![](https://blogger.googleusercontent.com/img/b/R29vZ2xl/AVvXsEh7sAJceZ90wnrQs4otLDLR1blnHgIBbxUWWS2i1628zZcfgf_T9FURTVMW-CSN_QYl9xFV-81V0dd7yi7GgzDb1-OBAzhdtMmjvkMsKc8pR1gYGOCk-To1cyY0PFMySxlz_ml8u8tRNb6lA-7JYZb5FnIcxo6o6Zsq5EOtxgCYUS-HozCUDdZ3aw/w200-h195/Screenshot_20220523_151304.jpg)
A elaboración deste conto pertence ó Proxecto “Sabores do mar, saboreando a vida”, proxecto que pretende mellorar e innovar na atención das persoas con enfermidade mental e contribuír á súa integración na comunidade poñendo en valor os produtos mariñeiros, así como sensibilizar á poboación sobre os mesmos. E que mellor maneira de facelo que elaborando un conto creado na súa totalidade por persoas con enfermidade mental (guión, ilustracións,...) contando unha historia na que se ven reflectidos e dan a coñecer como se senten.
Con esta publicación, quérese normalizar o padecemento dunha enfermidade mental e eliminar prexuízos. A súa intención é enviar este conto aos centros educativos para poder loitar contra o tan temido estigma social dende os máis pequeniños... sensibilizando e educando.
Ao acto estaban convidadas a Conselleira do Mar, Dna. Rosa Quintana; a Xefa de Servizo de Saúde Mental, Dna. María Tajes; a Subdirectora Xeral de Atención Primaria, Dna. Sinda Blanco Lobeiras, entre outras autoridades.
Recomendamos a lectura deste conta que a asociación doou para a nosa biblioteca.