Taboleiro

UNIVERSIDADE

1. A USC (Universidade Santiago de Compostela) abre o prazo para solicitar praza nas residencias públicas do Campus de Santiago e Lugo. O prazo remata o 28 de xuño. Toda a información neste Enlace.

2. A UVIGO (Universidade de Vigo) non ten residencias públicas, senón concertadas. Polo tanto, para reservar praza hai que poñerse en contacto directamente coa residencia que nos interese:

INFORMACIÓN

O noso alumno de 2º de bacharelato Gabriel Rodríguez Canda ven de participar na XVII Olimpíada Española de Bioloxía, na súa fase galega, celebrada o venres 18 na Facultade de Ciencias da Universidade da Coruña, acompañada pola súa profesora Beatriz Valiñas. A xornada foi moi intensa para o noso alumno, comezando ás 10:45h cun exame teórico sobre os coñecementos adquiridos ó longo destes últimos anos. Tras un descanso-aperitivo, que deu paso ao exame práctico, tivo que aplicar os seus coñecementos teóricos e destrezas no laboratorio. Trala comida asistiu a unha charla sobre a oferta académica e a vida universitaria na UDC e a unha conferencia do Doutor en Bioloxía e prestixioso herpetólogo Pedro Galán Regalado titulada “Darwin e Wallace: naturalistas”. Durante o acto de clausura nomeáronse os tres participantes que acudirán á fase española que se celebrará en Oviedo. Aínda que non logrou clasificarse, a súa valoración da experiencia foi moi positiva. Queremos darlle os parabéns de parte de toda a comunidade educativa do IES O Ribeiro a Gabriel pola súa participación, implicación, esforzo e traballo constante nestes anos. Augurámoslle moito éxito no seu futuro académico.

O venres 11 de febreiro o noso alumnado de 3º ESO celebrou o Día Internacional da Muller e a Nena na Ciencia participando nunha videocharla organizada polo Museo do Ferrocarril de Madrid para salientar o traballo das mulleres científicas e enxeñeiras que traballan ou traballaron no mundo do tren.

Antes da charla proxectouse un video onde a Ministra de Transporte, Movilidade e Axenda Urbana dedicou unhas palabras de ánimo para incentivar ás nenas a realizar carreiras técnicas e científicas e poder romper coa brecha de xénero que incrementouse nos últimos anos.

Despois, Dna. Cristina Ortega, Xefa de Sistemas e Dixitalización de Renfe, resaltou a importancia da tecnoloxía e informática no transporte ferroviario e tamén noutros ámbitos da vida, mostrando que son disciplinas que dan resposta a necesidades e resolven problemas diarios. Contou ademáis o que a animou a estudar Enxeñería Informática, nunha época na que non había tanta información como agora, e a súa traxectoria en empresas como a ONCE ou Iberia.

Sete alumnas e alumnos da materia de bioloxía de 2º Bacharelato participaron na Fase Autonómica Galega da Olimpíada de Bioloxía (fase previa telemática).

• Fernández Meiriño, Xiana

• Fernández Ojea, Ariadna

• López Vázquez, Xoel

• Prol Álvarez, Manu

• Rodríguez Canda, Gabriel

• Rodríguez Meiriño, Gemma

• Vázquez Martínez Saúl

Moita sorte!!