Skip to Content

TABOLEIRO DE ANUNCIOS

                                                                          

 

INFORMACIÓN ABAU 2023

HORARIOS DO ALUMNADO

LIBROS DE TEXTO CURSO 2O22/23

PROTOCOLO COVID-19 (20/05/2022)

 

 ACTIVIDADES

                                                                          

CALENDARIO 2023

Xa chegou, xa está aquí o noso calendario para este ano 2023! O tema é: Que bonito é vivir aos pés da Ría de Arousa!
Moitísimas grazas ao Departamento de Debuxo, por colaborar con nós un ano máis na realización do calendario, e ao alumnado que fixo os debuxos do mesmo. Que artistas sodes!! Marabilla!

 

Preme nas imaxes para agrandalas

COMPARTE AS TÚAS LECTURAS

Animádevos a escribir unha pequena reseña en galego sobre aqueles libros da biblioteca do centro que lerades, ou vaiades ler, e que vos gustasen. Para isto, atoparedes papeliños de cores na mesma. Entre tod@s temos que dinamizar a nosa biblio!

AS FOLIADAS DO 2º TRIMESTRE

CONCURSO-MARATÓN FOTOGRÁFICO EN COMPOSTELA

Esta fermosa fotografía de Gaila González Pillado vén de gañar o premio "IES O CARRIL" do concurso-maratón fotográfico no que participou o alumnado de 3°ESO o pasado 22 de novembro na visita a Santiago de Compostela. Moitos parabéns, Gaila!!!

UN INTRUSO NO MEU CEREBRO

Marta Rial Rodríguez, de 2° ESO B, recibiu o pasado 21 de decembro o 1° premio do concurso "Un intruso no meu cerebro", impulsado por @larprosaludmental. Marta presentou ao concurso unha curtametraxe titulada "A nube" na que reflicte á perfección que un problema mental non nos define e que, con axuda psicolóxica, apoio dos seres achegados e medicación calquera persoa pode levar unha vida normal. Moitos parabéns, Marta, un premio máis que merecido!!!!

 

CONTACONTOS

O 21 de Decembro celebrouse na biblioteca un concurso de contacontos entre o alumnado de 1ºESO, coa intervención especial das profes de galego, que tamén se animaron a participar contando dous contos que nos mantiveron a todos os presentes ben atentos!
Tanto desfrutamos cos contos dos participantes e tan ben o fixeron, que o xurado, formado por un grupiño de alumn@s do Club de Lectura, o tivo moi difícil para dar os premios!
Graciñas a todos por participar, tanto ao alumnado que se animou a contar un conto, coma aos presentadores e ao xurado!

TORNEO DE DACHBALL

Para rematar ben o trimestre, o 22 de Decembro a partir das 12:35 realizouse un torneo de Datchball no que participou tanto o alumnado como o profesorado. Que ben o pasamos! Haberá que repetir no segundo trimestre con outro deporte. Asegurámosvos que os profes volveremos ir por todas!!

AS FOLIADAS DO 1º TRIMESTRE

Os martes 8 de Novembro e 20 de Decembro houbo foliada no noso instituto. Que ben o pasamos sempre e que canteira tan marabillosa temos!! Graciñas a tod@s por participar e animarvos a compartir un ratiño xuntos!

MAGOSTO 2022

O día 11 de Novembro a partir das 12:35 celebrouse no instituto o noso tan querido Magosto. Houbo castañas, bolos preñados e festa, moita festa. Para o ano teremos que repetir, non si?
O EDLG aproveitou tamén para dar os agasallos ás cabazas premiadas no concurso do Samaín! Noraboa a tod@s!

OBRADOIRO DE REGUEIFAS 2022

Os días 26 de Outubro e 11 de Novembro, o alumnado de 4ºESO participou na biblioteca do centro nun Obradoiro de Regueifas, organizado pola Asociación O.R.A.L de Galicia e financiado pola Deputación de Pontevedra, da man de Guadalupe Blanco.
Que ben o pasaron. Moitísimas grazas!

SAMAÍN 2022

1. Concurso de cabazas.
Aquí vos deixamos as cabazas participantes no concurso deste ano. Que traballazo por parte da nosa rapazada!



2. Actividade co Club de Lectura.
O venres 28 de Outubro estivemos aprendendo cousiñas da tradición galega, moi relacionadas coa celebración do Samaín, en compañía dos membros do Club de Lectura.



3. Disfraces e clases decoradas.
Aquí tedes á clase de 3ºESO A decorando a súa aula e máis a un grupiño de alumn@s que se animou a vir disfrazado polo Samaín.

 

AS FOLIADAS DOS MARTES NO IES O CARRIL

O martes 4 de Outubro deron comezo as foliadas deste primeiro trimestre. Aquí vos deixamos uns vídeos que amosan, non só o ben que o pasamos, senón tamén a pedazo canteira que temos no noso instituto!!

CALENDARIO 2023

Queremos facer un calendario anual e necesitamos da vosa axuda. Dende o EDLG animámosvos a facer un debuxo que acompañe a cada mes do ano. Como vedes no cartel, o tema deste ano é Que bonito é vivir ao pé da ría de Arousa! O debuxo deberá facerse en horizontal e a data de entrega será o 30 de Novembro.

SAMAÍN: CONCURSO DE CABAZAS

Deixade a cabaza acompañada dun papeliño co voso nome e curso.

NOVA ACTIVIDADE ! VOLVEN AS FOLIADAS !

Traede comida para xantar todos xuntos antes de comezar a bailar, cantar e tocar a pandereta ata que comecen as clases da tarde! 

Os/as que estedes interesad@s avisade a algún membro do equipo de dinamización.

Se vos gusta a música tradicional, non o dubidedes, animádevos a asistir!!

 

Distribuir contido


by Dr. Radut