Co título "Educando en igualdade" circula pola rede un blog elaborado por docentes de diferentes niveis de ensino e especialidades da provincia de Pontevedra. A súa finalidade é contribuír a xuntar e difundir materiais e recursos de interese para a comunidade educativa arredor do tema da igualdade entre homes e mulleres.

Os recursos clasifícanse en distintas seccións segundo a etapa educativa para favorecer as buscas. Ademais, os distintos recursos veñen etiquetados tematicamente para orientar a súa explotación didáctica. Co fin de favorecer o fluxo de información inclúese tamén un apartado de "suxestións" e un correo electrónico de contacto.

Onte xoves, dentro das actividades do Congreso "Formación e competencias na nova sociedade" centrado nas Tecnoloxías da Información e da Comunicación que está tendo lugar na Mostra do Ensino Galicia 2012, a Consellería de Cultura, Educación e Ordenación Universitaria presentou Redeiras, unha rede social para favorecer a intercomunicación entre o profesorado galego, co fin de fomentar o traballo colaborativo e o intercambio de experiencias como complemento á súa práctica educativa.

Desta forma créase unha rede social de carácter profesional dirixida ao profesorado dos centros educativos públicos de Galicia, proporcionándolle un espazo de encontro, comunicación e colaboración onde intercambiar ideas, propostas, recursos, actividades, iniciativas, etc.

Un espazo profesional

Redeiras é unha rede social educativa con vocación profesional, destinada aos docentes dos centros públicos de ensino non universitario de Galicia e aloxada nos sistemas informáticos da Consellería, nun entorno profesional e fiable.

Trátase dun proxecto desenvolto por Asesores Abalar, fundamentado en tecnoloxías baseadas en software libre (ELGG e LAMP), que toma como base o núcleo da ferramenta de software libre ELGG para crear unha nova rede social integrada no sistema corporativo de autenticación de usuarios da Consellería que incorpora módulos e funcionalidades propias.

Así mesmo, Redeiras ofrece todas as funcionalidades propias de calquera outra rede social, como son a creación de espazos privados e individuais, a creación de espazos de grupo e creación de grupos por intereses comúns, o intercambio de ficheiros, a publicación de contidos personalizados ou de grupo, a posibilidade de compartir ficheiros e documentos, a creación de documentos colaborativos en liña, o intercambio de marcadores de internet, a publicación de contidos multimedia (imaxe, vídeo e son), un servizo de mensaxería interna para uso exclusivo entre os usuarios da rede social, etc.

A nova rede social nace con expectativas dun crecemento continuo, tanto no número de usuarios como no número de funcionalidades, contemplando a posibilidade de futuras incorporacións de novos servizos e melloras nesta plataforma.

O proxecto Redeiras súmase así ao conxunto de ferramentas da web 2.0 que actualmente ofrece a Consellería de Cultura, Educación e Ordenación Universitaria á comunidade educativa.

Sinopse:
Proxecto no que se incorporan diversos recursos TIC ( blog, correo, videoconferencia etc) na aula de infantil para facer estudos climáticos dentro das rutinas da mañá.
O traballo realízase en colaboración con centros de Asturias, León e Tarragona cos que se comparten actividades e material a través do blog: http://www.nuestroentornonosidentifica.blogspot.com/.

Autora: Verónica Camiña García.

Nivel: 2º curso do 2º ciclo de Educación Infantil.

Materiais (anexos):

• Memoria do proxecto.
• Material de aula.
• Material proxectado.

Sinopse:

Dairas, unha curtametraxe de animación stop-motion, pretende unha reflexión á realidade de miles de persoas que padecen as consecuencia das guerras, das disputas dos territorios. Conta a crúa realidade dun campamento de refuxiados, guiados por un personaxe principal, Ahmed.

As ferramentas utilizadas son a fotografia, a modelado de plastilina, a música... pero a mellor ferramenta foi o factor humano, a ilusión e dedicación do alumnado.

A historia céntrase nos conflitos bélicos dos saharauis. Os refuxiados vense reflectidos no personaxe de Ahmed, un rapaz que guía ós seus compañeiros cara a un futuro mellor. O nome vén de Daira, (الدائرة en árabe), son pequenos poboados onde habitan os refuxiados saharauis, os núcleos de varias dairas denomínanse wilayas.

O exército, a guerra, os campamentos, a vida cotiá, a casa, a alimentación, o papel da muller, os libros, a importancia e o dereito á cultura. Todos estos temas transcorren en maior ou menor medida polas imaxes que se amosan en pantalla.

Nivel:

ESO e Bacharelato.

Autores:

• Coordinador: Miguel Ángel Carbajal
• Participantes:

- Xoán Xosé Pérez Viéitez
-Álvaro Pérez Mariño
-Mª José Varela Frade

Materiais (anexos):

• Memoria do proxecto.
• a curtametraxe (duración: 23 minutos).
• Vídeos de exercicios previos dos alumnos:

Sinopse:

Actividade que parte da liña argumental da novela "A Esmorga" de Eduardo Blanco Amor, facendo un percorrido polo Ourense artístico, histórico, mitolóxico, arquitectónico e científico. Esto aporta ao alumnado as ferramentas necesarias para interpretar e coñecer a realidade dunha cidade como Ourense.

Nivel: Bacharelato

Autores:

Coordinador: Víctor Javier Pérez Baltar.

Participantes:

Concepción Rúa González

Tomás García García

Jesús Manuel Vázquez Sánchez

Materiais (anexos):

• Memoria do proxecto.
• Tres épocas, tres estilos.
• Vocabulario artístico.
• A ruta de "A Esmorga".
• Mitoloxía en Ourense.
• Percorrido polo Ourense artístico.
• Portas e murallas de Ourense.
• Material para o alumnado

Sinopse:

Blog de aula de Bacharelato na materia de Lingua Castelá e Literatura, co obxectivo de amosar que as TIC e a tiza non están enfrontadas, senon que forman un tándem.

Autora: Mª Luz Paramio.

Nivel: Bacharelato.

Materiais (anexos): Memoria do proxecto.

Este recurso é un blog creado por Marina C. Tristán e está dedicado a aula de música de primaria. Atoparemos todo tipo de recursos e especialmente destacamos os dedicados á linguaxe musical.

Este blog presenta unha das mellores compilacións de recursos que existen actualmente en España e está creado por María Jesús Camino Rentería

Na páxina atoparemos o traballo das diferentes clases de música na ESO do IES Meruelo, composto por actividades a través de distintos media, titoriais, partituras, teoría musical, musicogramas, mapas conceptuais e todo o necesario para a aula de música.
Este blog recibiu o 2º premio no IV Premio Espiral Edublogs 2010