Programa: Axudas de apoio á etapa predoutoral  

Data de publicación DOG:  19/02/2024

Código do procedemento: ED481A

Prazo de presentación de solicitudes: o prazo será dun mes, que se contará a partir do día seguinte ao de publicación da orde no DOG ( ata o 19/03/2023, incluído).

Cal é o obxecto destas axudas?

A contratación de persoal nas súas etapas iniciais constitúe a base para que, mediante procesos formativos estables, se adquiran as habilidades propias do persoal investigador, e ademais permite lograr que o sistema alcance unha dimensión dos seus recursos humanos de investigación comparable a outros países europeos.

Quen pode solicitar estas axudas?

• A Secretaría Xeral de Universidades da Consellería de Cultura, Educación, Formación Profesional e Universidades financia as universidades do Sistema Universitario de Galicia (en adiante, SUG).

• A Axencia Galega de Innovación financia ás entidades alleas ao SUG: organismos públicos de investigación de Galicia, fundacións de investigación sanitaria de Galicia (Fundación Instituto de Investigación Sanitaria de Santiago de Compostela, Fundación Profesor Novoa Santos, Fundación Biomédica Galicia Sur), e aos centros do CSIC (Consello Superior de Investigacións Científicas) radicados en Galicia.

Tipo e intensidade da axuda:

• Tipo de convocatoria: convocatoria en réxime de concorrencia competitiva

• Tipo de axuda: axuda a fondo perdido

• Intensidade da axuda: 100 %

• Duración das axudas: un máximo de 4 anos

• Orzamento total: 11.893.200,00 euros (a achega por parte da Axencia Galega de Innovación será de 1.399.200,00 euros)

Número e importe das axudas

Poderanse conceder un máximo de 102 axudas: 90 para as universidades do SUG e 12 para as demais entidades.

O importe máximo de cada axuda é de:

• 24.000 € anuais durante os tres primeiros anos de contrato

• 29.000 € durante o cuarto ano

• 30.000 € no caso de que a persoa candidata acceda ao contrato de capacitación para a formación posdoutoral

Estes importes só poderán ir destinados ao financiamento dos contratos das persoas seleccionadas, incluíndo os seus custos sociais.

• Estadías no estranxeiro de tres meses de duración que terán un importe máximo de 6.000 €, en función do destino da estadía, de acordo coa seguinte distribución:

• Zona 1: 2.000 €, se a estadía se realiza en Portugal ou Andorra.

• Zona 2: 4.000 €, se a estadía se realiza en Europa (agás Portugal e Andorra), África ou América (agás EUA e Canadá).

• Zona 3: 6.000 €, se a estadía se realiza en EUA, Canadá, Asia ou Oceanía.

• Establécese un complemento de 1.000 € anuais por axuda para cubrir os gastos asociados á contratación e para o seguro durante o período de estadía. ( Complemento 1 )

• Establécese un complemento de 800€ no primeiro ano de contrato e de 400€ no segundo ano de contrato para cubrir os gastos das persoas candidatas en relación ao correspondente programa de doutoramento ( Complemento 2 ). ( Ditas cantidades non terán a consideración de soldos ).

• Para cubrir o custo da indemnización ao remate do contrato, incluirase unha axuda total de 3.400,00 euros.

A onde acudir?

Para solicitudes presentadas por universidades do Sistema Universitario de Galicia:

CONSELLERÍA DE CULTURA, EDUCACIÓN, FORMACIÓN PROFESIONAL E UNIVERSIDADES

SECRETARÍA XERAL DE UNIVERSIDADES

SUBDIRECCIÓN XERAL DE PROMOCIÓN CIENTÍFICA E TECNOLÓXICA UNIVERSITARIA

SERVIZO DE PLANIFICACIÓN E ESTRUTURACIÓN DA INVESTIGACIÓN

San Caetano, s/n

15781 Santiago de Compostela

Teléfonos: 881995152 / 881995980 /881995157

Fax: 881999135

Email: promocioncientifica.educacion@xunta.gal

Información web: http://www.edu.xunta.gal

Para solicitudes dos organismos públicos de investigación de Galicia, fundacións de investigación sanitaria de Galicia e centros do CSIC radicados en Galicia:

CONSELLERÍA DE ECONOMÍA, INDUSTRIA E INNOVACIÓN

AXENCIA GALEGA DE INNOVACIÓN

Rúa Airas Nunes, s/n

15702 Santiago de Compostela

Teléfonos: 881999213 / 981543991

Email: axudas.gain@xunta.gal

Información web: http://gain.xunta.gal

Xúntase a Orde do 31 de xaneiro de 2024 pola que se convocan procedementos selectivos de acceso ao corpo de inspectores de educación e ao corpo de profesores de ensino secundario e de ingreso ao corpo de profesores de ensino secundario, ao corpo de profesores de escolas oficiais de idiomas, ao corpo de mestres e ao corpo de profesores especialistas en sectores singulares da formación profesional e procedemento de adquisición de novas especialidades polo persoal funcionario de carreira dos corpos de profesores de ensino secundario, profesores de escolas oficiais de idiomas, profesores especialistas en sectores singulares da formación profesional e mestres da Comunidade Autónoma de Galicia (código de procedemento ED001A).

• O prazo de presentación de solicitudes abranguerá desde o día 15 de febreiro de 2024 ata o día 6 de marzo de 2024, ambos incluídos.

A presentación da solicitude deberá ser obrigatoriamente por medios electrónicos mediante o procedemento normalizado ED001A. Nesta convocatoria o pago da taxa deberá realizarse na sede electrónica con anterioridade á presentación telemática da solicitude (máis información en https://www.edu.xunta.gal/oposicions/).

Información en galego, castelán e inglés relativa ao proceso de renovación no Programa de Auxiliares de Conversa en Galicia. Contén ligazóns á plataforma de solicitude e á información.

Estas instrucións van dirixidas ás persoas participantes no programa de auxiliares de conversa durante o curso 2023/2024 que desexen solicitar a renovación no programa durante o curso 2024/2025.

A ter en conta:

• Non é posible participar no programa de auxiliares de conversa en Galicia máis de tres cursos escolares consecutivos.

• É obrigatorio realizar a formación didáctica específica para persoas auxiliares de conversa.

• Prazo de solicitudes: desde o 12 de febreiro de 2024 ata o 5 de abril de 2024.

Desde o 12 de febreiro de 2024 ata o 5 de abril de 2024, o Ministerio de Educación, Formación Profesional y Deportes abre a convocatoria de auxiliares de conversa estranxeiros en España para o curso escolar 2024/2025.

Convócanse prazas de Auxiliares de Conversa de lingua alemá, chinesa, francesa, inglesa, italiana e portuguesa.

Axudas dirixidas a persoas graduadas e estudantes universitarias, como mínimo de segundo curso (ao peche da convocatoria), dos seguintes países:

Alemaña, Australia, Austria, Bélxica, Brasil, Bulgaria (inglés), Canadá (francés ou inglés), China (inglés ou chinés), Costa de Marfil (francés), Dinamarca (inglés), Estados Unidos, Filipinas (inglés), Finlandia (inglés), Francia, Hungría (inglés), Irlanda, India (inglés), Italia, Luxemburgo (inglés), Malta, Marrocos (francés), Noruega (inglés), Nova Zelandia, Países Baixos (inglés), Países de Oceanía (Fixi, Illas Salomón, Tonga e Vanuatu), Polonia (inglés), Portugal, Reino Unido, República Checa (inglés), Singapur (inglés), Suecia (inglés), Suíza (alemán ou francés) e Túnez (francés).
 

Ligazón á convocatoria:

https://www.educacionyfp.gob.es/eu/servicios-al-ciudadano/catalogo/general/99/998188/ficha/998188-2024.html

Información:

• Persoas candidatas de Alemaña, Austria, Bélxica, Brasil, Bulgaria, Costa de Marfil, Dinamarca, Finlandia, Francia, Hungría, Irlanda, Italia, Luxemburgo, Malta, Marrocos, Noruega, Países Baixos, Polonia, Portugal, Reino Unido, República Checa, Suecia, Suíza e Túnez: auxiliares.conv@educacion.gob.es.

• Persoas candidatas de Australia, Canadá, China, EEUU, Filipinas, India, Nova Zelandia, Países oceánicos e Singapur: auxiliares.extra@educacion.gob.es.

• Apoio ás consultas de tipo informático da aplicación Profex 2.0: profex.soporte@educacion.gob.es.

Publicada a convocatoria de axudas para a realización de actividades de formación en linguas estranxeiras no ano 2024, destinadas ao alumnado de 1º e 2º de bacharelato que cursa en centros docentes sostidos con fondos públicos. (DOG do 12/02/2024).

A solicitude destas axudas iniciarase a través da aplicación en liña dispoñible na páxina web do programa: https://www.edu.xunta.gal/axudasle/

Concurso para a creación do cartel de "InnovArt 2024"

Con motivo da segunda celebración de Innovart como evento para a promoción das ensinanzas artísticas, idiomas e deportivas que se imparten en Galicia e que terá lugar os días 18 e 19 de abril na Cidade da Cultura de Galicia; a Dirección Xeral de Formación Profesional da Consellería de Cultura Educación, Formación Profesional e Universidades convoca un concurso de creación do seu cartel.

Participantes: Poderán participar no concurso as persoas que estean a cursar ensinanzas artísticas superiores de Deseño ou de ciclos formativos das ensinanzas profesionais de artes plásticas e deseño nalgunha das catro escolas de arte e superiores de deseño da Comunidade Autónoma de Galicia

Prazo de presentación: O prazo de presentación de solicitudes será ata o 1 de marzo incluído.

Orde do 29 de xaneiro de 2024 pola que se regula o réxime de axudas a centros docentes privados concertados dependentes desta consellería para participar no programa de inmersión lingüística activa en lingua inglesa, Spring Week, dirixido ao alumnado de sexto curso de educación primaria e de educación secundaria obrigatoria durante o curso 2023/24 (código de procedemento ED531F).

• O prazo de presentación de solicitudes será 1 mes contado a partir do día seguinte á publicación desta orde no Diario Oficial de Galicia.

A solicitude realizarase a través da sede electrónica e a aplicación Programas Educativos.

ED531F - Axudas a centros docentes privados concertados para participar no programa Spring Week. - Sede Electrónica - Xunta de Galicia 

Acceso á aplicación

Seleccionarase Programas de Éxito Educativo - convocatoria 2023/2024  e a continuación, Programa Spring Week- Centros Concertados 2023-24.

Achégase a Resolución do 8 de febreiro de 2024 da Dirección Xeral de Ordenación e Innovación Educativa, pola que se regula a convocatoria e selección de centros docentes públicos para participar no programa de inmersión lingüística activa en lingua inglesa, Spring Week, dirixido ao alumnado de sexto curso de educación primaria e de educación secundaria obrigatoria durante o curso 2023/24.

• O prazo de presentación de solicitudes abrangue do 9 de febreiro ao 8 de marzo de 2024, ambos incluídos.

A solicitude realizarase a través da aplicación Programas Educativos.

Acceso á aplicación

Seleccionarase Programas de Éxito Educativo - convocatoria 2023/2024  e a continuación, Programa Spring Week- Centros Públicos 2023-24.

Xúntase a Orde do 11 de xaneiro de 2024 pola que se regula o réxime de axudas a centros privados concertados para a realización de probas de nivel lingüístico para o alumnado que realice os seus estudos no curso 2023/24 (código de procedemento ED531D).

• O prazo de presentación de solicitudes será 1 mes contado a partir do día seguinte á publicación desta orde no Diario Oficial de Galicia.

Acceso a la aplicación

A Dirección Xeral de Ordenación e Innovación Educativa vén de publicar a resolución pola que se crea, con carácter experimental, a Rede de Centros “Escolas de Fronteira” e da a coñecer os centros que a conformarán durante o curso 2023/24.