Skip to Content

Listado de libros de texto 2023/24

Xov, 10/08/2023 - 10:22

Este listado de libros de texto volveuse a actualizar con data 18 de setembro de 2023. 

O IES Pedra da Aguia cos refuxiados

Mar, 27/06/2023 - 09:48

O sábado 17 de xuño tivo lugar na praza do concello de Camariñas o Loco Festival, unha iniciativa do Comité español de ACNUR para concienciar á poboación da dramática realidade que viven os refuxiados diariamente.

As actividades organizadas polo noso Centro, en colaboración co Concello e con ACNUR, incluíron a lectura dun manifesto en prol dos refuxiados, varias actuacións musicais do alumnado do Centro, un mercadillo solidario e unha marcha polas rúas da vila.

Máis información en QPC, a Voz de Galicia, El Correo Gallego e ACNUR

Regueifas 2023

Mar, 23/05/2023 - 11:55

O luns, 15 de maio, o alumnado de 1º e 2º da ESO puxo en práctica todo o aprendido nos obradoiros de Regueifa que Lupe Blanco nos veu dar no mes de marzo e máis o practicado nas aulas de Lingua Galega e Música neste terceiro trimestre. A través da regueifa aprendemos que podemos falarnos de brincadeira, con retranca mais con respecto, e facer poesía cantada... algo que a un pobo de poetas coma o noso non lle pode faltar. Clicade no vídeo para rirvos un pouco e máis ollade que letras máis finas compuxeron

Vídeo Regueifas Letras Galegas 2023

Feliz Día das Letras Galegas

Lun, 15/05/2023 - 21:06

No IES Pedra da Aguia imos conmemorar o Día das Letras Galegas con varias actividades ao redor da figura de Francisco Fernández del Riego, o autor homenaxeado este ano. 

O día 16, véspera da gran festa da nosa lingua, gozaremos coas propostas do noso alumnado. Dúas alumnas de 4º exercerán de mestras de cerimonia dun espectáculo no cal o alumnado de 1º interpretará a canción favorita de don Paco e o alumnado de 3º levaranos cunha representación teatral ata o ano 1963, data na que se celebrou o primeiro Día das Letras Galegas. 

Polo súa banda, o alumnado de 2º realizou un podcast que podedes escoitar pinchando no arquivo adxunto.

Esperamos que gocedes moito desta data. Feliz Día das Letras Galegas!

Encontro co autor Manuel Núñez Singala

Xov, 13/04/2023 - 12:56

 

O vindeiro martes, 18 de abril, manteremos un interesante encontro co escritor Manuel Núñez Singala.

A 3ª hora participará o alumnado dos Clubs de Lectura que leu a obra narrativa "Noite de temporal". A 4ª hora será a quenda para o alumnado de 3º PDC, os cales estiveron lendo e traballando coa obra teatral "O achado do castro".

Trivialízate

Xov, 30/03/2023 - 12:58

Apúntate ao concurso cultural por equipos co que a Biblio conmemorará o Día do Libro. 

Celebrarase nos recreos da semana do 24 ao 28 de abril.

O premio para o equipo gañador será unha fantástica excursión no mes de xuño.

Apúntate no taboleiro da entrada da Biblio e pídenos máis información se a precisas. 

Distribuir contido


by Dr. Radut