Rematada a fase de solicitude e adxudicación de prazas, aínda é posible acceder a un ciclo formativo ata o día 27 de setembro (ata o 4 de outubro en réxime de adultos) a través destas opcións:
- Matrícula directa en prazas vacantes liberadas: ata o 27 de setembro (ás 13 horas)
- Solicitude de matrícula simultánea: do 24 ao 27 de setembro
- Matrícula por módulos soltos (réxime de persoas adultas) en prazas vacantes do réxime ordinario: do 1 ao 4 de outubro
Matrícula DIRECTA en prazas vacantes liberadas: do 24 ao 27 de setembro (ás 13 horas)
Se non che foi adxudicada unha praza ou non a solicitache previamente, podes matricularte de maneira directa nas prazas vacantes (nº limitado). A matrícula realizarase por estrita orde de chegada, coa única condición de acreditar os requisitos de acceso e presentar a documentación indicada máis abaixo.
Consulta a listaxe de ciclos de grao medio con prazas vacantes liberadas
Consulta a listaxe de ciclos de grao superior con prazas vacantes liberadas
Documentación a achegar para a matrícula en prazas liberadas:
- Anexo I (solicitude de admisión) cuberto
- Documetación acreditativa do requisito de acceso ao ciclo, segundo se especifica no anexo I (certificación académica e/ou outra)
- DNI ou NIE da persoa solicitante (no seu defecto, pasaporte ou documento da UE)
- Libro de familia (menores de idade)
- Recibo do seguro escolar (1,12€, Abanca: IBAN ES13 2080 0183 2430 4000 0260) (persoas maiores de 28 anos están exentas)
- Tarxeta sanitaria do alumno ou alumna
- Tres fotografías tamaño carné
Solicitude de matrícula simultánea: do 24 ao 27 de setembro
O alumnado matriculado nun ciclo formativo, en bacharelato ou en ESO poderá solicitar a autorización de matrícula simultánea de acordo co procedemento e nas condicións que se establecen no artigo 6 da Orde do 12 de xullo de 2011 (DOG do 15/07/2011).
Requisitos:
- O ciclo solicitado debe contar con prazas dispoñibles e non existir listaxe de espera
- Compatibilidade horaria mínima do 90%
Prazos:
- Presentación de solicitudes: do 24 ao 27 de setembro
- Resolución de Inspección Educativa: do 25 ao 30 de setembro
- Matrícula do alumno/a no centro educativo: do 1 ao 4 de outubro
O alumnado que teña pendente unicamente o módulo de Formación en centros de traballo (FCT) e/ou o módulo de Proxecto, de ser o caso, poderá solicitar a matrícula simultánea a partir do 24 de setembro ou en calquera momento do curso académico, co fin de efectuar a matrícula no devandito módulo nas condicións establecidas no artigo 6.5 da Orde do 28 de febreiro de 2007.
Procedemento e modelos:
a) Solicitude. Presentala no centro onde se solicita a nova matrícula, achegando a seguinte documentación:
- Modelo de solicitude para matrícula simultánea: anexo I adaptado
- Certificación de matrícula das ensinanzas coas que se desexa compatibilizar o novo ciclo
- Certificación do horario das ensinanzas coas que se desexa compatibilizar o novo ciclo
- DNI o NIE da persoa solicitante (no seu defecto, pasaporte ou documento da UE)
- Documetación acreditativa do requisito de acceso ao ciclo, segundo se especifica no anexo I (certificación académica e/ou outra)
b) Matrícula. Documentación complementaria a achegar para formalizar a matrícula (unha vez autorizada esta por inspección):
- Libro de familia (menores de idade)
- Recibo do seguro escolar (1,12€, Abanca: IBAN ES13 2080 0183 2430 4000 0260) (persoas maiores de 28 anos están exentas)
- Tarxeta sanitaria do alumno ou alumna
- Tres fotografías tamaño carné
Máis información sobre matrícula simultánea:
Matrícula por módulos individuais (réxime de persoas adultas) en prazas vacantes do réxime ordinario: ata o 4 de outubro
Entre os días 1 e 4 de outubro (ambos incluídos) poderás matricularte nos ciclos do IES Perdouro, nos módulos que desexes, polo réxime de persoas adultas (prazas vacantes do réxime ordinario).
Esta é unha boa opción se por razóns de traballo ou de outro tipo non che é posible cursar un ciclo formativo polo réxime ordinario. Tamén poden matricularse as persoas que non reúnen os requisitos para acceder a un ciclo formativo, pero dispoñen de experiencia profesional de dous anos.
Se estás interesado/a acude á secretaría do centro educativo nos días sinalados para formalizar a túa matrícula.
Podes obter máis información nesta páxina: Matrícula en módulos soltos de ciclos formativos (réxime de persoas adultas) (curso 2019/2020)
Remate do procedemento de admisión e matriculación
O proceso de matriculación rematará o día 4 de outubro. A partir desta data, non se producirá matriculación ningunha sen autorización expresa da Dirección Xeral de Educación, Formación Profesional e Innovación Educativa. Esta autorización farase por medio da aplicación informática que xestiona a admisión.
Máis información
Para máis información contacta co IES Perdouro:
- Teléfono: 982 870 102
- Correo electrónico: ies.perdouro@edu.xunta.es
- Rúa do Instituto, s/n; 27880 Burela (Lugo)
- GPS: 43.652140, -7.357292
Consulta a oferta de ciclos formativos do IES Perdouro
Tamén podes visitar o portal de FP da Consellería de Cultura e Educación
Nota: A información ofrecida nesta páxina está condensada e resumida, e pode conter erros ou inexactitudes. Para obter información fidedigna deben dirixirse á normativa vixente ou ao portal de Formación Profesional da Consellería de Educación. Lembre que a normativa sempre prevalece sobre calquera outra información.
