(ligazón)documentación.

Distribuir contido


by Dr. Radut