Xa está no aire "Don Paco, eterno"! O traballazo radiofónico realizado polo grupo de 1 ESO para Na Onda do Mella co gallo do Día das Letras Galegas deste ano, e no que poderedes escoitar unha biografía, moi pero que moi especial, de Don Paco Fernández del Riego. Non o perdades! Vivan as nosas letras!!

Ligazón ao programa:  https://www.ivoox.com/na-onda-do-mella-8-don-paco-eterno-audios-mp3_rf_108430987_1.html

No día de onte o alumnado de 1º e 2º ESO puido gozar coa representación "O loitador da galaxia", realizada por Raquel Queizás. Unha marabilla de obra sobre a vida do homenaxeado nas Letras Galegas 2023, Don Paco Fernández del Riego. Que ben o pasamos coa máquina do tempo, os indios de Cunqueiro ou co propio Don Paco personificado que baixou pola platea a recrutar galeguistas... Viva Don Paco!! Viva o teatro! Vivan as nosas letras!! E moitísimas grazas Raqueelll!! #oloitadordagalaxia #donpaco #edlgmella #letrasgalegas2023 

No día de hoxe tivemos a gran sorte de contar con Borxa González , creador de contidos e desenvolvedor da web e das redes de Orgullo Galego, que veu dar dúas charlas encadradas na Semana das Letras no IES Ricardo Mella. Entre outras cousas, na xornada de hoxe o alumnado de diferentes grupos de Bacharelato e ESO puido descubrir o estado actual da lingua galega nas redes sociais e comprobar, de primeira man, que falando galego podes chegar onde te propoñas...

Grazas Borxa!!  Foi un pracer!!  #semanadasletras #letrasgalegas2023 #edlgmella

Velaí unhas instantáneas da marabillosa actuación poético-musical das Aldaolado no día de hoxe, enmarcada na Semana das Letras Galegas 2023. Sorte a nosa!! #edlgmella #LetrasGalegas2023

Fotos da 5ª saída do Proxecto Lagares realizada onte 11/5/2023, na que alumnado de 2º ESO percorreu o roteiro de 4.3 km pola contorna do noso barrio acompañado polas explicacións do profesor e divulgador cultural Xosé Couñago. Ademais, tamén houbo tempo de realizar o xogo da descuberta de especies autóctonas e invasoras, e a rematar a xornada botando unha repichoca no lavadoiro!!

Hai vida no Lagares !!#proxectolagares #edlgmella