EDLG

O luns 28 de abril o alumnado de  3ºESO do IES Nº1 de Ordes e o de Carril fixeron unha xornada de convivencia. O fío condutor desta xornada foi a lingua galega e os rapaces puideron escoitar en vivo e en directo unha variante do galego diferente á súa.

O grupo de Carril saíu da estación de Renfe de Vilagarcía arredor das 8 h. da mañá. Despois das presentacións, o alumando dos dous centros educativos comezou un percorrido polas principais rúas e lugares significativos do centro da vila. A iso das 11h da mañá iniciaron todos xuntos o roteiro do río Mercurín duns 15 quilómetros de longo. Ao rematar o roteiro, foron todos xuntos  ata o instituto onde os alumnos de Ordes amosaron aos de Carril as súas instalacións e remataron o intercambio facendo un visionado das fotos da xornada.

Podedes ver algunhas das imaxes da xornada visitando a galería de fotos.

VER GALERÍA DE FOTOS

Este Entroido veu cargado dunha actividade febril. O tema central deste ano foron as revolucións. O alumnado traballou arreo para gañar nos diferentes concursos.

GALERÍA DE FOTOS

Facendo clic nas ligazóns ou nas imaxes podedes ver as máscaras gañadoras, os disfraces e as comparsas que levaron premio, as bases do concurso de sobremesas ou os cartaces deste Entroido. Máis abaixo hai algún vídeo-resumo  para ver o ambiente de festa.

PREMIOS

 VÍDEOS DA FESTA

1) TSAAFD

2) Comparsas

• 1º premio

• Outros participantes

Un ano máis celebramos a festa dos namorados cun concurso. O premio paga a pena. Participade!

BASES DO CONCURSO DE CARTAS DE AMOR 

 (Para descargar as bases en PDF clic na imaxe)

1.- Escribe a túa carta de amor (amor de parella, amor de amigos, amor de familia...) en calquera das catro linguas que se imparten no centro: galego, castelán, francés ou inglés.

2.- O xurado valorará o contido, a corrección na lingua empregada e a presentación.

3.- Haberá dúas modalidades en cada lingua (E.S.O. e Bacharelato e Ciclo) cun premio por lingua.

4.- Os premios consistirán en entradas de cine.

5.-As cartas non irán asinadas e acompañaranse dun sobre pechado cun alcume. Dentro figurarán os datos persoais: nome, apelido, curso e alcume. 

6.- As cartas deixaranse en conserxería ata o venres 14 de febreiro.

7.- O fallo do xurado comunicarase durante a festa do Entroido.

 Chegou o tempo da castañas e con elas chegou o Magosto. Para celebrar este evento tivemos varias actividades durante toda esta semana como por exemplo a charla “Falamos do Magosto”, unha exposición de cogomelos no 1º andar ou a proxección dun audiovisual titulado:“Tempo de outono”.

Deronse tres premios do concurso convocado no Samaín de cabazas decoradas:

1. Nerea Barreiro (1ºC): cabaza-morcego.
2. Aarón López (2ºA): cabaza-matrioska
3. Raquel Maneiro e Melissa García Rey (2ºC): cabaza comendo unha mazá 

 Ademais celebramos unha nova edición do Concurso de Receitas de Cociña do Magosto elaboradas con algun produto de tempada (castañas, cogomelos, noces...). Entre todas as receitas destacaron dúas: a de "volovanes de cogomelos"(salgada)de Araceli Castrelo (2ºB) quedou en 2º lugar mentres que a receita gañadora foi a da "tarta de queixo e castañas" (doce) presentada por Sara Vázquez (2ºC)

     E o venres 15 de novembro, a partires do 1º recreo celebramos a festa propiamente dita. No programa había xogos tradicionais, actividades deportivas  e un xantar popular con castañas asadas, chourizos e preadas. Todo isto acompañado de música tradicional executada polo noso alumnado. Longa vida ao Magosto!

     GALERÍA FOTOGRÁFICA