Blogue

A Code Week na Biblioteca

Por segundo ano consecutivo, participamos na edición da Code Week, dentro do programa europeo que tenta levar a programación ás aulas.

Programar, basicamente é dividir un problema complexo en pasos sinxelos, unha operación mental que non só serve para comunicarnos coas máquinas, senón que nos fai conscientes dos nosos propios procesos mentais e da súa extraordinaria complexidade mesmo cando semellan ser moi simples.

Ao alumnado noso, que terá que desenvolver a súa vida de adulto nunha contorna na que a programación terá un papel moi importante, encántalle, e se sinten moi motivados con calquera actividade deste tipo, como poderedes ver nas súas actitudes de concentración nas fotos que acompañan esta notiña.

Lendo tamén no verán

Agora que xa, quen máis quen menos, andamos estomballados ao sol, bañándonos no mar ou no río, e desfrutando deste tempo de lecer, querémovos aconsellar que fagades coma o DinoSabio, e levedes a vosa toalla, a vosa crema solar, o voso flotador (je, je, je...) pero tamén o voso libro.

E tamén podedes achegarvos e oír os últimos programas de DinoRadio.

Iso si que ha ser un verán auténtico!

Feira de Proxectos

Este ano tamén realizamos a nosa feira de proxectos, e a biblioteca converteuse nunha sala de exposicións. Neste caso presentaron nos dous espazos da biblioteca os proxectos de a lactancia materna, e o principiño que todos levamos dentro.

Liña do tempo de Antón Fraguas

@s compañeir@s do IES San Paio de Tui elaboraron esta liña do tempo do autor homenaxeado nas letras galegas 2019, Antón Fraguas.

Como é habitual nas bibliotecas escolares galegas, a súa xenerosidade fai que poidamos partillar este fantástico recurso.

 

Kalandraka no Condesa

Un ano máis desfrutamos da animación á lectura da editorial Kalandraka da man de Paco Nogueiras, un pracer como todos os anos.

E o mellor de todo é que agora poderemos lembrar esta marabillosa actividade lendo e volvendo a ler os títulos que nos presentou nesta actividade onde a literatura infantil se xunta coa música.

 

Contos entre lusco e fusco

Neste tempo de defuntos, o que nos países celtas chámase Samaín, a nosa Biblioteca tivo unha xornada peculiar.

A Santa Compaña, o Home do Saco, a Meiga Chuchona, trasnos, mouros e outros habitantes de mundos nocturnos e soterrados, déronse cita na biblioteca, e alí, á lus dun candil contáronos historias que nos fixeron estarrecer.

Grazas á Modesto que gravou estas presenzas fantasmais podemos ver o que alí fixeron. Velaquí vos quedan por se vos atrevedes a escoitalas.

 

Vén á Biblioteca.... e tremerás!!!!

O vindeiro 31, a véspera de todos os Santos, a noite do Samaín, podedes vir á Biblioteca para escoitar ao Home do Saco e os seus amigos que nos van ler algúns contos TERRORÍFICOS (se cadra non tan terroríficos, incluso un pouco graciosos...).

Esperámosvos coleguis... e traede unha lanterna por se acaso non hai luz!

A nosa Biblioteca na páxina da Asesoría de Bibliotecas

A finais do curso pasado viñeron, dende a Asesoría de bibliotecas escolares, a facer un vídeo que recollese as nosas actividades na Biblioteca reformada ao abeiro do plan LIA-2.

O resultado é este, unha verdadeira marabilla que nos fai sentir aínda máis orgullo da nosa biblio!

 

Reportaxe fotográfica da Feira de Proxectos de Piteas

Deixámovos aquí unha reportaxe gráfica da expedición valdeorresa á feira de proxectos de Piteas en Santiago.

Un día de lecer e traballo que tod@s desfrutamos, e que agora poderemos rememorar con este vídeo que elaborou o profe Rubén.

 

A vida de Mª Victoria Moreno

Como todos os anos o alumnado de sexto de primaria encárgase de facer unha historia gráfica coa biografía do autor ou autora (como é neste ano) ao que se lle adica o día das letras galegas.

Pero este ano quixemos ir un pouquiño máis aló, e fixemos esta presentación.

Esperamos que vos guste, e que aprendades algo máis sobre unha das grandes escritoras galegas:

Mª Victoria Moreno.

Powered by Drupal - Design by artinet