Visita do rapper El Chojin

O luns día 20 de xuño recibimos no IES unha visita especial, a do coñecido rapper El Chojin. Pola mañá traballou cun grupo de alumnos nun obradoiro mestura de  literatura e música e no que os rapaces crearon composicións a ritmo de rap.  Pola tarde, no Centro Socio-Cultural do Concello de Monterroso, El Chojin deu unha interesante charla a todo o alumnado do IES.

Ao final os rapaces do Obradoiro amosáronnos as súas creacións. O auditorio desfíxose en aplausos. Noraboa a todos os novos artistas e moitas grazas, Chojin pola tua máxica presenza.