Blogues
Multixogos
Enviado por Goretti Cordeiro o Xov, 14/03/2024 - 11:06
MULTIXOGOS
A principios deste ano os coordinadores do programa Xogade convocáronnos para organizar xornadas MULTIXOGOS cos centros da zona. O alumnado da Pedra tocounos reunirnos cos do Ceip de Espiñeira e cos do Ceip de Montemogos. A xornada celebrouse o luns pasado en Aldán e nada máis chegar organizámonos por grupos mixtos de idade e de colexios. Había 8 equipos con nomes elexidos por tódolos centros: Invencibles, Queixos, Golfiñxs, Trasnxs, Gatiñxs, Matapiollos, Cachalotes e Pingüíns. A xornada constaba de tres partes: presentación e primeira quenda de xogos, descanso para merendar, segunda quenda de xogos e remata con despedida. Pasámolo xenial, coñecemos a nenxs doutros centros e compartimos experiencias e mogollón de xogos divertidos . Grazas o Ceip de Espiñeira pola súa acollida. Apuntámolo para o ano que ven podelo REPETIR.
8 DE MARZO: CON A DE ASTRÓNOMAS. VISITA AO MUSEO MASSÓ DENDE UNHA PERSPECTIVA DE XÉNERO
Enviado por Amalia Omil o Sáb, 09/03/2024 - 14:00O alumnado cuarto baixamos ao Museo Massó para conmemorar o día da muller.
Asistimos ao obradoiro didáctico "Con A de astrónomas" no que se aborda a achega de diferentes mulleres astrónomas que foran esquecidas.
Dende Hipatia de Alexandría no século IV, Fátima Madrid no século XI ata o século XIX co grupo de astrónomas do Observatorio de Harvard, as cales fixeron grandes descubrimentos que cambiarían o rumbo da astronomía. Contáronnos do inxustamente que foron tratadas pola Historia, na que son sempre os homes os que levan os méritos de todos os logros.
Construímos un planisferio celeste e agora podemos saber que constelacións se poden ver en cada momento do ano e en cada hora. Encantounos!
Fixemos tamén un recorrido polas salas do museo, que aínda que moitxs xa as coñeciamos, David, o noso guía dounos unha visión feminista do que viamos, recoñecendo a importancia das mulleres na antiga conserveira e sobre todo o trato discriminatorio que sufrían.
GRAZAS GABRIELA, XISELA, GRACIELA E DAVID!
VÍDEO DA VISITA
A de Astrónomas
Enviado por Susi Fernandez o Sáb, 09/03/2024 - 13:26Con motivo da celebración do día Internacional da Muller (8 de marzo), os terceros realizamos unha visita ao Museo Massó onde ofertaban o taller “Con A de astrónomas”, no que se abordou a importancia da achega de diferentes mulleres astrónomas que foron esquecidas. Desde Hipatia de Alexandría no século IV ata o século XIX co grupo de astrónomas do Observatorio de Harvard as cales fixeron grandes descubrimentos que cambiarían o rumbo da astronomía. Construimos o noso propio planetario para levar para casa!
Tamén realizamos a visita ao museo, onde ademáis de contarnos a historia da factoría conserveira e a actividade pesqueira, explicáronnos a importancia e as desigualdades do traballo das mulleres naqueles tempos. Impactounos ver nenas e menos da nosa idade traballando naquel entonces.
TEATRO AFUNDACIÓN E MUSEO
Enviado por Susi Fernandez o Sáb, 09/03/2024 - 12:58O martes 5 de marzo, a rapazada de segundo ciclo fomos a Pontevedra a ver a obra de teatro “Hugo” no teatro de Afundación.
Gañadora do Premio María Casares ao “Mellor espectáculo para o público infantil e familiar no ano 2022”, Hugo conta a historia dun neno que é diferente. Gústanlle moito os avións e tamén toca o piano. Laia visita a Hugo cada día e gústalle falar e as plantas. Aprenden, cunha chea de sensibilidade e empatía, a interactuar e ser amigos. Hugo fala da diversidade, da convivencia e da beleza de ser diferentes.
Tamén realizamos unha visita ao museo de Pontevedra. Os terceiros xogaron a ser detectives da arte: un cadro desaparecera e debían adiviñar quen fora o culpable. En canto aos de cuarto foron ver a parte da prehistoria no museo e ata luciron os torques daquela época!
Unha mañá moi instrutiva e divertida.
PLAN DE IGUALDADE
Enviado por Jose Antonio Malvido o Mar, 05/03/2024 - 10:55PXA 23-24
Enviado por Jose Antonio Malvido o Mar, 05/03/2024 - 10:50PROGRAMACIÓNS 23-24
Enviado por Jose Antonio Malvido o Mar, 05/03/2024 - 10:37Plan xeral de atención á diversidade
Enviado por Jose Antonio Malvido o Mar, 05/03/2024 - 00:33De acordo coa orde do 8 de setembro de 2021, pola que se desenvolve o Decreto 229/2011, do 7 de decembro, polo que se regula a atención á diversidade dos centros docentes da Comunidade Autónoma de Galicia, é un documento que pon en valor a autonomía de cada centro docente e o seu compromiso coa atención a cada unha das súas alumnas e a cada un dos seus alumnos, no seu propio contexto e dentro dos principios de calidade, equidade e inclusión.
Pódese consultar no seguinte adxunto.
Plan Dixital
Enviado por Jose Antonio Malvido o Mar, 05/03/2024 - 00:14De acordo coa Resolución do 3 de setembro do 2021, da Secretaría xeneral de Educación e Formación Profesional, pola que se ditan instrucións para o deseño, elaboración e implementación del Plan Dixital nos centros docentes sostidos con fondos públicos na Comunidade Autónoma de Galicia para o curso 2021-2022, o Plan Dixital será aprobado pola dirección do centro unha vez oído o claustroe será elevado como informe ao Consello Social.
Podes consultar o Plan Dixital na seguinte ligazón.
Plan de Convivencia
Enviado por Jose Antonio Malvido o Mar, 05/03/2024 - 00:06O Plan de Convivencia recolle a situación actual de convivencia do Centro. Este documento propociona obxectivos, actuacións para mellorar a convivencia, normas, condutas e medidas de corrección...
Pódese consultar no seguinte adxunto.
- « primeira
- ‹ anterior
- …
- 4
- 5
- 6
- 7
- 8
- 9
- 10
- 11
- 12
- …
- seguinte ›
- última »
![RSS - blogs Distribuir contido](/centros/ceipapedra/misc/feed.png)