O alumnado poderá solicitar a renuncia ao módulo de FCT, segundo se establece na Orde do 28 de febreiro de 2007 pola que se regula o módulo profesional de formación en centros de traballo da formación profesional inicial, para o alumnado matriculado en centros educativos da Comunidade Autónoma de Galicia, e polo tanto, á súa avaliación, co fin de non esgotar as dúas posibilidades de matrícula previstas para o réxime ordinario, acreditando algunha das seguintes circunstancias (artigo 10):
a) Doenza prolongada de carácter físico ou psíquico.
b) Incorporación laboral acreditada mediante contrato de traballo.
c) Obrigas de tipo familiar xustificadas que impidan a normal dedicación aos estudos.
d) Outras de carácter análogo que a dirección do centro estime oportuno, por proposta do equipo docente.
As solicitudes deberán presentarse perante o director ou a directora do centro nun prazo de, cando menos, dous meses antes da avaliación final do módulo da FCT. A dirección resolverá no prazo máximo de dez días.
Solicitude renuncia ao módulo de FCT