Hoxe, domingo, 30 de xaneiro, celébrase en todo o mundo O DÍA DA PAZ. Por iso, o pasado venres xuntámonos no patio grande dos maiores, por primeira vez neste curso, para festexar ESTE DÍA TAN IMPORTANTE.

 Xa levabamos un tempo traballando o tema na clase, desde que a profe Ángeles nos falou do BANCO DA AMIZADE.

 As profes explicáronnos por que se celebra ese día, quen foi MAHATMA GANDHI e que demostrou que é posible defenderse sen usar a violencia.

Tamén nos contaron que JONH LENNON,compositor e cantante dun grupo famosísimo chamado THE BEATLES, creou cancións moi fermosas en favor da paz no mundo como “IMAGINE” ou “GIVE PEACE A CHANCE” e , igual ca MAHATMA GANDHI, tamén foi asasinado.

 Seguindo  o seu ronsel puxemos o noso granciño de area na redacción dun MANIFESTO que compuxemos entre todas as clases cun LEMA EN DEFENSA DA PAZ.

 Con eses lemas tratamos de explicar que podemos facer cadaquén de nós para que haxa PAZ no mundo e arredor de nós. Pequenos xestos que fagan felices a aquelxs que nos rodean, como cando escoitamos a unha persoa que se sinte soa ou cando axudamos a alguén a resolver un problema ou cando convidamos a xogar a alguén que se sinte triste ou cando ofrecemos a nosa amizade como o mellor dos agasallos... PEQUENOS XESTOS COS QUE MEDRAMOS XUNTXS....

1º A: “MEDRAMOS XUNTXS CANDO OFRECEMOS A NOSA AMIZADE”

1º B: “ MEDRAMOS XUNTXS CANDO ESCOITAMOS”

Ademais, preparamos un bonito deseño para o MURAL DA PAZ que montou A PROFE GELI no recibidor do cole. 

Cando nos xuntamos no patio grande,atabiadxs coas coroas, aneis e pulseiras da Paz, lemos o noso lema e cantamos “IMAGINE”, de Jonh Lennon e “A RUMBA DAS APERTAS”, de Magín Blanco.

 COMPROMETÉMONOS

A LEMBRAR SEMPRE QUE

DEBEMOS ESFORZARNOS POR

CELEBRAR A PAZ CADA DÍA!!!

O  BANCO DA AMIZADE

A semana pasada recibimos na nosa escola unha visita moi especial:

O BANCO DA AMIZADE, que non é un banco calquera!!!!

 O mércores, a orientadora do noso cole, a “profe” Ángeles, veu falar con nós e contounos unha fermosísima historia.

Tratábase do acontecido cun bidueiro moi grande que medrara solitario nun recuncho afastado do bosque. A falta compañía facía que se sentise cada vez máis triste e, por iso, as súas pólas parecían caídas e sen vida.

Un día, uns leñadores achegáronse ao monte para talar unha árbore coa que fabricar un banco para unha escola. Había ser un lugar de encontro, un refuxio no que poder sentar agardando unha man amiga disposta a regalar un aloumiño e a escoitar a quen  o necesitase.

Cando o bidueiro oíu o que dicían, pensou que a súa madeira podería servir para construír aquel banco. Dese xeito, sempre estaría rodeado de nenas e nenos e podería axudalos a non sentir a soidade que a el tanto o entristecera.

Así que, sen dubidalo un intre, dirixiuse aos homes para dicirlles que el quería ofrecerlles as súas pólas; que, por arte de maxia, volvían estar firmes e cheas de enerxía!

Ao principio, as leñadores quedaron abraiados, pero axiña comprenderon que era un agasallo que non podían desprezar!

Unha vez que cortaron as pólas, leváronllelas aos artesáns e artesás de HABITAR LAS FORMAS, un grupo de artistas que teñen o seu obradoiro na Coruña e que crean xoguetes de madeira preciosos.

E, como era de esperar, deseñaron e construíron o banco con tanto mimo, que resultou a máis orixinal e fermosa das súas obras!. Era realmente especial! Érao porque nacera da xenerosidade do bidueiro que quixo ofrecer todo canto posuía para axudar a quen necesitase amizade.

Por esa razón, decidiron renderlle unha homenaxe á arbore chamándolle BANCO DA AMIZADE e prestándollelo a todas as escolas do país que o solicitasen.

E mirade que sorte tivemos, que ata o día 3 de febreiro imos gozar del no patio do noso cole!!

Ademais, a profe Loli preparounos unha ficha sobre os bidueiros e estivemos investigando sobre o seu nome científico, as propiedades da súa madeira e as súas follas, as utilidades que se lle daban en distintos lugares do mundo...”

Casualmente, este venres celebraremos o DÍA DA PAZ e está ben claro que se todas as persoas ofrecésemos a nosa amizade, o mundo sería un lugar mellor!!

MOITAS GRAZAS  A 

“HABITAR LAS FORMAS”!!!

ENCÁNTANOS

O BANCO DA AMIZADE!!!

 E CHEGOU O NADAL!!!!!

Que ledicia!!!! Por fin chegou o 21 de decembro e, como xa viñamos comentando cada día na clase, sucederon dúas cousas ben importantes:

o  Cambiamos de estación; rematou o outono e comezou o inverno

o  E chegaron as ansiadas FESTAS de NADAL!!!

E para celebralo, tivemos unha mañá chea de diversión!!!

De feito, xa comezamos a xornada con sorpresas porque, despois de facer as rutinas de primeira hora, petou na nosa porta UNHA PARELLA DE PAXES DOS REIS MAGOS que nos viñan preguntar se alguén de nós esquecera enviar a carta Ás Súas Maxestades e se queriamos aproveitar para entregárllela a elxs. Ademais, agasalláronnos unha bolsiña de larpeiradas para tomar coa merenda!! QUE SORTE...!!!

E despois desta visita tan emocionante, puxémonos mans á plastilina para crear animaliños (porquiños, ovellas, pitiños, parrulos, cisnes, cans, mesmo unha serpe...), árbores, flores, bonecos de neve, algunha que outra persoa...para a paisaxe de Nadal que todxs xs nenxs de 1º e 2º compuxemos en común; iso si, cadaquén na súa aula, que, con isto da COVID... xa sabedes...!! O RESULTADO FOI ESPECTACULAR!!!

A merenda foi do máis lambona..!!! CHOCOLATE E LAMBETADAS DE TODA CLASE...!!!

Logo, baixamos ao patio e, despois do recreo, outras dúas sorpresas máis:

A PROFE LINA VEUNOS CONTAR A HISTORIA DO APALPADOR!!!

Trouxo unha especie de “teatriño de madeira” moi raro no que, a medida que lía, ía cambiando de lámina; era chulísimo!!! Explicounos que se chama “KAMISHIBAI”, que é xaponés e que o seu nome significa “teatriño de papel”.ENCANTOUNOS!!! MOITAS GRAZAS, PROFE LINA!!!

Xa para rematar, baixamos ao patio grande (o dxs maiores) a cantar a panxoliña  de KÓKITI MÚSICA titulada “XA SINTO O NADAL!”que aprendemos na clase.

ROSA LOURO, a profe de lingua de signos, ensinounos un anaquiño e grabounos. A ver se vos gusta o vídeo!!! PREMEDE NA IMAXE PARA VELO.

MOITAS GRAZAS, ROSA!!!

Marchamos para a casa, coas fichas que fixemos durante este trimestre, MOI ORGULLOSXS DO NOSO TRABALLO!!!

 MOI BO NADAL A TODXS!!!

Hoxe tivemos unha clase de ciencias moi especial!!!

A profe Cris, que ademais de mestra é Técnica Superior en Saúde Bucodental, explicounos unha chea de cousas sobre qué debemos facer para coidar ben a nosa boca como:

 ·     CEPILLAR OS DENTES, POLO MENOS, TRES VECES AO DÍA (sobre todo, A MÁIS IMPORTANTE DE TODAS, POLA NOITE, antes de deitarnos; para evitar que as bacterias actúen mentres durmimos....!).

 ·     DEIXAR PASAR ENTRE 15 E 30 MINUTOS DESDE QUE ACABAMOS DE COMER ATA QUE LAVAMOS OS DENTES; para que a saliva e a lingua vaian eliminando os restos de comida que nos queden na boca.

 ·     NON USAR O MESMO CEPILLO DE DENTES (o mesmo cabezal, no caso dos eléctricos) DURANTE MÁIS DE 3 MESES!!!

 EVITAR TOMAR COMIDAS E BEBIDAS CON AZUCRE, que provocan caries.

·   ACUDIR Á CLÍNICA DENTAL, polo menos, UNHA VEZ AO ANO, para que nos revisen ben a boca.

Tamén aprendemos unha chea de palabras novas como:

o  Placa bacteriana

o  Sarro

o  Xenxivite

o  Halitose

Foi unha clase interesantísima!!!!

Unha extraordinaria forma de celebrar dous acontecementos importantes:

O PAPEL DAS MULLERES E AS NENAS NA CIENCIA e o 50º ANIVERSARIO DA NOSA ESCOLA; xa que Cris, igual ca nós, foi alumna do noso cole.

MOITAS GRAZAS, PROFE CRIS!!!

NECESITAMOS REFERENTES COMA TI!

QUERÉMOSTE!!!

E, unha vez máis, lembrando a canción de PACO NOGUEIRAS, que nos di “EN GALEGO TODO O PODO FACER!”, celebramos que EN GALEGO TAMÉN PODEMOS FACER CIENCIA!!!! POR SUPOSTO!!!!

A semana pasada visitamos a SALA DAS CIENCIAS do noso BIBLIOCASTELO!!! QUEDAMOS ABRAIADXS!!! Descubrimos toda clase de trebellos do máis interesantes relacionados co espazo, o corpo humano, as matemáticas.... mesmo un impresora  3D!!!

As profes leváronnos alí para desenvolver dous experimentos diferentes:

Xs alumnxs de 1º A, comprobamos como era posible lograr que un ovo flotase.

 Para o da flotabilidade empregamos os seguintes materiais:

• ·                             2 ovo
• ·                            6 culleradas de sal
• ·                            Auga da billa
• ·                             2 vasos
• ·                            1 culler

 O experimento consistiu en comparar dúas situacións case iguais:

Botamos auga en dous vasos un ovo metido nun vaso con auga da billa e outro metido en auga con sal. Descubrimos que ao engadirlle o sal á auga, aumentaba a súa densidade (volvíase máis “espesa”) e facía que o ovo flotase. Parecía maxia!!!

Mirade que interesante!!!!

 Xs alumnxs de 1º B, convertemos un ovo nuha bóla que saltaba!!!

Tivemos que ter un pouco de oaciencia; pois, para ver o resultado do noso experimento tivemos que agardar varios días.

 O que nós fixemos foi meter un ovo nun vaso con vinagre.

Os materiais que empregamos foron:

•      1 tarro de cristal
•      1 ovo
•      Vinagre

Case de inmediato, puidemos ver como empezaban a aparecer burbulliñas que nos indicaban que algo estaba a suceder na casca do ovo!

Despois de dous días de espera, descubrimos que se volvea branda e parecía que o interior do ovo se inchara. Ao sacar o ovo do vaso, comprobamos que parecía unha pelota saltarina!!!!

 ENCANTOUNOS!!!

A VER SE REPETIMOS AXIÑA!!

QUE VIVAN A CIENCIA E NOSA LINGUA!!!

Este mércores pasado, véspera de San Martiño, celebramos o MAGOSTO!

O día anterior, as profes explicáronno por que se celebra esta festa, cantamos cancións (O RAP DO MAGOSTO, de PACO NOGUEIRAS a petición de Diego), fixemos actividades interactivas e unha ficha con poemas, adiviñas e refráns.

Como xa sabedes, por mor da COVID, aínda non puido ser como nos gustaría a todxs, compartindo os espazos cxs compañeirxs de 1º e 2º; pero, polo menos, xs de 1º,si que estivemos xuntxs!! Como era ao aire libre... Iso si, con máscara e cumprindo os protocolos!!

 A iso das 11 baixamos ao patio a gozar dos Xogos Tradicionais que o profe José Ángel e a profe Goretti nos organizaron grazas, como cada ano, á ASOCIACIÓN CORREDOIRAS que, moi xenerosamente, nolos presta.

Pasámolo moi ben! Case todos, eran xogos de habilidade para os que había que atinar ben. Foi moi divertido! Iamos rotando polas distintas zonas nas que estaban distribuídos os xogos ata que... de súpeto, comezaron a soar uns foguetes atronadores que nos asustaron un montón! Menos mal que xa faltaba pouco para subir merendar; así que, as profes decidiron que era mellor ir para a clase.

Cando chegamos arriba, lavamos as mans, desinfectamos as mesas e , dalí a uns minutiños apareceu a profe Lina cunha caixa chea de castañas que nos asara Ramón. Estaban riquíííííísimas!!!!!

 Logo, xogamos na clase! Foi un día estupendo!!

Por certo, mirade que guapxs estamos coas coroas de castañas que fixeramos na clase de plástica coa profe Loli!

 MOITAS GRAZAS Á ASOCIACIÓN CORREDOIRAS, A RAMÓN, A JOSÉ ÁNGEL, A GORETTI, A LINA!!! O TRABALLO EN EQUIPO, SEMPRE DÁ BOS RESULTADOS!!!

E como non hai dúas sen tres... o venres, ademais de SAMAÍN, tivemos CORRELINGUA!!!

Esta é unha festa que cada ano celebramos para compartir a ledicia de ter a lingua galega, para sentirnos orgullosxs dela, para mimala coma un tesouro, como o máis fermoso dos monumentos!!!

Porque, como di Paco Nogueiras:

“En galego falo, en galego sinto,

en galego canto. Sabes que non minto!

En galego todo podo facer,

en galego estou no mundo,

Meu o mundo é!”

Este ano, por mor da pandemia, a festa consistiu nun concerto que se celebrou no Centro Social do Mar e o noso foi o cole invitado!!! A rapazada doutros coles tivo que velo a través de Internet.

Asistimos 5º e 6º de Infantil e 1º e 2º de Primaria. Cantaba un grupo que se chama MÚSICA MIÚDA e presentaba  Fran Rey, un mago moi simpático que nos fixo algúns trucos abraiantes!!!!

CANTAMOS, BAILAMOS, cadaquén diante do seu asento para respectar os “grupos burbulla”, e pasámolo moi moi ben!!!

ENCANTOUNOS PARTICIPAR!!!

Ao rematar, agasalláronnos cunha mochila co deseño do cartel e o lema deste ano: “INMUNÍZATE CO GALEGO!!!”

Nesta ligazón que colgou o Concello na súa páxina pódese ver o concerto enteiro:

https://www.youtube.com/watch?v=JyD7gUR_XwQ

E CHEGOU O SAMAÍN!!

Vaia semana máis intensa...!!!
Como o venres celebrabamos o SAMAÍN, Ao longo deses días fixemos actividades interactivas, debuxamos e recortamos cabazas para o mural grande do recibidor do cole  e decoramos a clase.

Tamén fomos traendo as nosas cabazas decoradas facendo referencia ao 50º aniversario da escola. Había unha chea delas, TODAS CHULÍSIMAS!!!

Ademais, o venres puidemos vir disfrazados. Mirade que guapxs saímos na foto!!!!!

24 DE OUTUBRO, ANIVERSARIO DE PAPIRUS!!

O 24 de outubro foi o aniversario de PAPIRUS. El enviounos unha carta dixital para convidarnos, pero como cadrou en domingo, tivemos que agardar a que comezase a semana e chegase a nosa quenda para ir visitalo.

Preparámoslle unha tarxeta de felicitación e cantámoslle os PARABÉNS!!!

El agasallounos cun maracapáxinas que puidemos decorar ao noso gusto.

Por certo, na súa carta, Papirus contounos que este ano o cole cumpre 50 anos e propúxonos que lles preguntemos as nosas familias se teñen fotos antigas do cole para ver de preparar unha exposición.

O 18 de outubro celebramos o DÍA DAS ESCRITORAS e baixamos ao BIBLIOCASTELO DE PAPIRUS para coñecer os nomes das autoras dalgúns dos contos que alí nos agardan.

Para isto, as profes preparáronnos unha actividade de investigación por equipos. Entregáronnos dúas fichas; unha con imaxes de portadas de libros e outra, cunha táboa chea de nomes para recortar.

Tiñamos que localizar os contos da primeira ficha nun expositor e logo, buscar o nome da autora ou autoras, recortalo na segunda ficha e pegalo debaixo da imaxe que aparecía na primeira.

RESULTOU MOI INTERESANTE!!!