Publicada na web ciug.gal o horario da ABAU 2024. No caso de solapamentos inevitables, o alumnado afectado deberá ficar na aula para facer o segundo exame a continuación. Preme para acceder ao horario da convocatoria ordinaria ABAU 2024.

O 15 de xaneiro de 2024 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa. O prazo de presentación de solicitudes abranguerá do 15 de xaneiro ao 5 de febreiro do 2024, ambos incluídos.

Para máis información sobre a reserva na ESO e BAC preme aquí e para coñecer todos os prazos da reserva, admisión, ... tanto na ESO como no BAC e a FP preme no seguinte enlace.

Convocadas as probas de acceso aos ciclos formativos de grao medio e de grao superior de formación profesional do sistema educativo para o ano 2024.

Prazos de inscrición:

ED312C - Inscrición para a proba de acceso aos ciclos formativos de grao medio de formación profesional: desde o 26/02/2024 ata o 08/03/2024.

ED312D - Inscrición para a proba de acceso aos ciclos formativos de grao superior de formación profesional: desde o 29/01/2024 ata o 09/02/2024.

Datas de realización:

As probas de acceso aos ciclos de grao medio terán lugar o día 23 de maio de 2024 no horario que se indica deseguido:
– Ás 9.00 horas: presentación.
– Das 9.30 ás 13.00 horas: parte matemática e parte sociolingüística.
– Das 16.00 ás 18.00 horas: parte científico-técnica.

As probas de acceso aos ciclos de grao superior terán lugar o día 18 de abril de 2024 no horario que se indica deseguido:
– Ás 9.00 horas: presentación.
– Das 9.30 ás 13.00 horas: parte común da proba (Matemáticas, Lingua galega e Lingua castelá).
– Das 16.00 ás 18.30 horas: parte específica da proba (materias específicas da opción vinculada ao ciclo formativo ao que se desexe acceder).

Acceso á ORDE do 21 de decembro de 2023 (DOG 08/01/24)