Acto de inauguración do curso 20198-2019 coa presentación do IX premio de investigación científica e conferencia de Dna. Pilar Bermejo, decana da facultade de Química da USC titulada "metales y vida". Interesantísimo descubrir como dependendo da concentración e enlace químico, determinados metais e semimetais (Arsénico, selenio, mercurio etc. poden ser elementos esenciais para a vida ou presentar elevada toxicidade).
Hoxe "estrenamos" cafetería. Nova pintura, decoración e mobiliario. E próximamente espazo de exposicións temporais. Que vos parece?
O departamento de Informática, en colaboración coa Asociación GHANDALF organiza 2 charlas divulgativas sobre software libre o vindeiro martes 2 de outubro. A primeira, dirixida a alumnado de 4º ESO, 1º e 2º de Bacharelato de perfil técnico terá lugar as 13:35 no salón de actos. Pola tarde terá lugar a segunda charla, para alumnado de ciclo medio e superior de Informática, de 16:20 a 18:00 horas.
Hoxe dous profes da escola de música de Negreira achegáronse polo IES para demostrar ao alumnado de 1º e 2º de ESO as posibilidades dos instrumentos que alí ensinan, incluída a voz humana. Ao alumnado encantoulle. Grazas amigos!
Na resolución da convocatoria do Plan de mellora de bibliotecas escolares para o curso 18/19 a nosa figura entre as seleccionadas, e recibirá unha dotación adicional de 1400€ destinados a apoiar o proceso de transformación da biblioteca en centro de recursos de lectura, información e aprendizaxe e favorecer actividades de fomento da lectura.
Parabéns a todo o equipo de biblioteca!
Achégase a relación definitiva do alumnado admitido no fondo solidario de libros cos libros que serán obxecto de reparto. Os libros serán repartidos a partir da semana que ven.
NOTA: Algún dos libros reseñados e adxudicados aínda non figura nas existencias do centro pero procederemos á súa adquisición nos proximos días.
Achégase calendario de inicio de curso coas datas de presentación do alumnado.
Ata o 1 de outubre está aberto o prazo para solicitude de becas ao estudo para estudos non universitarios (Bacharelato e ciclos medios e superiores de FP)
http://www.mecd.gob.es/educacion/mc/becas-generales/2018-2019/inicio.html
Tamén abrese o prazo para Becas e axudas para alumnado con necesidade específica de Apoio Educativo
Estado das obras de adecuación do taller de Informática. Os traballos avanzan a bo ritmo. 
EXAMES DE SETEMBRO
IMPORTANTE: O alumnado que levou libros de texto procedentes do fondo solidario ou adquiridos coas axudas da Xunta para preparar os exames de setembro e o resto de alumnado beneficiario do fondo de libros do curso 2017-18 que falte por devolver libros ten que traelos e deixalos en Conserxería.
Tal e como recolle a orde de convocatoria (artigo 5) "As persoas beneficiarias de libros procedentes do fondo solidario do centro ou de axudas para adquirir libros de texto terán as seguintes obrigas:
Devolver os libros de texto e o material reutilizable adquirido coas axudas para libros de texto ou recibido do fondo solidario no curso 2017/18"
A falta de devolución dos libros de texto, sexan do curso inmediato anterior ou de calquera outro, será causa de exclusión da participación no fondo solidario e das axudas para adquirir libros de texto e material escolar no curso 2018/19.
MATRÍCULA DE SETEMBRO (NOVAS DATAS)
Os días para formalizar a matrícula en setembro serán :
2º Bacharelato e probas ABAU : Xoves 6 de setembro
1º Bacharelato, 3º e 4º de ESO : Venres 7 de setembro
1º e 2º de ESO : Luns 10 de setembro
