Skip to Content

Obradoiro sobre Saúde Mental

Sáb, 06/04/2024 - 08:55

O alumnado de toda a ESO recibiu esta semana un obradoiro sobre saúde mental impartido por APEM, a Asociación Pro-Enfermos Mentais de Cee ao que acudiu un usuario do centro para contar a súa experiencia ao noso alumnado.

Obradoiro de Educación Afectivo - Sexual impartido por Quérote +

Sáb, 06/04/2024 - 08:47

Este venres día 5 de abril o alumnado de 3º da ESO realizou o taller de Educación Afectivo - Sexual impartido por Quérote +, cos seguintes obxectivos:

  • Crear un espazo de reflexión sobre a influencia das nosas emocións no noso comportamento.
  • Contribuír a ter unha actitude de cultivo cara á sexualidade.
  • Expoñer a sexualidade coma unha fonte de diversidade e riqueza.
  • Analizar as fontes de información arredor da sexualidade.
  • Subliñar a importancia do bo trato e dunhas relacións sas.
  • Coñecer a anatomía e fisioloxía sexual humana.
  • Informar sobre os diferentes métodos de protección e ITS.

Encontro literario co poeta Carlos Negro

Xov, 04/04/2024 - 11:30

O vindeiro martes, día 9 de abril, o alumnado de 4º ESO manterá un encontro co poeta Carlos Negro.

Durante a 3ª e a 4ª hora os alumnos e as alumnas participarán nun obradoiro práctico de poesía que se realizará na Biblioteca.

Carlos Negro é autor de varios poemarios, como por exemplo, "Aplicación instantánea", "Makinaria" ou "Penúltimas tendencias".

O noso alumnado estivo lendo e traballando coa obra deste autor lalinés e agora terá a oportunidade de realizar con el un obradoiro de poesía.

Tamén compartirán os poemas que escribiron inspirados na obra poética de Carlos Negro a través dunha exposición que se pode visitar na entrada da Biblioteca.

Hora de Ler

Mar, 02/04/2024 - 11:35


Volve a Hora de Ler!

O mércores, día 3 de abril, retomaremos a Hora de Ler na 3ª sesión.

Continuaremos durante todo o mes de abril e ata mediados de maio.

Podes consultar o calendario da Hora de Ler aquí.

Non esquezas traer o teu libro favorito!

Día da poesía e da árbore

Mar, 02/04/2024 - 11:24

No IES Pedra da Aguia celebramos o Día da Poesía e da Árbore por todo o alto.

A xornada comezou cun recital poético e musical no cal alumnos e alumnas de todos os cursos declamaron poemas de composición propia acompañados polo profesor de Música coa guitarra.

Todo o alumnado de 1º da ESO contribiu á mellora da contorna do instituto coa plantación de 16 árbores de especies autóctonas (carballo, faia, freixo e capudre). 

Tamén se entregaron os premios do concurso de poemas sobre natureza que foron para os seguintes alumnos e alumnas:

- Na categoría 1º e 2º ESO: o primeiro premio foi para Karla Ageitos de 2º A e o segundo, para Xana Martínez de 2º B.

- Na categoría 3º e 4º ESO: o primeiro premio foi para Aaron Suárez de 4º PDC e o segundo, para Ainhoa Castro de 3º B.

Parabéns aos premiados e moitas grazas a todos e a todas os que participastes nas actividades dun día tan especial. Máis fotos nos arquivos adxuntos!

Día da poesía e das árbores

Mar, 19/03/2024 - 12:07

Celebra coa Biblio o Día da Poesía e das Árbores o vindeiro xoves, 21 de marzo. Temos preparada unha conmemoración que xunta lírica e ecoloxía para festexar a data ao longo de toda a mañá.

Comezaremos no primeiro recreo cun recital lírico e musical na Biblio a cargo dos nosos poetas voluntarios. Tamén se entregarán os premios do concurso de poemas na categoría de 1º e 2º da ESO.

Deseguido, o alumnado de 1º ESO realizará a plantación de varias árbores autóctonas coa axuda dunha brigada forestal.

E remataremos no segundo recreo coa continuación do recital poético e a entrega dos premios correspondentes á categoría de 3º e 4º ESO.

Non perdas a oportunidade de celebrar un día tan fermoso e desfruta de todas as actividades que temos previstas para ti!

 

Distribuir contido


by Dr. Radut