IES O CARRIL

Hoxe o alumnado de 1° de ESO tivo o pracer de participar no acto de celebración das Letras Galegas organizado pola asociación Mesa das Verbas e patrocinado polo Concello de Vilagarcía. Foi a ocasión de representar unha pequena obra de teatro que preparamos arredor da figura  de Francisco Fernández del Riego, o homenaxeado deste ano nas Letras Galegas. 

Foi xenial compartir o noso traballo co alumnado dos demais centros de primaria e secundaria que participaron e ver tamén o que eles prepararon para amosarnos a nós.

Despois do acto presentouse o cómic "O home que valía por mil", tamén adicado a Don Paco, obra de Antón Mascato e Pepe Carreiro, o autor dos Bolechas, que se parou a explicarnos o seu traballo como deseñador. Iago tivo a sorte de poder aprender a debuxar con el varios personaxes da familia dos Bolechas. Foi unha mañá moi completiña de moita aprendizache e diversión! 

Feliz día das letras a todxs!!!   

#DíaDasLetrasGalegas

#FranciscoFernándezDelRiego

#MesaDasVerbas

Impagable clase de Historia e Memoria democrática da nosa contorna próxima da man do historiador carrilexo Marcelino Abuín para o alumnado de 4ºESO e 2ºBAC.

O pasado venres 31 de Marzo celebrouse na biblioteca un Obradoiro de Voces Africanas organizado polo Departamento de Música.Botádelle un ollo ao vídeo everedes que resultado tan fermoso!

Esta mañá volvemos recibir a visita de Esther Buela para falar das violencias machistas. O alumnado de 1° de Bacharelato non puido conter a emoción a medida que Esther avanzaba no relato. Impactounos especialmente a súa capacidade de superación e a forza que transmite cando fala. Moitas grazas por compartir tanto con nós, Esther, e por darnos as claves para detectar situacións de violencia e falarnos das opcións que temos para bloquealas.
#stopviolencias
@galega_incorrecta

Velaí unha mostra das/os simpáticas/os participantes.

O pasado 14 de Febreiro tivemos o inmenso pracer de ter no noso instituto ao matemático e divulgador científico Eduardo Sáenz de Cabezón.

Profesor na Universidade de La Rioja, é tamén membro do grupo de divulgación científica Big Van Ciencia e, dende fai uns anos, coñecido por ser o conductor do programa Órbita Laika que se emite na 2 da TVE.

Moitísimas grazas Eduardo por esta tarde tan agradable, que se configurou non só como unha aprendizaxe sobre cuestións nas que están tan presentes as matemáticas, senón como unha invitación á reflexión sobre as mesmas. Ata a próxima!