A historia desta productora téxtil comezou coa actividade empresarial en fabricación de prendas de roupa de Amancio Ortega entre os anos 1963 e 1974. No ano 1975 abre a primeira tenda de Zara, e a súa boa adaptación permítelle expandirse polas pincipais cidades españolas, así como no ano 1988 a apertura da súa primeira tenda fora do territorio expañol, Oporto. A partir de entón, comeza a expandirse por todo o mundo e no ano 2000 abre a súa sede central no polígono de Arteixo (A Coruña).
O grupo Inditex conta cun total de 4.278 tendas en todo o mundo distribuídas en varias cadenas, estas son, Zara, Massimo Duti, Pull&Bear, Bershka ou Stradivarius, entre outras. Dispón de catro centros loxísticos na nosa xeografia, o primeiro abriuse na Coruña no polígono industrial de Arteixo, seguidamente inaugurouse un en Zaragoza e logo en Madrid e León.
![]() |
No apartado económico, o grupo pertence ao sector secundario e terciario simultáneamente, posto que transforma materias primas para logo distribuílas en forma de bens para todos os cidadáns do mundo. O seu titular e fundador foi e segue sendo na actualidade Amancio Ortega.Trátase dunha Sociedade Anónima, o seu capital social en Xaneiro de 2006 ascende a 93.499.560 € e está formado por 623.663.400 accións de 0,15 € de valor nominal cada unha, totalmente suscritas e desembolsadas, é de aquí de onde provén o capital da empresa para levar a cabo as súas actividades, e dicir, a súa fonte principal de financiamento. Destaca a forte xeración de caixa que permite ao grupo financiar o seu crecemento sen recurrir ao endeudamento.
Este ¨xigante da moda¨ comprométese a ofrecer a todos os seus clientes un alto estándar de excelencia, calidade e seguridad en todos os seus productos. Tocante ao apartado de produción, elaboración e distribución do produto, a empresa trata de localizar grandes superficies que lle permitan levar a cabo a súa actividade, un bo exemplo disto é o centro de distribución no polígono de Arteixo que conta cunha extensión de 500 km. cadrados divididos en varias plantas.
A crave do seu éxito é a singularidade do seu modelo de xestión baseado na innovación e a flexibilidade, así como tamén os seus exhaustivos estudos do mercado, que fixeron que a súa forma de entender a moda acabase permitindo unha rápida expansión internacional e unha excelente acollida social. Por isto, o Grupo Inditex converteuse nun dos maiores grupos de distribución de moda a nivel mundial.
PRODUCIÓN
A elaboración de produto, tanto de neno como de adulto, empeza nun primeiro momento en deseño, no que os diseñadores fan un bosquexo e cosen un primeiro modelo, posteriormente terá que darse a aceptación de dito deseño, a información de tallaxe, e a compra de teas a proveedores en colaboración co traballo dos country managers, que están en continua comunicación coas tendencias actuais. Unha vez levado a cabo este proceso córtanse as pezas e cósense ata fabricar a prenda desexada, que despois se mandarán as respectivas tendas de todo o mundo tras pasar pola zona de embalaxe e distribución. Cabe mencionar a aportación nesta tarea de distribución das empresas de transportes Azkar e Air France-KLM que lles garantizan un transporte rápido e seguro, crave do seu gran éxito, pois este rápido movemento das prendas permite que non se presente unha gran cantidade de gastos en almacenaxe.
![]() |
Ao mesmo tempo que se envían as prendas, tamén son enviadas as fotos dos escaparates, para que sexan colocadas da mesma maneira en cada unha das tendas, pois estas son a única fonte de publicidade que utiliza o Grupo Inditex, e a principal atracción para os clientes, por isto Indtex dedica un especial cuidado no seu deseño, cunha renovación frecuente que introduce novos elementos e modelos acordes coa oferta das tendas.
RECURSOS HUMANOS
O Grupo Inditex está formado por máis de 70.000 profesionais en todo o mundo. Destes, o 82,2 % son mulleres, e a outra parte restante homes, cunha media de idade de 26 anos. A súa cultura corporativa baséase no traballo en equipo, a comunicación aberta e un alto nivel de esixencia. Estes principios son a base do compromiso persoal cunha tarea enfocada na satisfación dos seus clientes.
Tamén intenta ofrecer aos seus empregados un entorno dinámico e internacional onde se valoren as súas ideas.
TECNOLOXÍA
Utilízase unha tecnoloxía moi avanzada, tanto no deseño, coa utilización dunha gran cantidade de programas para a elaboración dos primeiros modelos, como nos seus modernos sistemas de distribución. Unha perfecta mostra do seu elevado uso tecnolóxico é a utilización da tecnoloxía acustomagnética para protexer os seus produtos contra roubos, estas pequenas etiquetas, dificilmente manipulables, fan que esta tecnoloxía sexa idónea para protexer as prendas.
RESPONSABILIDADE SOCIAL E IMPACTO MEDIOAMBIENTAL
A política medioambiental de Inditex céntrase no respecto ao entorno, para isto comprométense a cumprir a lexislación medioambiental e esfórzanse por non prexudicar o noso entorno. Levaron a cabo varios proxectos como o Inditex-ProKyoto, polo que se comprometeron a utilizar combustible biodiesel nos seus transportes, e vehículos eléctricos para o movemento dentro das plataformas loxísticas.
Para manter a paz social na empresa entre todos os seus compoñentes existe un código de conducta que todos os traballadores e directivos deben respectar, entre algúns dos puntos recollidos neste código de conducta están o non empleo de persoas por debaixo da idade legal, a non discriminación por motivos de raza, relixión ou calquera outro motivo dos seus compoñentes, ou a prohibición de calquera tipo de abuso. Ademáis, os seus traballadores reciben un salario acorde coa función que desempeñan e a empresa garantízalles un lugar de traballo saudable e seguro.
![]() |
CURIOSIDADES
Unha das grandes curiosidades e a extensión dos seus centros loxísticos que no caso dunha das plantas de Arteixo chega a 500 km. cadrados, algo similar a 72 campos de fútbol. Noutras plantas como a de Zaragoza a súa extensión chega ata os 180 km. cadrados.
Tamén que todas as súas tendas teñen unha única estructura, deseño e decoración, poñen tamén a mesma música, que é en inglés.
Artigo realizado por Darío Fernández Abad a partir dos traballos do alumnado de 2º de Bacharelato C Traballos e artigo orientados, coordinados e corrixidos pola profesora e xefa do departamento de Economía Mª Beatriz López Soto