“Cantamos o Maio”: un recorrido pola tradición no I.E.S. “Miguel A. Glez. Estévez”, O Carril
Hoxe, xoves 30 de abril, e seguindo os mandados da tradición, os alumnos de 1º da ESO celebraron na Biblioteca un festival lúdico- musical, no que tamén tivo cabida un audiovisual que percorreu a nosa tradición do Maio, dende tempos pretéritos, pasando pola pegada celta e romana, así como a cristianización dos rituais, xa en plena Idade Media.
A partires do 17 de abril queda aberta ao público a exposición MAGE'15, unha mostra de traballos realizados polo alumnado do Bacharelato artístico que cursa estudios no IES Miguel Ángel González Estévez de Carril. Á inauguración asistiu, ademáis do equipo directivo do instituto e do profesorado e do alumnado responsable da exposición, a concelleira de cultura representando ao Concello de Vilagarcía, dona Rocío Llovo. Animamos a todo o mundo a visitar a exposición que estará aberta ata o 10 de maio.
O actor, autor e narrador oral galego Cándido Pazó veu ao noso entro educativo para facer unha sesión de contacontos dirixida ao alumnado de 1º de Bacharelato. Como podedes apreciar nestas imaxes o público disfrutou moito da actuación desenvolvida integramente en galego.
O mércores día 15 de abril tivo lugar na Biblioteca do centro a presentación do libro “AROUSA MEDIEVAL E ROMÁNICA”, obra recentemente publicada e que recolle os traballos dos distintos relatores que participaron no Simposio Arousa Medieval y Románica, celebrado en Vilagarcía no pasado mes de maio.
A presentación correu a cargo do director do Simposio e responsable da edición da obra, Augusto Guedes de Castro, antigo profesor e director do IES Miguel A. González Estévez. Asimesmo, Alicia Padín Buceta, investigadora do patrimonio medieval de Vilagarcía e antiga alumna do centro, realizou unha interesante exposición de carácter divulgativo sobre a arquitectura románica no concello vilagarcián. O seu percorrido centrouse fundamentalmente nas igrexas de S. Martín de Sobrán e S. Pedro de Fontecarmoa, dúas xoias do noso Patrimonio probablemente descoñecidas para moitos dos nosos alumnos, para os que seguro supuxo un descubremento coñecer o seu alto valor artístico e histórico. O acto estivo dirixido a todo o alumnado de 2º Bacharelato. Ao remate do mesmo foron sorteados entre os alumnos tres exemplares do libro.
O 18 de marzo tivo lugar un evento lúdico-deportivo no recinto feiral de “FEXDEGA” no que participou como organizador o alumnado do Ciclo Formativo de Actividades Fìsicas e Recreativas do Instituto Miguel Ángel González Estévez e como participante o alumnado da Asociaciòn Con Eles e do C.E.E. DE Vilagarcía de Arousa, ambolosdous centros dedicados a alumnado con necesidades especiais.
O obxectivo era facer una actividade diferente na vida diaria de todo o grupo , desenvolver no alumnado do ciclo a competencia para organizar unha xornada real integrado no módulo de “Actividades Fìsicas para persoas con Discapacidade“, fomentar a actividade física e o deporte en xeral establecendo relacións entre todos os participantes e, sobre todo, privilexiar o disfrute persoal.
Fexdega foi o lugar elixido tanto polas súas amplas instalacións (8000 m2) ademais dun gran espazo de aparcamento como polo seu fácil acceso, sendo un espazo de referencia para este tipo de eventos deportivos. As diferentes actividades estiveron atendidas por estudiantes do ciclo e en todo momento hubo una dotación de Protecciòn Civil no recinto ademais de todo o profesorado dos dous centros de educación especial. As actividades propostas foron variadas e realizáronse en dúas horas: exercicios sobre colchoneta, globos, xogos populares, xogos motóricos, música e circuitos. Despois houbo deportes máis competitivos entre o alumnado del ciclo e alumnado doutros centros e tamén obradoiros de baile. Ademais os participantes puideron disfrutar dun pequeno refrixerio a media mañá ofrecido polos colaboradores do evento. Queremos gradecer a Larsa, Clesa, Nestlé, FrutasRaibal, a Fundación de Deportes de Vilagarcia e Protecciòn Civil que fixeran posible este primeira xornada lúdico - recreativa que esperamos que teña continuidade en anos vindeiros.
Aquí tendes un video da master class de Xenia Tartari, profesora de claqué, co alumnado do Bacharelato de Música e Artes Escénicas que tivo lugar o 26 de marzo na aula de música. Esta é a nova no xornal.
Un grupo de 37 alumnos composto por rapaces e rapazas do IES A. Cotarelo, o IES F. Bouza Brey e do IES M.A. González Estévez de Carril está en Francia realizando un intercambio co alumnado do collège Victor Segalen de Châteaugiron. O intercambio, que xa anda pola súa decimoterceira edición, comezou o día 13 de marzo e remata o 26 do mesmo mes. Durante a maior parte do tempo o alumnado compartirá a vida familiar co/ca seu/súa correspondente en Bretaña e rematará esta aventura coa visita de París. A volta a Vilagarcía está programada para o xoves 26 de marzo.
Este grupo ten un blog no que vai comentando as súas vivencias e sensacións (ademáis de incluir fotos). Podes ler o blog facendo clic aquí.
_________________________________________________________________________________________________________________________
