Resolución do 25 de xuño de 2020, da Dirección Xeral de Educación, Formación Profesional e Innovación Educativa, pola que se convoca a selección de centros docentes de educación primaria e secundaria para a pilotaxe do proxecto europeo Erasmus+ KA3 “Assessment of Transversal Skills in STEM (ATS STEM)” co obxecto de avaliar as competencias STEM do alumnado.

Assessment of Transversal Skills in STEM (ATS STEM), é un proxecto Erasmus+ KA3 de experimentación de políticas innovadoras de 3 anos de duración. Forman parte deste proxecto 12 institucións educativas de 8 países da UE. Ten como obxectivo abordar os retos da educación en STEM en Europa. A partir dunha Investigación rigorosa crearase un modelo de aprendizaxe e avaliación das competencias clave transversais STEM nos currículos nacionais incluíndo unha formación de profesorado asociada ao proxecto. Os obxectivos de todo proxecto e, en concreto da pilotaxe, son: proporcionar recomendacións para o desenvolvemento das políticas educativas a nivel europeo, identificar criterios clave baseados en evidencias e validar de xeito cualitativo e cuantitativo as conclusións obtidas en todo proceso.

Para máis información sobre o proxecto pódese visitar a páxina web http://www.atsstem.eu/ e contactar a través do correo electrónico stem@edu.xunta.gal ou nos teléfonos: 981546514, 981546545 e 981546571.

• O prazo de solicitude finalizará o 21 de setembro de 2020.
   

Xúntase a Resolución definitiva dos centros docentes admitidos para participar no programa de innovación educativa “Club de Letras” para centros docentes públicos da Consellería de Educación, Universidade e Formación Profesional o curso 2019/20.

Resolución do 11 de febreiro de 2020, da Dirección Xeral de Educación, Formación Profesional e Innovación Educativa, pola que se convoca a selección de centros para participar no proxecto Educación Dixital (E-Dixgal) durante o curso 2020/21.

•   O prazo de presentación de solicitudes será desde o día seguinte ao da publicación deste anuncio no Diario Oficial de Galicia ata o día 23 de marzo de 2020, incluído.
   

Resolución definitiva do 16 de decembro de 2019, da Dirección Xeral de Educación, Formación Profesional e Innovación Educativa pola que se publica a listaxe de centros seleccionados para participar no programa de innovación educativa “Observa_Acción” durante o curso 2019-2020.
 

Xúntase a Resolución provisional dos centros docentes admitidos para participar no programa de innovación educativa “Club de Letras” para centros docentes públicos da Consellería de Educación, Universidade e Formación Profesional o curso 2019/20.

• Prazo de 5 días hábiles, contados a partir do día seguinte ao da publicación nesta web, para realizar reclamacións ou renuncias.
   

Publícase a listaxe provisional dos proxectos admitidos en cada programa educativo para a súa participación no Plan Proxecta durante o curso 2019/20.

Tal e como se establece no apartado 10.2 da Resolución do 23 de setembro de 2019 que regula o Plan Proxecta, ábrese un prazo de 10 días naturais (ata o 17 de novembro de 2019, inclusive) para efectuar reclamacións e/ou renuncias a esta listaxe provisional, que deberán presentarse no enderezo electrónico planproxecta@edu.xunta.es.

Achégase un modelo orientativo de reclamacións ou renuncias.

Xúntase a Resolución provisional dos centros docentes admitidos para participar na actividade "Semana STEM" dirixida a alumnado de quinto e sexto cursos de educación primaria e primeiro e segundo cursos de educación secundaria obrigatoria.

• Prazo de 5 días hábiles para efectuar reclamacións ou renuncias

Xúntase a Resolución do 23 de setembro de 2019, da Dirección Xeral de Educación, Formación Profesional e Innovación Educativa, pola que se regula o Plan Proxecta e se establecen as bases para a participación dos centros docentes sostidos con fondos públicos dependentes desta consellería durante o curso escolar 2019/20.

Neste curso escolar ofrécense 44 programas educativos, que poden ser consultados na web de Proxecta: http://www.edu.xunta.gal/portal/planproxecta

Prazo de solicitude: do 25 de setembro ao 16 de outubro de 2019 (o programa Cidadanía dixital do CGAI pecha o prazo o 30 de setembro e os programas Cinema en curso e Fotografía en curso, tamén do CGAI, pechan o prazo o 1 de outubro).

Solicitude: a través da aplicación de Plan Proxecta (https://www.edu.xunta.es/programaseducativos/)
 

Resolución da convocatoria para a realización de proxectos de innovación educativa en dinamización lingüística para os centros docentes de titularidade da Consellería de Educación Universidade e Formación Profesional durante o curso académico 2018/2019

A Secretaría Xeral de Política Lingüística e mais a Dirección Xeral de Educación, Formación Profesional e Innovación Educativa resolveron a convocatoria de proxectos de innovación educativa en dinamización lingüística para os centros docentes de titularidade pública da Consellería de Educación, Universidade e durante o curso académico 2018/2019.

Ao abeiro desta convocatoria, seleccionáronse cinco proxectos aos que se lles recoñece a consideración de excelentes:

• O Prado fala galego, proxecto conxunto do IES Carlos Casares (Vigo) e mais do IES Santa Irene (Vigo)

• A cidade sen barreiras, do CEE Nosa Señora do Rosario (A Coruña)

• Ao son delas, do IES Maximino Romero de Lema (Zas)

• Cóxegas: caixas de investigación e creación como experiencia estética e emocional de acompañamento lingüístico, do CEIP Heroínas de Sálvora (Ribeira)

• Miserábeis, do IES Illa de Ons (BUEU)

Cada un deles recibirá unha dotación económica de 2 000 euros. O profesorado implicado activamente no desenvolvemento dos 5 proxectos seleccionados recibirá unha certificación de Primeiro Premio de Innovación Educativa, cunha equivalencia de 30 horas de formación permanente do profesorado para a persoa coordinadora e de 20 horas para o profesorado participante.