Estimadas familias e alumnado:
Durante os días de suspensión de clases presenciais, o profesorado e o alumnado seguirán traballando a distancia por medios telemáticos. Titores e profesorado están contactando con alumnos e familias para establecer canles de comunicación e traballo polos que facerlles chegar as tarefas e recibir as consultas, tarefas resoltas, etc. Utilizaranse diferentes medios, dependendo dos grupos de alumnos e do profesorado. Os principais son os seguintes:
- Correo electrónico
- Abalar Móbil (App para o teléfono dos responsables dos alumnos/as)
- EVA de Edixgal (1º e 2º de ESO)
- Aula Virtual do centro
- Google Drive
- Teléfono
É fundamental que o alumnado traballe nas tarefas que lle pide o profesorado, para non perder o ritmo. Cando se retomen as clases presenciais haberá que avanzar moi rápido e o traballo feito durante estes días será moi importante.
Ante calquera necesidade ou dificultade (para consultar co profesorado, recibir ou enviar as tarefas, etc.), non dubiden en contactar preferentemente co titor/a do seu grupo (son os titores/as os que coordinan o traballo de cada grupo) ou coa dirección do centro a través do correo electrónico (ies.perdouro@edu.xunta.gal) ou do teléfono (982870102).
Moito ánimo!!
