Acaba de saír publicada no D.O.G. a convocatoria de fondo solidario de libros de texto e axudas para adquirir material escolar. O prazo de solicitude será ata o 21 de xuño
https://www.edu.xunta.gal/portal/fondolibros
As solicitudes presentaranse preferiblemente por vía electrónica a través do formulario normalizado (ED330B - anexos I e II) accesible desde a sede electrónica da Xunta de Galicia.
En caso de imposibilidade de tramitalo completamente por vía electrónica tamén podería facelo :
a) de forma presencial pero coa asistencia da aplicación FONDO LIBROS (neste caso cubra os datos na aplicación fondolibros (xunta.gal) imprima os ANEXOS I e II, asíneos e entrégueos no centro educativo acompañados do resto da documentación necesaria) , sendo este o seguinte método máis aconsellable pois evita erros de transcripción dos datos da solicitude
b) cubrir de xeito manual os ANEXOS e presentalos no centro ou en calquera dos rexistros e lugares legalmente establecidos na normativa reguladora do procedemento administrativo
- A axuda de material escolar a pode pedir todo o alumnado que vaia cursar de 1º a 4º ESO no vindeiro curso 24-25. Son 75€ para alumnado con renta per cápita familiar ata 6000€ e 60€ se a renda per cápita familiar está entre 6000 e 10000 euros.
- O Fondo solidario de libros no noso centro xa non se aplica pois todos os cursos de ESO pasan a ser EDIXGAL.
- Pode haber unha axuda adicional ao alumnado con discapacidade maior do 65% cando, a xuízo do centro docente, non poida usar os libros de texto ou o material dixital do curso en que estea matriculado e non existan libros adecuados no centro. Solicite información no centro.
A XLII promoción (2018-2024) de alumnos de bacharelato remata a súa traxectoria educativa no noso centro. O pasado xoves celebraron a súa graduación nun emotivo acto no auditorio de Negreira. O acto foi presentado por Rubén Gómez e Xiana García. Interviron Nuria Juncal por parte do alumnado e Araceli Otero e José Luis Mateos como padriños da promoción e foi amenizado na parte musical por Cibrán Figueiras, Julia Caramés e Lidia García.
Despedimos con moitísimo cariño a este excelente grupo de rapaces e rapazas, académicamente brillantes pero sobre todo moi boas persoas. Parabéns e moitísima sorte nesta próxima etapa das vosas vidas. E comoa sempre dicimos, e non é un tópico: volvede cando queirades que aquí tedes a vosa casa.
Aquí podedes consultar o calendario completo de final de curso, para todos os niveis de ensinanza impartidos no centro
INFORMAMOS QUE TODAS AS SOLICITUDES DE ADMISIÓN PRESENTADAS FORON APROBADAS.
O alumnado deberá formalizar a matrícula do 23 de xuño ao 7 de xullo, ambos incluídos.
O 1 DE MARZO ÁBRESE O PRAZO PARA SOLICITAR A ADMISIÓN NO IES XULIÁN MAGARIÑOS (alumnado procedente de OUTROS centros que non son os adscritos)
FASES DO PROCESO
a) Entre o 15 de xaneiro e o 5 de febreiro está aberto o prazo para que o alumnado do último curso dos centros adscritos a noso instituto (alumnado de 6º de Educación Primaria no CEIP O Coto e alumnado de 4º de ESO no CPI da Baña) reserven a súa praza no IES Xulián Magariños co obxecto de continuar aquí os seus estudos. Teñen que facer o trámite neses centros onde están cursando estudos a día de hoxe (ahí daranlles toda a información e os impresos necesarios). (FINALIZADO)
b) Sorteo público para efectos de desempate: última semana de febreiro e, en todo caso, antes do 1 de marzo (FINALIZADO)
c) Publicación de postos escolares vacantes: antes do 1 de marzo. (FINALIZADO)
d) Presentación da solicitude de admisión: 1-20 de marzo. (FINALIZADO) O alumnado que non teña dereito a reserva de praza (non cumple as condicións do apartado a.) e quere empezar ou continuar os seus estudos de ESO ou Bacharelato aquí debe facer solicitude de admisión:
DOCUMENTACIÓN NECESARIA: solicitude (modelo ED550B), fotocopia do DNI ou libro de familia, certificado académico expedido polo centro actual onde está a cursar estudos, e de ser o caso sentenza xudicial de divorcio ou outra documentación para acreditar circunstancias persoais
As solicitudes faranse preferentemente a través da aplicación https://www.edu.xunta.gal/admisionalumnado/ . Unha vez completada a solicitude pode presentarse por dúas vías:
a) En sede electrónica (mediante Chave 365 ou certificado dixital), acompañada do resto da documentación necesaria escaneada. Neste caso non é necesario entregar nada no centro, nin solicitude nin documentación
b) Imprimir a solicitude e asinala, e presentala físicamente no centro co resto da documentación
En caso de poder facer o proceso por internet pode pasar polo centro (previa cita telefónica) a recoller o impreso
SERVIZOS COMPLEMENTARIOS: O IES Xulián Magariños ten servizo de transporte escolar. Para solicitalo debe facerse no momento de formalizar a matrícula ( a finais de xuño)
VACANTES ESTIMADAS
A día de hoxe (28 de febreiro) as prazas vacantes estimadas son
1º ESO : 7
2º ESO : 17
3º ESO : 16
4º ESO : 16
1º BAC CIENCIAS E TECNOLOXÍA e HUMANIDADES E CCSS : 0
2º BAC CIENCIAS E TECNOLOXÍA e HUMANIDADES E CCSS : 15
TODA A INFORMACIÓN NA WEB DA CONSELLERÍA https://www.edu.xunta.gal/portal/node/42051
Hoxe, 29 de abril, iníciase o período de presentación de solicitudes para participar nos premios extraordinarios de bacharelato 2023-2024 (código de procedemento ED311A) cuxa orde de convocatoria publicouse no DOG o pasado 26 de abril.
O prazo de presentación de solicitudes comezará hoxe, 29 de abril e rematará o día 28 de maio de 2024.
Concederanse ata 20 premios de 1000 € e os candidatos deben ter unha nota media en bacharelato igual ou superior ao 8,5.
Adxunto poden ver unha folla informativa cos pasos a seguir para o alumnado que desexe presentarse.
Xa está plenamente operativo nesta web o Punto Laranxa Virtual contra o acoso escolar.
Non quedes calad@. Escoitámoste!
Loitemos xuntos contra o acoso e ciberacoso!
Se ves ou coñeces algún caso de algún compañeiro ou compañeira que está sufrindo podes enviar a túa mensaxe, de xeito anónimo, para que poidamos actuar inmediatamente.
O pasado 4 de abril tivo lugar a Feira das Profesións 2024, unha iniciativa que dende o pasado curso realízase en colaboración cos departamentos de orientación dos IES de Ames e Brión.
O noso alumnado tivo a oportunidade de coñecer en vivo máis de 50 profesións, interactuando con profesorado e alumnado das distintas titulacións representadas na feira e mesmo facendo pequenas prácticas para poñerse en situacións reais: Manipular mostras como se fai nun laboratorio, practicar a arqueoloxía con obxectos reais, facer radio en directo, estudar o corpo humano, esculpir en pedra e moitas actividades máis. Este ano, como novidade, contouse con dous espazos exteriores nos que se celebraron charlas nas que poder profundizar un pouco máis nalgunha das actividades profesionais representadas na feira.
O noso IES participou non só como organizador senón tamén como expositor, dando a coñecer ao alumnado asistente os nosos ciclos formativos da familia profesional de Informática e comunicacións.
Despois do paso do alumnado pola feira realizouse unha enquisa de satisfacción nos tres centros educativos, e os resultados non poden ser máis satisfactorios: o 86% do alumnado puntuou cunha nota de 7 ou superior a feira en xeral, e o 64,3% valorou con máis de 7 puntos sobre 10 o grao de interese dos postos da feira. O 79,2% manifestou ter coñecido algunha profesión da que nunca oíra falar e deles o 29,6% ve esa nova profesión como unha posible opción de futuro.
Estes datos nos animan a continuar co traballo de organización deste evento, que para a súa edición 2025 se celebará no polideportivo Pedra Mámoa coa colaboración do Concello de Negreira.
Dende a Biblioteca do IES Xulián Magariños acaba de chegarnos un novo boletín informativo con interesantes recomendacións de lectura para estes días de descanso.
Estrenamos nova iluminación no pavillón polideportivo do IES Xulián Magariños. Luminarias LED de alta eficiencia que nos aportan mais luminosidade e un importante aforro enerxético. Esta actuación forma parte do noso plan de mellora da eficiencia enerxética.
#aforraenerxia
Nosos alumnos de segundo de bacharelato, Lidia García Cerviño e Alex Pais Dosil participaron hoxe na XLI OLIMPIADA GALLEGA DE QUÍMICA. Orgullosos do noso alumnado. Moita sorte.