Skip to Content

Os Matos

Presentación Maruxía nº 20

Ven, 13/06/2014 - 22:50 — karina
A asociación cultural Os Matos, do IES Perdouro de Burela, presentou o nº 20 da publicación Maruxía
 

María Prieto Casares, alumna de 1º de Bacharelato e no nome dos seus compañeiros de clase, foi a encargada de  introducir o labor do alumnado no acto de presentación do número 20 da revista escolar Maruxía da Asociación Cultural Os Matos do IES Perdouro. Asistiron ao acto Santiago Pérez Docobo, director do centro educativo; Antón Niñe, Presidente da A.C. Os Matos e Miruca Parga, coordinadora do EDLG. Un ano máis, os principais responsables da elaboración dos contidos da revista foron alumnos de ESO, de bacharelato e docentes do centro. Miruca Parga traballou co seu alumnado de 1º de bacharelato de Tecnoloxía da Información e da Comunicación na maquetación da revista. Despois de 20 anos de publicación continuada en papel,  a revista escolar dos Matos segue recollendo unha mostra das actividades e traballos realizados no centro durante o curso académico.

Ver reportaxe fotográfica no blogue de Perdourando.
 
Revista Maruxía en PDF aquí.
  • 734 lecturas

Acto de presentación do nº 20 da revista escolar "Maruxía 20"

Mar, 10/06/2014 - 00:13 — karina
O vindeiro venres 13 de xuño no recreo, os alumnos/as de 1º de Bach. TIC liderado pola súa profesora Miruca Parga, convídannos a achegarnos ata a biblioteca para asistir ao acto de presentación do novo número da revista escolar dos Matos. Desvelarannos os contidos do nº 20 asi como os momentos gratificantes deste traballo colaborativo. Maruxía 20 recolle unha moi pequena mostra de todas e tantas actividades que se celebraron e desenvolveron durante este viguroso ano académico mais aí permanecerán plasmadas para o recordo algunhas delas.
 
Ademais farase entrega dos premios dos concursos de poesía, relato curto e imaxe da A. C. Os Matos coa temática deste ano "As plantas da nosa paisaxe".
  • 280 lecturas

Gañadores dos Concursos da A.C. Os Matos

Mar, 20/05/2014 - 22:47 — karina
Nos concursos de poesía e relato curto, e debuxo convocados pola Asociación Cultural "Os Matos" resultaron gañadores os seguintes traballos:
 
VIII CONCURSO DE POESÍA E RELATO CURTO - Tema: “As plantas da nosa paisaxe”

Categoría 1º e 2º de E.S.O. - Poesía 

  • Primeiro Premio: “Flores de Primavera” - Itziar García Cruz (2º E.S.O. A) 
  • Segundo Premio: “As laranxas da laranxeira” - Arancha Basanta Otero (2º E.S.O. A)

Categoría 1º e 2º de E.S.O. - Relatos Curtos 

  • Primeiro Premio: “Non me esquezas, amapola” -  Pedro Artai Fernández Padrón (1º E.S.O. A)
  • Segundo Premio: “Casquiña” - Mario Cordido García (2º E.S.O. B)

Categoría 3º e 4º de E.S.O. - Relatos Curtos

  • Primeiro Premio: “As plantas da nosa paisaxe” - Laura Sofía Semedo Brito (4º E.S.O.)
  • Segundo Premio: “Un novo gran líder” - Mario Nieto Fraga (4º E.S.O. PDC)

VI CONCURSO  DE IMAXE  - Tema: “As plantas da nosa paisaxe”

Categoría Bacharelato, P.C.P.I. e Ciclos Formativos

  • Primeiro Premio: Alexandra Granda Márquez (1º Bach. A)
  • Segundo Premio: María Prieto Casares (1º Bach. B)
  • 280 lecturas

Acto de presentación da revista escolar "Maruxía nº 19"

Xov, 20/06/2013 - 21:02 — karina
O pasado xoves 20 de xuño, na biblioteca do IES Perdouro, Xabier Mazaira, alumno de 1º de Bacharelato e no nome dos seus compañeiros de clase, foi o encargado de conducir o acto de presentación do número 19 da revista escolar “Maruxía” do IES Perdouro. Desta edición, Miruca Parga, coordinadora do EDNL, contou coa colaboración do alumnado de 1º de bacharelato e do seu profesor TIC, José Luís Fernández, para a redacción e maquetación da revista que se publica anualmente no centro dende fai 19 anos. A publicación que recolle unha mostra das actividades e traballos realizados no centro durante o curso académico, está editada polo Equipo de Normalización e Dinamización Lingüística e pola Asociación Cultural “Os Matos”.

Ver reportaxe fotográfica do acto de presentación da revista nº 19 de Maruxía no blogue de Perdourando.
 
Revista Maruxía en PDF aquí.
  • 421 lecturas

Entrega de premios do VII Concurso de Relatos Curtos e Debuxo da Asociación Cultural Os Matos

Xov, 20/06/2013 - 20:57 — karina
"VII Concurso de Relatos Curtos e Debuxo" da As. Cultural Os Matos - Tema "Doce meses. Moitas paisaxes”

O pasado xoves 21 de xuño,  entregáronse no biblioteca do IES Perdouro os premios do VII Concurso de relatos curtos e debuxo convocado anualmente pola Asociación Cultural "Os Matos" cuxo lema foi “Doce meses, moitas paisaxes”. O presidente dos Matos, Antón Niñe, foi o encargado de felicitar aos premiados desta sétima edición do certame. Miruca Parga, coordinadora do EDL e Santiago Pérez, Director, entregaron aos premiados o seu diploma e uns agasallos. As obras gañadoras pódense ler no número da revista escolar “Maruxía” deste curso.

Ver reportaxe fotográfica da entrega de premios no blogue de Perdourando.

No concurso de relato curto e debuxo convocado pola Asociación Cultural "Os Matos" resultaron gañadores os seguintes traballos:

Relato curto:

•    1º PREMIO CATEGORÍA 1º CICLO ESO:
"Ril e a súa balea" de Mirella Ramos Vázquez (1ºESO)

•    2º PREMIO CATEGORÍA 1º CICLO ESO:
"Un Nadal en Burela" de Leticia De Pedro Martínez (1ºESO)

•    1º PREMIO CATEGORÍA 2º CICLO ESO:
"Un día na invernal Rusia" de Víctor Cabarcos Val (3º ESO PDC)

•    2º PREMIO CATEGORÍA 2º CICLO ESO:
"Nacín unha noite de marzo" de Alejandro Ramil García (3º ESO PDC)

Debuxo:

•    1º PREMIO:
"Setembro" de Clara Iglesias Fernández (1º ESO)

•    2º PREMIO:
"Collage Mar e Faro de Burela" de Itziar García Cruz (1º ESO)

  • 462 lecturas

A nosa revista Maruxía nº 19 en plena maquetación

Lun, 27/05/2013 - 16:46 — karina
Estes días o equipo de alumnos TIC de 1º de Bac. estivo traballando activamente baixo a coordinación de José Luis e Miruca no deseño da revista nº 19 de Maruxía. Están ultimando a maquetación para poder dala a coñecer dentro de moi pouco. 

Ver máis fotos en Perdourando.
  • 176 lecturas

Presentación da revista escolar da Asociación cultural “Os Matos” Maruxía nº 18

Xov, 21/06/2012 - 20:26 — karina

O pasado xoves 21 de xuño, na biblioteca do IES Perdouro, Juan Sama, director do IES Perdouro, Miruca Parga, coordinadora do EDNL, e mais o alumnado de 1º de bacharelato presentaron a revista escolar Maruxía nº 18, acompañados por Ramón Blanco e Laura Ramos, ex-alumna do centro.

 

Esta publicación,  editada polo Equipo de Normalización e Dinamización Lingüística e pola Asociación Cultural “Os Matos”, ten periodicidade anual e recolle traballos e actividades realizados no centro durante o curso académico. Nesta ocasión, a revista contou cun novo equipo de redacción e maquetación formado polo alumnado de 1º de Bacharelato que foron os principais responsables da elaboración da revista.

 

Revista Maruxía en PDF aquí.
Ademais disto, entregaronse os premios do VI Concurso de poesía e relatos curtos convocado anualmente no IES Perdouro pola Asociación Cultural "Os Matos". As obras gañadoras aparecen publicadas no número de Maruxía deste curso e os premiados recibiron un diploma e uns agasallos.

"VI Concurso de Poesía e Relatos Curtos"  Tema "Persoas emprendedoras"

Na categoría 4º ESO:

 - 1º Premio: Laura Bella Lindín 
 - 2º Premio: Pablo Costa Cancio

Na categoría Bacharelato e Ciclos Formativos:

 - 1º Premio: Sabela Blanco Baño (1º Bacharelato)
 - 2º Premio: Nélida Fernández Fernández (2º Bac.)

  • 608 lecturas

Presentación da revista nº 17 Maruxía e entrega de premios do concurso dos Matos

Ven, 17/06/2011 - 16:42 — karina
O pasado venres 17 de xuño, na biblioteca, Karina Parga, vicedirectora do IES Perdouro, Ramón Blanco, coordinador do EDLG, e Antón Niñe, presidente da Asociación "Os Matos", presentaron a revista escolar Maruxía nº 17.

Esta publicación, editada polo Equipo de Dinamización Lingüística e pola Asociación Cultural "Os Matos" e maquetada polo Equipo de Biblioteca, ten periodicidade anual e recolle traballos e actividades realizados no centro durante o curso académico.

Ademais disto, entregaronse os premios do concurso de poesía, relatos e imaxes convocado anualmente no IES Perdouro pola Asociación Cultural "Os Matos". As obras gañadoras aparecen publicadas no número de Maruxía deste curso e os premiados recibiron un diploma e uns agasallos.

 

Revista Maruxía en PDF aquí.
 "V Concurso de Poesía e Relatos Curtos"   - Tema "Burela: aberta ao mar"
 Poesía e  Relatos Curtos:  
  

Na categoría 1º e 2º ESO:

  • 1º Premio: Diana Gonçalves Sanches (1º ESO)
  • 2º Premio: Inés Pardo Parra (1º ESO)

Na categoría Bacharelato, PCPI e Ciclos Formativos:

  • 1º Premio: Bruno Oroza Parga (1º Bacharelato)
  • 2º Premio: Laura Trelles Díaz (1º Bacharelato)

Na categoría 3º e 4º ESO:

  • 1º Premio: Ángeles Mateos Guerrero (4º ESO)
  • 2º Premio: deserto
  
 "III Concurso de Imaxes"  

Na categoría ESO:

  • 1º Premio: Laura Sofía Semedo Brito (1º ESO)
  • 2º Premio: Emma Valle Basanta (1º ESO)
 Na categoría Bacharelato e Ciclos Formativos:
  • deserto

  • 574 lecturas

Maruxía nº 16 estrea novo formato

Mér, 30/06/2010 - 23:24 — karina

 

 Maruxía 16

                                                     

O pasado venres 18 de xuño, na biblioteca, Juan Sama, director do IES Perdouro, Miruca Parga, coordinadora do EDNL, Antón Niñe, presidente da Asociación Os Matos, e os alumnos, Yaiza Pernas e Daniel Otero de 1º de bacharelato presentaron a revista Maruxía nº 16.

Esta publicación,  editada polo Equipo de Normalización e Dinamización Lingüística e pola Asociación Cultural “Os Matos”, ten periodicidade anual e recolle traballos e actividades realizados no centro durante o curso académico. Nesta ocasión, a revista estrea formato e conta tamén cun novo equipo de redacción e maquetación formado por alumnado de 1º de Bacharelato. Este ano eles foron os principais responsables da elaboración da revista.

Esta publicación,  editada polo Equipo de Normalización e Dinamización Lingüística e pola Asociación Cultural “Os Matos”, ten periodicidade anual e recolle traballos e actividades realizados no centro durante o curso académico. Nesta ocasión, a revista estrea formato e conta tamén cun novo equipo de redacción e maquetación formado por alumnado de 1º de Bacharelato. Este ano eles foron os principais responsables da elaboración da revista.

 

Revista Maruxía en PDF aquí.
 

Ademais disto, entregaronse os premios do concurso de poesía, relatos e imaxes convocado anualmente no IES Perdouro pola Asociación Cultural “Os Matos”. As obras gañadoras aparecen publicadas no número de Maruxía deste curso e os premiados recibiron un diploma e uns agasallos.

 
"IV Concurso de Poesía e Relatos Curtos"   - Tema "Burela: a súa diversidade social e cultural"
Poesía:
 

Na categoría ESO:

  • 1º Premio: Leo Cayo Mescco (1º ESO)
  • 2º Premio: Tamara Soto Rodríguez (1º ESO)

Na categoría Bacharelato e Ciclos Formativos:

  • 1º Premio: José Casas Pernas (1º Bacharelato)
  • 2º Premio: Laura Claro Tellado (1º Bacharelato)
  • Mención de Honra: Lucía Barrera López (2º Bacharelato)
Relatos Curtos:  

Na categoría 1º e 2º ESO:

  • 1º Premio: Gabriel Bermúdez Álvares (1º ESO)
  • 2º Premio: Andrea Rega Villarejo (1º ESO)

Na categoría Bacharelato e Ciclos Formativos:

  • 1º Premio: Laura Ramos Cuba (1º Bacharelato)
  • 2º Premio: María Santiago Cañizal (1º Bacharelato)

Na categoría 3º e 4º ESO:

  • 1º Premio: Gorety Pérez Díaz (4º ESO)
  • 2º Premio: Laura Trelles Díaz (4º ESO)
  
"II Concurso de Imaxes"  

Na categoría ESO:

  • 1º Premio: Cristina Fernández Blanco (1º ESO)
  • 2º Premio: Xiana Fernández Díaz (1º ESO)
 Na categoría Bacharelato e Ciclos Formativos:
  • 1º Premio: Iago Villarino Coto (2º Bacharelato)

   

  • 440 lecturas

Presentación do novo número da revista MARUXÍA nº15

Xov, 04/06/2009 - 11:07 — ies.perdouro

A publicación chega moi renovada e abre unha nova etapa: neste número estrea dirección artística e literaria. A nova directora é a profesora Miruca Parga Valiña, do departamento de Lingua e Literatura,  e da coordinación da liña gráfica ocupouse Margarita López Periago, do Departamento de Electrónica, contando coa colaboración de Tomás López Retorta. Da elaboración dos contidos ocupouse o alumnado de ESO, Bacharelato e Ciclos Formativos.

 

Maruxía 15
  • 393 lecturas
Distribuir contido


by Dr. Radut