IES Xoán Montes

Hoxe 29 de maio, foi o mércores que puidemos retomar as Xornadas de Orientación tras a excursión de fin de etapa de 4º da ESO. Este alumnado, xunto as súas titoras e a orientadora do centro achegámonos ao salón de actos do Uxío Novoneyra.

Carmen Peñalver, exalumna do centro, falounos da súa traxectoria e da súa situación actual. No instituto non destacaba moito en física, matemáticas ou química, pero empeñouse en sacar adiante, de maneira autodidáctica cando así o requería, o bacharelato e a selectividade, e resulta que por causas do destino, ao non entrar na súa primeira opción de estudos, está acabando o grado de Inxeñería Química Industrial con gran satisfacción.

Contounos como se estruturaba este grado, que consiste en resolver problemas cotiás e mellorar a vida da xent,e e que ten moitas posibilidades á hora de incorporarse ao mercado laboral.

Encantounos escoitar toda as súas experiencias e as súas conclusións, que poden axudar ao alumnado, que pasa por momentos como os que pasou ela. 

Transmitiunos que as derrotas son ventás que nos abren oportunidades e que con esforzo se consigue todo. Mostrounos ansia e ganas, que é o seu lema: Ganas, ganas e ganas!

Moitísimas grazas Carmen! 

 Imaxes de Beatriz López CC BY-SA

Pois hoxe 23 de maio alá fomos a informarnos todo o alumnado de 4º de ESO coas súas titoras e a orientadora.

O obxectivo deste evento, organizado polo Pazo de Feiras e Congresos de Lugo e coorganizado pola Xunta de Galicia, é proporcionar información, asesoramento e orientación para facilitar unha elección axeitada a todas aquelas persoas que se enfrontan á toma de decisións relativa ao seu futuro educativo e profesional.

A variada oferta dispoñible en FP e en ensinanzas de réxime especial da contorna está representada polos centros integrados de FP CIFP As Mercedes (Lugo) , CIFP Politécnico de Lugo e CIFP Porta da auga (Ribadeo); polos institutos IES Monte Castelo (Burela), IES da Terra Chá, José Trapero Pardo (Castro de Rei), IES de Foz (Foz), IES Sanxillao (Lugo), IES Lucus Augusti (Lugo), IES San Rosendo (Mondoñedo). ), IES A Pinguela (Monforte de Lemos) e IES Río Cabe (Monforte de Lemos); polo Conservatorio Profesional de Danza de Lugo, o Conservatorio Superior de Música Xoán Montes (Lugo), a Escola Oficial de Idiomas de Lugo e a Escola de Artes e Deseño Ramón Falcón.

Tamén había información de outras opcións como a Garda Civil, a Armada ou distintas Universidades. 

Variada información para o gran abano de posibilidades que ten o alumnado. 

 Imaxes de Beatriz López CC BY-SA

Hoxe 22 de maio tivemos a sorte de poder desfrutar, como colofón á actividade realizada durante o mes de abril, de dinamización do emprendemento e exposición de Enredadas no cambio, da experiencia de dúas das protagonistas de Enredadas.

Invonnsabel Zambrano, estilista colombiana e Sofía Vázquez Manzano, cooperativista de Mulleres colleiteiras, acompañadas de Luz Marina Monsalve, traballadora social da institución San José Obrero, que promove a formación profesional de xoves en situación de vulnerabilidade en Medellín, Ana Silva Romero e Rafael Veiga de Diego, da ONG Taller de Solidaridade achegáronnos as súas experiencias durante dúas sesións.

O alumnado de 2º da ESO, e de 4º da ESO da materia Economía e Emprendemento, puido coñecer de primeira man a situación das familias en Medellín, de como as mulleres loitan por labrar o seu porvir e o das súas familias... e non so en Colombia senón tamén ben pertiño, mulleres desfavorecidas da Coruña como Sofía, que perseguíu e conseguíu o seu soño de ser independente favorecendo a sostenibilidade.

Grazas por compartir connosco a vosa experiencia e enerxía inspiradora.

 Imaxes de Beatriz López CC BY-SA