Estimadas familias:
Na última semana deste mes de xaneiro celebraremos no IES Perdouro xornadas informativas e de portas abertas ás que gustosamente os convidamos a participar. Nesta ocasión serán por videoconferencia, dadas as restricións e normas de prevención pola Covid-19.
Estas reunións van destinadas ás familias e alumnado que deban ou consideren cambiar de centro para o curso 2021/2022, co fin de mostrarlles o funcionamento e as instalacións do noso instituto. Tamén ofreceremos información sobre o proceso de admisión para a Educación Secundaria Obrigatoria (ESO), Bacharelato e Ciclos Formativos.
Para facilitar a organización, abrimos un período de inscrición previa desde o luns 18 ata o venres 22 de xaneiro, ambos incluídos. Rematado este, indicarémoslles a data e hora da videoconferencia e enviarémoslles o datos de conexión.
Para inscribirse, poden facelo por teléfono (982 870 102) ou ben enviarnos un correo electrónico (ies.perdouro@edu.xunta.gal) indicándonos a seguinte información*:
- Nome e apelidos do pai, nai ou titor/a do alumno/a
- Teléfono de contacto
- Correo electrónico de contacto
- Curso e centro no que está matriculado o alumno/a na actualidade
Unha vez completado o proceso de admisión, organizaremos novas reunións informativas para o alumnado con praza adxudicada.
O período de reserva de praza en centros adscritos está aberto ata o día 8 de febreiro.
Reciban un saúdo cordial.
