IES Xoán Montes

Moitas foron as actividades que se levaron a cabo ao longo da mañá por parte do alumnado, profesorado e conserxes do noso centro.

Algunhas imaxes:

Traballo do alumnado de 2º ESO na materia de Historia e Xeografía. Fotos de Beatriz López

Hoxe 8 de maio, o alumnado de 4º da ESO acudíu xunto as súas titoras e a orientadora ao salón de actos do Centro de Convivencia Uxío Novoneyra para participar noutra xornada de orientación académica e profesional, organizada por Orientación do noso instituto.

Nesta ocasión puidemos coñecer da man da directora da UNED, Ana Belén Traseira, e da orientadora do mesmo, Carmen Gallego tanto a historia, ubicación, programas, proxectos, estudos, admisión... deste centro. Ademais tivemos ocasión de escoitar a dous alumnos do centro e estudantes en prácticas extracurriculares, VIctoria Filgueiras, de Educación Social, e Iván Fernández, de Ciencias  Ambientais, que compartiron connosco a súa experiencia, transmitíndonos a importancia de ter un obxectivo e loitar polo mesmo, que dos erros se aprende e que nunca é tarde para formarse.

Invitamos a visitar a páxina web e coñecer de primeira man todo o que nos ofrece este centro da UNED.

Imaxes de Beatriz López CC BY-SA

Hoxe 2 de maio tivemos a inmensa sorte de contar coa presenza de Jorge Rábade Alonso, exalumno do centro e Caballero Alférez Cadete que estuda o 3º curso na Academia de Oficiales da Garda Civil.

Nos grupos de 1º de bacharelato e no de 4º da ESO da materia Formación e Orientación Persoal e Profesional explicou a súa traxectoria académica, as súas inquedanzas cando estaba no noso centro e o seu día a día na Academia. Informounos tamén das posibilidades de acceder a Garda Civil, de páxinas útiles como ser militar ou reclutamiento, do que conleva o posto, do gran número de especialidades que existen dentro do corpo...

Conectou co alumnado co seu gran entusiasmo e as súas palabras "Tede amor polo que facedes e exteriolizalo"

Enorgullecémonos del, da ilusión con que vive a súa elección e de como nola transmite.

Grazas Jorge, esperamos que sigas nos vindeiros cursos contaxiándonos coa túa enerxía positiva!

Imaxes de Beatriz López CC BY-SA

Hoxe 29 de abril, dentro do programa EduTecEmprende, da liña de actuación Conexión co mundo empresarial do Plan Eduemprende, que desenvolve a Dirección Xeral de Formación Profesional, puidemos desfrutar dunha interesante charla de Antonio Domingo Tudó, director de Recursos Humanos de Pérez Rumbao S.A.U.

Acudiron á clase de Economía de 1º de bacharelato tamén os de Economía e Emprendemento de 4º da ESO, ao escoller a modalidade de visita virtual, Antonio Tudó conectouse desde a aula por vía telemática co concesionario de Ourense. Percorréronse as instalacións do mesmo e entrevistouse a persoal dos distintos departamentos, o alumnado puido preguntar as súas inquedanzas e coñecer de maneira máis práctica o traballo nunha empresa, en especial do sector de automoción, descubrindo ademais amplas e variadas oportunidades profesionais.

 EduTEcEmprende, imaxes de Beatriz López CC BY-SA